أميرة رمادي @amyr_rmady
عضوة نشيطة
تطبيقي لفطور اكواب البيض والمرتديلا
السلام عليكم ورحمة الله وبركاته
جربت طريقة اكواب البيض والمرتديلا واضفت معاها البقدونس والسماق
حلوه
بس اهم شئ تاكلينها ساخنه وكمان بالملعقه
والي تبي تاكلها بالخبز تقدر تقلبها في صحن وتاكلها
انا سويتها وحمرتها فوق بزياده
فاتحه فهمي في الاخبار هههههه
يالله بوريكم كيف سويتها
اول شئ جبت صواني صغيره على شكل زبديات ودهنتها بالزيت
حطيت طبقه من الفلفل الرومي مقطع مكعبات صغيره
وطبقه من المرتديلا مقطعه مكعبات صغيره
وطبقه من البقدونس مقطع صغير
وبعدين جبت جبنه شرائح ( حق الهمبرقر ) وحطيتها اول شئ دخلت اطرافها وبعدين حطيتها بس بدون ضغط عليها
الكميه تقريبا جات اكثر من نص الصينيه مو عبيتها لا
لان البيض راح يخليها تنفش ^_^
وجبت بيض وخفقته مع رشه فلفل اسود ورشه ملح بسيطه جدا لان في جبنه
وصبيته فوقها بشويش
انا كفتني خمس بيضات لست زبديات مدري صواني مدري وش يسمونها هههه
المهم
ودخلتها في الفرن شغلتها من تحت ربع ساعه وبعدين من فوق وتحت الين ماتحمر الي فوق
وقبل ماتطلعتها دخلت السكين فيها عشان اتأكد ان البيض مستوي معاي
ولو مو مستوي اخليه من تحت فقط شغال
مابين ربع ساعه او نص ساعه على نار متوسطه من تحت وخفيفه من فوق
المهم
وبعدين رشيتها بالسماق وبس
بالعافيه ^_^
أميرة رمادي (الحروقه )
ودعواتكم لوالديا
18
3K
يلزم عليك تسجيل الدخول أولًا لكتابة تعليق.
Qatari Girl
•
يسلموووووووووووووووووو
الصفحة الأخيرة