تستخير وتستشير الأمر صعب إذاكات فيها دين وتبي فيهم الأجر تتزوج واذاكانت من النوع الغيور واللي ماتتحمل صعب مره من واقع تجربه صعب مره راح تكثر عليها المسؤوليه والطلابات ومدارس وماتزور اهلها ع راحتها


خصوصا إذا كانو منطقه بعيده وماراح تلبس ع راحتها فرق عن عروس متزوجه واحد ماعنده اعيال يعني تتزوج واحد عنده حرمه اريح يكون لها بيت مستقل وتاخذ راحتها

اناجربت ماتنتهي المشاكل ان صار الزوج طيب معك قالوا ظلم اعياله والعكس

لازم تفكر كثييييير وتكون بارده وصدرها وسيع

تستخير وتحتسب الاجر ف تربيه الاطفال وتعاملهم كااطفالها.
وصدقيني راح يفتح لها ربي ابواب الرزق..

معلمتي ما شاء الله عليها عندها 5 اطفال اكبرهم في العشرينات ولد اسمه محمد و الصغيرة عمرها 12 و تنادي بام محمد و بناتها دايما معاها في كل مكان و نراها حيييل طيبة معاهم حتى ان البنت الصغيرة اذا كانوا عندنا و هي تعبت تروح و تحط رأسها في حضن امها و تنام و امها تمسح لها شعرها و بعدين اكتشفت ان الاولاد مو اولادها ابدا هي تزوجت ارمل مع انها كانت صغيرة و ما سبق لها زواج. و عياله كان صغار ان ذاك و ربتهم زي اولادها و كلهم ينادونها ماما حتى الكبير من حبه لها يناديها ماما. و سبحان الله هي تموت في الاطفال بس هي ما رزقت باطفال يعني نعمة من الله سبحانه و تعالى انه كان نصيبها واحد معاه اطفال لتحس بالامومة لانها طبعا لما تزوجت كانت متوقعة انها تحمل بس الله ما اراد. الله يعظم اجرها