عربات الملكه ....اي وحده سمعت فيها تدخل الله يرزقها؟

انا من جدة حبيبتي وماعرف الاماكن اللي تبيعها بالرياض بس عندنا بجدة طريق المدينة كلو محلات تبع عربات الملكة واسعارها تقريبا من 4000 الى 8000 على حسب الميزانية واشكالها روعه اما ايش ينحط فيها اكيد شوكلا من النوع الحلو ويكون مغلف ومزين بديكور العربية اللى تكون على لون فستان العروس اللي راح تلبسو في الملكة وكمان يكون فيها عطور اربع او خمسة وعطر مع الطقم حقو وتشكيلة من مكياج ماركات يكون حلو اساس وبلاشر وارواج يعني تشكيلة على ذوقكم وكمان يكون فيها ساعة حلوة للعروس وكم قطعة قماش من الحلوة اللي تناسب العرايس وعباية فخمه وطبعا غير الاشياء اللي راح يسويها الرجال اللي يغلف العربية من عود ولبان وفوفل يسونها بديكور كثير حلو وانتم تودون الهدايا للرجال وهوا يغلفها ويزينها وبعض الناس يحطون فلوس فضة ومصحف وعود سائل وهذا اللي اتذكرو الان وبالتوفيق ان شاءالله والف مبروك مقدما

زي ماقالت نسنوسه الشوكلاتات والعطور ودهن العود والعود والبخور الزين

وهالشغلات اللي قالتها نسنوسه

شفت ناس كمان حطوا مجسمات كريستال صغار

اشكالها تجنن

بس كثيييييييييير صاروا يحطونها بالزواج مو بالملكه

بصراحه هي تكلف كثير

لكن الله يعينكم

والله صراحه تكلفه

بس ممكن احط فيها بس عوده وباخور وشكولاته وطقم الشبكه ........... ولا تكون بايخه الفكره

تلقي في الرياض عند باتشي بس اسعارها اغلى من المحلات في جده لانه مو منتشر زى عندنا

بس العادى يحطو المهر

الهيل اللبان البخور ويكون من الاصلي ودهن عود عطورات اربعه او خمسه شوكلاته راقيه مو لازم صحن كبير

ريالات فضه وتكون حسب المهر والله مدرى كيف بالزبط لانه عادات قديمه بس في ناس يحبوها للحين اتوقع كل الف ريال من المهر قدامه ريال فضه يعنى اذا مهرها 30 الف تحطو 30 ريال فضه شي زى كده انتى عارفه لو تروحى المحل نفسه تلقيه كل شي قدام عينك وهما بيفيدوك ايش تحطى لانه شي اساسي عندنا عربيه الملكه

طقم الشبكه ماينحط مع العربيه تجيبوه لحاله لانه العربيه حتروح عند الرجال وقت الملكه اذا كانو اهل العروسه عاملين ملكه رجال

ولاتسو علب الملكه كمان تلقيها في نفس المحلات اللي تبيع العربيه وتكون على حسب معازيم الرجال يعنى 100 200 حسب معازيمهم وعاده تكون تحفه مغلفه في علبه ومعاها شوكلاته ولا خلاوه واسعارها متفاوته

روحى طريق المدينه في جده المحلات بالهبل هناك واذا تبغى المميز مالك الا المفتى لوبانشيه بس الا سعار نار اغلى من بره

الغامدى شغله مميز كمان واسعاره معقوله وباتشي عندهم كمان وفي محلات تانيه تلقي ارخص

بالاضافة اللي قالوه البنات شوفي محل بداية السعادةفي الشارع اللي فيه سوق الكندرة عندهم افكار ما شفتها في طريق المدينة زي المفرش المخمل اللي ينكتب عليه اسم العروسين وتاريخ العقد واسعارهم ارخص وتشريعهم احلى ولهم فرع في الهنداوية ارخص...وما عليكي الاتجيبي العطور والعود والمباخر والشمعدانات ولشوكلاته