## ابعاد ##

## ابعاد ## @abaaad_7

عضوة نشيطة

امي ومعاناتي مع اخواني وأخواتي

الأسرة والمجتمع

السلام عليكم ورحمة الله وبركاته
ابدخل بالموضوع على طول وقولولي هل انا غلطانه ولا اخواتي غيرانين منى
يابنات انا تزوجت واحد ماني مقتنعه فيه ابدا لاكن اهلي واولهم ابوي وامي غصبوني عليه لدرجة اني كرهتهم
وأذاقوني اصناف الاهانات الله يسامح ابوي ويرحمة ويسامح امي ويطول بعمرها ,,,

اعتقد اني ما أخذت الحنان الكافي منهم ,,, عكس اخواتي تزوجوا برضاهم وبدون مشاكل وسافروا مع أزواجهم كل في مدينه ,, وانا عايشه قريب من بيت امي الله يحفضها ,,,
مرت السنوات ورضيت بنصيبي وانجبت اطفالي ومع الزمن وبعد وفاة ابوي شالت امي المسؤليه واصبحت هي الام والاب واصيبت بالضغط وجرثومة المعدة ..... الله يشفيها

فقلت يابنت خلاص ماعاد انتى صغيرة قربتي على الثلاثين ولازم توقفين مع امك وتساعدينها
والله يابنات ولله الحمد نص اثاث بيت امي انا اللي مشتريته لها

كل شي اجيبه لهم ,,, وأخذها معاي ,,, واحاول ابرها ولا اقصر معاها بشي مادي او معنوى ... امشيها وفي الاعياد اخذها معاي ونروح نعايد وفي المناسبات ما أروح مكان الا اذا شاورتها أذا تبغى تروح معي ولا لا ,,,,,, وأخواني ماهم بوضايف اخذوا الثانويه العامة وجلسوا في البيت ,,, والله يابنات انهم يأخذون جوالي منى وانا راضيه كل الرضا ,,, واضطر اني اشتري جهاز ثاني ,,, وزواجاتهم انا اللي اقوم فيها ,,
.....................................................
.....................................................
المهم اني عاهدت ربي اني ما اترك امي واساعدها وأوقف معاها بحكم قرب منزلي من منزلها وهي بعد تحبني وتعطف علي الا انها احيانا تفضل زوجة اخوي الكبير على ,,, ودايما تطلعني انا الغلطانه ,, واذا اشتكيتلها من ام زوجي ,,, توقف بوجهي مع ام زوجي حتى لو كانت غلطاااانه وانا بريئه ,,,
واخواني ماهميتهم لو اجيهم مسلوخ جلدي يقولونلي انتى (( خبلة )) ما احد بيتحملك ,,,,,, وانا اللي بعت كل ذهبي علشان اساعدهم في مصاريف الزواج ,,,,,

,,,,,,,,,,,,,,,,,,,,,,,,,,,,,,,
صبرت وسكت قلت هذولي اخواني وامي وين اروح ولمين اشتكي المهم اني ارضي امي وما اقصر معها بشي ,,,
وتمر الايام ,,, وشفت ان امي محتاجة للجوال ,,,, ورحت اشتريتلها شريحة سوا ,,,
وكان العيد قريب واخواتي بيجون يقضون العيد عندنا , ,, اتصلت على اختى اللي اصغر مني وقلتلها اشتري لامي جوال ,, انا جبت الشريحة وانتى عليكي الجوال لو كان مستعمل ,, ولمن وصلت ما اشترت لا جوال ولاغيره ,,, ودورت عند اختي اللي اكبر مني قلت انتى عندك عيال كبار واكيد عندكم جوالات دوري لامي واحد .... وما جابت نتيجة ....

اضطريت اني اروح واشتري لامي الجهاز ,,, واهديته عليها يوم العيد ,,, مع العلم ان اخوي الكبير كان راافض فكرة الجوال مع امي ,,, بس بعدين ادرك فوائده ,,,
""""""""""""""""""""""""""""""

ماراح اذكر لكم معاناتي مع اهل زوجي علشان ما ادخل بموضوع ثاني ,,,, لاكن يوم العيد الاضحى قررت اني اروح اقضي العيد كله عند امي ,,, وهربا من تسلط خوات زوجي وسلفتي علي ,,, قلت اقضي العيد عن اهلي ,,, ولاني تعبانه في بداية حملي وكنت تعبانه من الوحام ,,,,

ولاكني فوجئت بأخواتي عند قدومهن من السفر ,,, انهن يلومني ويقولن لي انت أزعجتى امي دايما وانتي عندها ومأذيتها بأولادك امي تعبانه وانتى اللي جبتيلها المرض ,,,,

فرديت عليهن وقلت لهن والله ماأنتن ابر منى في امي انتن ماتشوفنها غير في السنه مره حتى في الاعياد تروحن عند اهالي زوجكن وامي اخر وحده تفكرن انكن تعايدنها وتهننها بالعيد ,,,, ونعمة منكن انكن تكلمنها في الشهر مرره ,,,, امي تحب عيالي وعيالي عمرهم ما اذوها بشي ,,,
بعدين شلت اغراضي ورحت لبيتي وهن يحشن فيني كل عيب طلعنه فيني (((( هل لاني طيبه الناس يسوون فيني كذاا ))) ام هي غيره منهن ,,,
27
8K

يلزم عليك تسجيل الدخول أولًا لكتابة تعليق.

تسجيل دخول

أشجان الزمن
أشجان الزمن
عزيزتي:
الحال من بعضه! الفرق ان اخوي مقرر بعدم زواجنا وتوظفنا لخدمته واهله!
المسأله هذه صرت اسمعها كثير وامي نفسها عانت منها! تعرفين السبب الغيرة!! الغيره! غيرة بعض الاخوان والخوات من بعض!
تخيلي ام امي ماتت واخوانها وخواتها مخلينها قاسية ع امي وهي مثلك مع امي!
صدقيني الخير بيرجع لك في اولادك زوجك
دعواتي لك بالنصر العاجل
@بنت السعودية@
الله يكون في عونك اختي

حاسه في معاناتك لاني امر بضروف مشابهه لك
لكن الفرق ان اهلي واولهم الوالد اتخلو عني علشان خاطر فلوس

صحيح ازورهم لكن مع الاسف احس نفسي غريبه بينهم

اه فتحتي جروحي
مبرقعة والراس عالي
ترى ما يندم الافاعل السوء

وانتي اللة يبارك لك في الزوج و العيال والمال ويجزاءك اللة الف خير

تكفين احذري تهجرين امك او تزعلين عليها .. لاراحو خواتك لبيوتهم اللة يهديهن

واصلي امك ... ولا تودين عيالك معاك .. ودوري رضاها

انتي محضوضة لانك قريبة من امك اللة خصك من بد خواتك اللة يحبك

اللة يعينك ويساعدك وانا مصدقتك بكل كلمة قلتيها ...
الشمعة الحزينة
مااقول الا شي واحد

الله يخلي برك بأمك في ميزان حسناتك
## ابعاد ##
## ابعاد ##
اشكركم على تعاطفكم معي
وانا ماتركت امي ولا راح اتركها على شان الحقد والغيرة من بعض الناس
.......................................................
وانا ما ذكرت مافعلته بأمي من اجل الرياء لا والله ولاكن علشان تتضح الصورة امامكم
..........................................
وأذا ذهبت لامي زيارة من دون اصطحاب اطفالي معي تزعل علي وترجعني علشان اجيبهم لانها تحبهم ولا تصبر عنهم
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
شكرا لكم مرررره اخرى