يامرحبا بكل اللي دخلوا الموضوع ،، اخواتي ركزوا باللي اقوله لكم مهم جدا جدا جدا .. انا من زمااان مادخلت المنتدى لكن دخلته اليوم عشان انزلكم هالموضوع اللي راح يفيدكم بأذن الله .. وللي تقدر تنقله لأي منتدى ثاني تخلي البنات يستفيدوا ياليت تنقله ،، انا سويت عملية حقن مجهري قبل سنتين تقريبا في مستشفى سعد عند الدكتوره سهام ورجعت ثلاث اجنه من الدرجه الثانيه ،، وحملت بجنين ولله الحمد .. وكنت مع قروب المقدمات على الحقن المجهري بهالقسم .. وتركت المنتدى فتره طويله.. المهم اللي صار معي اني حبيت اتدارك الوقت واسوي العمليه مره ثانيه وعند نفس الدكتوره .. المره الاولى كنت مسويه البرنامج الطويل ،، لكن المره الثانيه جيتها وانا مستعجله وكان اول ايام الدوره قلتلها ماابي اضيع وقت ابي ابدا يادكتوره .. وبدينا الابر من ثاني يوم .. في حملي الاول رزقني الله ولد ،، وكنت انا وابوه نفكر كثير انو نجيب له أخو .. لكن كله بيد الله سبحانه ،، استطلعت عن ترجيح جنس الجنين وسألت عنه والحمدالله طلع حلال ،، وقلت للدكتوره ابي تشوفينلي اذا ممكن ارجح جنس الجنين وابي ولد ،، قالتلي الدكتوره بالحرف الواحد احنا ممنوع عندنا ترجيح جنس الجنين رغم ان المشايخ أجازوه .. لكن فيه طريقه بتكون هالطريقه بيني وبينك احنا عندنا شي اسمه فحص كرومسومات للاجنه هذا الفحص يبين كل شي نوع الاجنه واذا الاجنه ممكن تكون مشوهه او لا ،، لأن في ناس ممكن يحملوا بأجنه مشوهه .. وانتي سوي هالتحليل على اساس انك تبي فحص مش ترجيح ... وبيني وبينك انا راح ارجحلك بعد هالفحص ،، طبعا وافقت .. وكان السحب يوم اربعا سحبوا مني تسع بويضات ،، وكان الترجيع يوم احد ،، قالتلي الدكتوره في يوم الترجيع تلقحوا سته ، مابين الدرجه الاولى والثانيه ، وبأمكاني ارجعهم لك .. لكن بعد الفحص اللي احنا سويناه كلهم مشوهات يعني ماراح يتم حملك .. واذا تم ممكن لاسمح الله تحملي بجنين مشوه ،، لكن اللي سليم ميه بالميه جنين واحد ومن الله.. سبحان الله هو ذكر زي ماانتي تبين .. مش احنا تدخلنا لانهم كلهم مشوهين وهو اللي سليم ميه بالميه ،، ركزو معي يابنات في هالنقطه ،، لو ماسويت تحليل الكرومسومات كان ممكن ترجعلي ثلاثه من هالاجنه السته وكان ممكن يصير هالجنين السليم مو بينهم .. وكان ممكن اكتفي بالثلاث وارمي الباقي ولايصير حمل لان هالاجنه حتى لو كانت من الدرجه الاولى تحليل الكرومسومات يكشف صلاحيتها بدقه ،، وهذا اللي بوصله لكم ممكن يتلقح عندكم عشر بويضات ومن الدرجه الاولى لكن لما ترجعي مايثبت شي .. لانها مشوهه او غير صالحه في تحليل الكرومسومات وهالشي مايكشفه الا التحليل هذا .. وممكن يكون عندك واحد او اثنين صالحين وانتي ماحددتيهم بالضبط نتيجة لانك ماسويتي هالفحص .. اللهم لك الحمد والشكر حملت بعد ان رجعوا لي جنين واحد بس ..كنت يائسه لكن الحين بفضل الله اولا واخيرا عرفت قيمة هالتحليل اللي المفروض الكل يسويه .. دعواتكم لي بثبات حملي ،، وهذي تجربتي الثانيه في الحقن المجهري اللي تم نجاحها بفضل الله.. اتمنى ترفعولي هالموضوع بدعوه صادقه
الله يرزق كل من تتمنى بالحمل السليم التام اللهم آمين