moonsuhail :

الزربيان الحضرمي او الكبسه الحضرميه حبيت اليوم اعرفكم على صنف من المطبخ اليمني اللي هو الزربيان الحضرمي ( تقريبا هو شبيه بالزبيان العدني ) طبعا على طريقتي والطعم امممممممممممممممممم خطير وطبعا معروف ان الخضارمه اكلهم كثير حلو وشهي المقادير مع الطريقه بالتفصيل ....***** اولا احضري صينيه فيها علبه زبادي اضيفي اليها الماء واحركيها جيدا حتى يصبح الزبادي سائل وبعد ذالك اضيفي اليه 2 بطاط وسط والدجاجه او ممكن لحمه صراحه جربته بالاثنان لكن باللحمه طلع الذا وبعدين اضيفي الى الخليط مكعب ماجي وبهارات كاري لو موجوده ونصف حبه بصله مفرومه ونقطه خل عشان تروح زفره الدجاج او اللحمه وخليه على جنب لمده ساعه في هذه الاثناء قومي بغسل الارز واانا استخدمت أرز الرائد بسمتي كثير روعه اغسليها جيدا واضيفي اليها الماء ويكون مستوى الماء اعلى بقليل من الارز واضيفي معاه الزيت ونصف حبه من البصل المفروم والبهارات الصحيحه من ( قرفه ومسمار وهيل ولو حبيتي ممكن ورق غار) انا لم اضف ورق الغار لاني مااحبه في الاكل وهذا شكل الارز بعد ان استوى ... نجي الان للشغل الجد جد نحضر قدر ونضيف اليه 2 بصلات مفرومه ونضيف اليه ربع كاس زيت ونرفع القدر على النار نحركه من فتره لاخرى حتى يصير لونه هكذا بعد ذالك ناخذ البصل المحمر على جنب ولا يبقى في القدر سوى القليل ناخذ الدجاج والبطاط من الخلطه ونضيفه لباقي البصل ونحركهم حتى يحمروا شويه لم يصير لونهم هكذا ضيفي خلطه الزبادي الى الدجاج والبطاط وخليهم على نار هادئه نسيت اقولكم اضيفووووووووووووووووا الملح كنت هنسى الملح المهم بين فتره واخرى قوموا بتحريك الخليط حتى لايحترق ولو احتاج ماء ممكن تضيفي بس بكميات قليله بعد نص ساعه ضيفي نصف كميه الارز وبعدين اضيفي البصل اللي نقصتيه في البدايه طبعا راعي ان نصف كميه الارز تكون بين الخلطه والنص الثاني ما يكون في ماء ونضع على الوجه الزعفران ركزتوا ان الجزء العلوي خالي من الماء الان غطي القدر تمام وضعيه على نار هادئه جداااااااا لمده ساعه الاربع وممكن يحتاج نصف ساعه بعد ان يستوي الارز احفري حفره في المنتصف وضعي فيها كأس فيه زيت وضعي بينه فحمه وغطي القدر كويس حتى يتبخر الارز بعد ذالك شيلي الجزء اللي من فوق اللي لونه اصفر ضعيه جانباَ بعد ذالك اقلبي الارز وضعي الارز الاصفر فوقه وحركيه حركه بسيطه

الزربيان الحضرمي او الكبسه الحضرميه حبيت اليوم اعرفكم على صنف من المطبخ اليمني...

moonsuhail :

الدقة (طريقه صنع اللحم المفروم) طبعا الكل يسال ايش يعني دقه ( هي اللحم المفروم) المقادير نصف كيلو لحم مفروم مسلوق وياريت لو يكون طازج لانه مافي احلى من الطازج باميا مسلوقه و1 بطاط كبيره مسلوقه طماطم مسلوق وبعدين اعصريه في العصاره يصير زي الصلصله وممكن تستخدمي ملعقتان من معجون الطماطم لو الطماطم مش احمر بهارات ملح فلفل اخضر حار كزبره 4 فصوص ثوم بصل اخضر حسب الرغبه 2 فص هيل مطحون كويس الطريقه : قطعي بصل وفلفل اخضر بارد وخليهم لم يذبلوا وبعدين ضيفي اللحمه وقلبيه كويس ومن ثم ضيفي الطماطم واضيفي مقدار كوب من الماء وخليهم يغلوا وبعدين ضيفي البطاط والباميا ولم يغلوا كويس اضيفي الملح والبهارات وقبل لاتطفي النار دقي الثوم والكزبره والفلف الحار في الهون دق جيدا واضيفه على الطبخه ومن ثم قطعي البصل الاخضر وضيفيه وبالهنا والعافيه وهذه صوره الطبق وهذه عن قرب

الدقة (طريقه صنع اللحم المفروم) طبعا الكل يسال ايش يعني دقه ( هي اللحم...

