نحن بعد نطبخ يوم بيوم م نفرز .. ربي يبلغنا الشهر الفضيل بالخير يارب لا فاقدين ولا مفقودين

يارب الله يبلغنا رمضان لا فاقدين ولا مفقودين

هلا فيك نظامي اصلح كل شي بوقته وأتعب وإرهاق ومافيه نوم بس هالسنه بغير نظامي وفرزنت عشان يخف عني الشغل انا زيكم سفرتين للفطور والسحور مااطبخ سحور فرزنت للحين كبة التوست وسمبوسة لحم والتوست الي تطلعينه وتقلينه بعدين تقصينه نصفين وتحشينه وباقي ماكملت التفريز بقي أصابع الجبنه وسمبوسة جبن ابيض وبقدونس وسمبوسة جبن الشدر وسبرنغ رول
كبة التوست سهله وسريعه ولذيذه علمتني عليها اخت زوجي الله يخليلها عيالها
كيس توست تشيلين الاطراف وتطحنينه ناعم بالطاحونه في كاس تحطين كاس مويه وملعقة نشاء وملح وتعجنين التوست بها ولو تبي زياده زيدي عن الكأس اهم شي تصير متماسكه سوي اي حشوه تحبينها دجاج لحم جبن وتكورينها كبر كورة البولنج وبعدين تسوينها زي الكبه وتحشينها وتسكرينه

اي والله قلوبنا ترفرف لشهر مضان الله يبلغنا اياه يارب بصحه وعافيه
انا الحمد لله من زمان قبل رمضان بكم يوم اسوي لي جدول واكتب فيه كل يوم وش بسوي لمده اسبوع
واذا انتهي الاسبوع اعيده نفس الشي
وانا افرزن دايم السمبوسات واصابع الجبن وحتي كشنه الشوربه ولحم الشوربه اقطعه صغار واعبيه في اكياس
عشان خلاص ارتاح في نهار رمضان من الحوسه
وعموما مااكثر طبخ ولو بسوي اصناف او صواني بكميات قليله جداً لان الاساسي عندنا الشوربه والسمبوسه والحلو اللي مع القهوه في الفطور الاول
لكن انتي جربي الجدول بترتاحين مره وعلقيه ع الثلاجه قدامك في المطبخ وحتي تعرفين وش الاغراض اللي تحتاجيها لانك عارفه وش راح تطبخين طوال الاسبوع


والله يبلغنا رمضان ويجعلنا فيه من المقبولين