رجيم روووعه ماتحسين بجوع ...!!!!!

هلا حبيباتي عندي لكم رجيم روعه من اخصائية تغذيه عملته اختي واخويه ماشاء الله اجسامه صارت تهبل اخويه كان 105 الان 80 واختي 85 الان 65 وانا الان باديه فيه وزني 70 وطولي 165 يعني ابي انزل 8الى 10 كيلو وصارلي اسبوع عليه انا وزوجي والله ماحنا حاسين انا نعمل دايت مرره مريح

الفطور

شريحة توست اسمر مع ملعقة اكل لبنه او جبنه مالحة قليلة الدسم وشرحات خيار وطماطم
انا احمص التوست يطلع روعه وادهنه باللبنه اولكر واحط شرحات الخيار والطمام وطعمه حلو

الغداء

اخذ ربع دجاجه وابعد الجلد واتبلها بالبهارات والثوم والكزبره واقطع بصله وشرحات فلفل رومي في صينيه واحط الدجاجه فوقها وادخلها الفرن نصف ساعه
وطبعا ينوكل معاها ربع خبزه اسمر اذا كانت الخبزه كبيره ونصف اذا كانت صغيره
وصحن سلطه بدون زيت
وللتنويع ممكن بدل الدجاج صيخ كباب او كبه مشويه حبتين او قطعة لحمه بحجم نصف الكف
ولازم اللحم يكون خالي من الشحم


العشاء
ممكن عمل شكشوكه بحبة بيضه واحده مع صحن سلطه مع ربع خبزه اسمر
وممكن بدل الشكشوكه فول وطريقته تحمري بصله من دون زيت وبعدين حبه طماطم بعدين تضيفي لها 2 ملاعق فول من اللي بالعلب ..
وممكن بعد سانوتش بيضه مقليه بالطاوه بدون زيت المسلوق ممنوع واحشيه في ربع خبزه اذا كان الخبز كبير ونصف اذا كان مثل حجم خبز الشاورما واحط معاها شرحات خيار وطماطم


ملاحظات 1-لازم مشي يوميا بمعل ساعه انا صراحه مااقدر امشي يوميا عمل زوجي مايسمح لكن العب علي جهاز الاوربتراك نصف ساعه وهي تعادل ساعه مشي ومرات اكثر من نصف ساعه

2- الاكثار من شرب الماء بمعل 8 كاسات لكن ممنوع الشرب مع الاكل بعد الاكل بنصف ساعه

3- مسموع المشروبات كالشاي والقهوه واكيد بدون تمر او حلى ومسموح كذالك المشروبات الغازيه الدايت وايضا ممنوع شربها مع الوجبات

4- ممكن استبدال وجبة الفطور بالعشاء

5- يوم في الاسبوع يكون محدد يكون العشاء مسموح فيه اكل ماتريدين والافضل المقالي مثل البروست يعني مثلا كل خميس التزم في الفطور والغداء بنظام الدايت ولكن العشاء مسموح اكل اللي ابي بس مو مررره عاد تضيعي تعب الاسبوع الكامل

6-طبعا اذا حسيتي بجوع بين الوجبات ممكن اكل تفاحه او برتقاله او ثلاث حبات كيوي او حبه كمثرى طبعا نوع واحد في اليوم


الرجيم ينزل 6 كيلو بالشهر بس لازم الالتزام والمشي او رياضه على جهاز بس شدوا الهمه يالله خلونا نشجع بعض وكل وحده تدخل نهاية كل اسبوع وتعطينا النتيجه وكم نزلت انا صارلي اسبوع نزلت كيلو ونصف وادعولي عقبال العشره

مع تحياتي