+5

moonsuhail :

الشكل النهائي ... أغراء أكثرررررررررررررر

الشكل النهائي ... أغراء أكثرررررررررررررر

+5

moonsuhail :

كبسة الارز البسيطه: المقادير 4 افخاذ من الدجاج ولو حبيتي الصدور مش مشكله مسلوقه (تسلقي الدجاج مع حب هيل ومسمار وقرفه صحيح وبصله كبيره مقطع الى انصاف وقليل من الملح) 4 كاسات ارز بسمتي او امريكي بس بيطلع بالبسمتي اطيب بكثير مسلوق نصف سلقه 1 بطاط كبيره الحجم مسلوقه 2 حبات بصل كبيره الحجم 1 قرن من الفلفل الاخضر البارد ملعقتان من صلصه الطماطم ربع كاس زيت الطريقه : اولا ناخذ البصل ونقطعه ونضيف اليه ربع كاس زيت والفلفل الاخضر البارد وملعقتان من الصلصه كما في الصوره وبعد ان نحركه قليلا حتى يذبل البصل ويختلط مع صلصه الطماطم شوفي الشكل في الصوره نضيف اليه نصف كميه الارز المسلوق (طبعا نسلقه في الماء حق الدجاج بعد اخراج الدجاج ونصفي الارز تمام من الماء ) كما في الصورره ونضيف الدجاج و البطاط ومن ثم نضيف باقي كميه الارز ونرش عليها قليلا من الكركم ومن ثم جيبي طاسه وخلي فيها صلصله الطماطم وكأسان من الماء والبهارات المحببة لديكي وضعيها على الأرز قليلا قليلا وغطي القدر بطبق محكم وضعيه على نار هادئه لمده ربع ساعه وشفي لو الماء نشف منه طفي النار وبعدين جيبي فحمه وخلي بين القدر قطعه من الفلفل الاخضر البارد وفيها شويه زيت وخلي الفحمه عليها وطبقي القدر شويه حتى ياحذ نكهه الفحم والفلفل والصوره تحكي ... وبعدين اقلبيه في طبق التقديم وهذه صورته النهائيه وهذه صوره عن قرب

كبسة الارز البسيطه: المقادير 4 افخاذ من الدجاج ولو حبيتي الصدور مش مشكله...

+3

moonsuhail :

الحنيذ ( دجاج ولحم ) المقادير مع الطريقة... اولا نبدا بالدجاج غسليه كويس وحطي في صحن هذه البهارات ملح وفلفل وكمون وكركم وهيل مطحون ناعم واخلطيهم كويس وبهري الدجاج كويس وحاولي تعملي فتحات بالسكين عشان البهارات تتدخل لداخل وبعدين جيبي القصدير وحطي الدجاج فيه وطبقي القصدير وحاولي يكون مغطى كويس هكذا انتهينا من الدجاج سهل كثير صح ؟؟؟ نجي لعمل حنيذ اللحمة طبعا نعملها بهارات مثل بهارات الدجاج تماماَ وهذا شكلها وهذا شكلها بين القصدير .. ياحرام شكلها مستحيه وبعدين نجيب طاويه وياريت لو تكون تيفال وخلي فيها ماء الى المنتصف وخلي بينها الحنيذ زي الصوره وغطيها بطبق محكم وخليها اولا على نار عاليه وبعد ساعه خفضي النار وافتحي عليها شوفي لو نشف الماء زيدي عليها ماء الدجاج خليه من ساعه الى ساعه ونصف حسب حجم الدجاجه واللحمه خليها ساعتان ونصف لو هي طازجه ( على فكره احنا مانحب الاطازج لانه مافي احلى منه ) ولو هي مثلجه بصراحه مالي خبره يمكن تحتاج وقت اكثر وهذا شكل الدجاج وهذا شكل اللحمه .. على فكره لو في معاكي فخار بيكون حلو كمان خلي الحنيذ فيها وخلي فيه ماء الى المنتصف شوفوا الصوره ملاحظه... ممكن تولعي فيه فحمه بيطلع مره حلووو

الحنيذ ( دجاج ولحم ) المقادير مع الطريقة... اولا نبدا بالدجاج غسليه كويس وحطي في صحن هذه...

+5