قناة شهرزاد...سحر على الهواء مباشرة.....تحذير

السلام عليكم ورحمه الله وبركاته

أخواتي أمس كنت اسوي إعاده برمجه للرسيفر عندي...وطبعاً كل العاده بعد البرمجه أحذف كل القنوات الغنائية والهابطة...

ومن ضمن القنوات الجديده شفت قناة اسمها ( شهرزاد) كان فيها برنامج على الهواء...المقدمه كانت متحجبه...ومعاها رجل مسوي عمره دين ومعاه كتب يبحث فيهم ( حسبي الله عليهم يدسون السم في العسل لناس)....

المهم كان يجاوب على متصله بالبرنامج كانت تشكي من المشاكل بينها وبين زوجها وإنها تعاني من العقم...فأخذ منها اسمها واسم أمها وبحث في الكتاب وبعيد قالها...إنتي تعانين من التهابات في المبايض...وبالتحديد في المبيض الأيسر...( سبحان الله تشخيص دقيق على الهواء مباشرة ...كيف؟؟؟؟ العلم عند الله)...المهم وإن هالإلتهاب اللي فيها هو اللي مأثر على نفسيتها ومخلنها دايماً في مشاكل مع زوجها...

من قال هالكلام على طول شكيت إن السالفه فيها سحر..قلت خلني اتأكد...

وبعدين قال للمتصله على شان تتخلص من عصبيه زوجها...تصلي الظهر في يوم الخميس...وتاخذ كاس ماء وتقرا فيه سوره الشمس ثلاث مرات وتشرب زوجها بدون ما يدري إنها قاريه فيه وبتروح عصبيته...( من وين هالوصفة جابها ما أدري...لا ولازم بعد صلاة الظهر ويوم الخميس مب أي يوم)...اتمنى من اللي يقرا هالشي ما يطبقه لأنه ما ثبت في القرآن ولا السنه...

وفي شي أعظم من هذا كله...على قولته على شان يخدم المشاهدات والمشاهدين...بيعطيهم وصفه تقرب من كل شخصي يحبون بعض...أو من أي شخص يقدر يستخدمها إذا كان حاب يقرب منه شخص ثاني...

والطريقة فيها أيات قرآنيه...وطلاسم وخرابيط وأسامي غريبه...ولازم ينذكر فيها اسماء الشخصين وأسماء أمهاتهم..( على قولته لازم بأسماء الأمهات على شان ما يستوي تشابه بالأسماء....يوهم الناس حسبي الله عليه)...

الصراحة ما قدرت أسمع كل الوصفه...انصدمت ونفسي ضاقت ...ترويج السحر على الناس بهذي الطريقة...؟؟!!!

حذفت القناة على طول...وحسيت بالمسؤوليه وقلت لازم أبلغ إخواني وخواتي المسلمين....

واتمنى من كل اللي يقرى الموضوع ينشره أو على الأقل يحذر الناس من هالقناة الفضيعة...

اللهم قد بلغت الله فاشهد