اعزائي اهلا بكم
لنبدأ
زوجتي الاولى هي راحتي وحبي واماني ( شفاها الله ) بعد ابني الثالث اصبح الحمل لها مستحيل
بإرادة الله هذا ما قالو الاطباء في كل مستشفى ولا يخفى السبب عن بعض اصحاب الخبرة من المتزوجات لا اريد الاطالة في هذا الموضوع ولكن للمعلومية هذا اول سبب لزواجي والاخر لا استطيع ان ابوح به ومهما يكن فهي اول ما رأت عيني وترعرعت في عينيها وكبرت في داخلها لذلك عندما تزوجت بالاخرى كانت قنبلة نووية ولكن يعلم الله اني عوضتها اكثر من السابق ليس مجاملة بل بكل ما اوتيت من حب واهتمام ولم تستطع الثانية من اخذ مكانتها من فؤادي ولا انكر فضل الله على زوجتي الاولى حيث الهمها الله التحدي والمنافسة ليس خوفا من ان تاخذني الثانية وانما بحبها الكبير الذي اشهد عليه امام الله
ولولا حبها العميق لاستطاعت الثانية ان تسرقني سرقة شريفة من ضرتها .
بفضل الله استطعت ان اتحدى الظروف وكما يقولون ( الرك على الرجل ) اي بمعنى الضرة هو الرجل وليس المرأة .
من مواقفي .. ذات مرة كنت اتناول الغذاء عند الاخرى بعد زواجي منها بستة اشهر وناديتها باسم زوجتي الاولى فغضبت وبعد قليل وهذا حقها علي قدمت الاعتذار على مدى ربع ساعة ولم تقبل وبعدها قلت لها شايفة الجدار اللي قدامك راسك والجدار هذه زوجتي الاولى 12 سنة واسمها على لساني هي ليست من الشارع اعتذرت وما قبلتي وبعدها احست و قدرت الموضوع .. فعلت هذا حتى لا تتمادى على الاولى .
وكذلك الاولى لا تتمادى على الثانية وعقابي لهم في بادئ الامر كان هو الصمت عندما تتعدى أي واحدة على الاخرى بالكلام امامي واحسست انه لا يكفي فوضعت عقابا اخر الا وهو ذهابي للاخرى في يومها فوجدت النتيجة اني لا انام غاضبا مهما كان وشكرهم في غيابهم على هذا الحرص .
اما بخصوص برتوكول المخ وكيف اجعله يفكر ولا يتشتت من كثرة الحرص على كل شئ والمسئولية والتفكير فيما يخصهم ويخص الاولاد من الناحية المادية اصبح لكل واحدة مصروف شهري يخص المنزل كل شئ واذا انتهى المصروف قبل نهاية الشهر تحط من جيبها وبهذه الطريق اصبحو حريصين على مؤونة المنزل والكل يعرف ان الاولاد اذا طفشو يفتحوا ثلاجة ويبحثو عن أي اكل في غير اوقات الوجبات وصدقوني اصبح المنزل فيه نوع من الانضباط . وكذلك من ناحية المصروف المدرسي اسلمه بالشهر حتى يصبح عقلي خالي من هذه الناحية .
تخيلو ايها الاخوة والاخوات كل واحدة عندما تريد ان تحضر مناسبة اذهب بها الى المدينة الفلانية كي تشتري فستان وانا بصراحة ما عندي أي مانع اريد كل واحدة تتميز في هذه المناسبة وعلى فكرة انا ذويق في ما يخص المرأة من فساتين وماكياج وجميع ما يخصهم وافهم جدا في الاناقة وايضا على فكرة لو وحدة فيهم جلست في البيت بملابس أي كلام على طول ازعل اكره اشوفها بدون اناقة .
نسيت اقولكم انا مجنون سفر في اوقات الدراسة اسافر خارج السعودية لتوضيب المخ واعود زوج جديد اهرب مؤقتا حتى لا يملو مني ولا امل منهم واحيانا اخذ بصحبتي والدتي وما امتعها من سفرات وانا في هذا السن بصحبة والدتي تخيلوا اخذتها ذات مرة ماليزيا ومرة اخذتها الى لبنان والشام ومرة الى الصين عند اخي ومرة الى جاكرتا متعة ايها الرجال صحبة الام لوحدها معك شعور لا يوصف .. والاحايين الاخرى اذهب لوحدى حيث انه كان لدي نشاط تجاري .
لي شيخ صديق اكبر مني بعشرين سنة وروحه روح الشباب امام وخطيب يجالسني واجالسه ومتزوج مثلي نكتسب الخبرات ونتبادلها بحكم انه متزوج من شابة في عمري فيستفيد من معلوماتي مع زوجاتي وانصحه ببعضها وينصحني شرعا ودينا . وكان ينهاني عن بعد المنازل وكنت لا اسمع كلامه واقول له لو انهم قريبون من بعض الاسرار تطلع وكل وحدة تعرف تحركات الاخرى وتحركاتي حتى اقتنع وافادني انه ابعدهم عن بعض .
من ضمن تصفية المخ في هذه الفترة مؤقتا جاء في صالحي الدوام المسائي كي ابعد عنهم قليلا لانه كثرة الاحتكاك بالزوجة وكثرة الجلوس معها ليس في صالح الطرفين فلابد من البعد قليلا على الاقل (البعيد يصبح غالي ) ولكن في حدود
هم في اعمالهم اقوم صباحا واذهب الى ابي وامي واجلس حسب الظروف من ساعة الى ساعتين افطر معهم واجلس الى صلاة الظهر ثم اخرج الى التي عليها الدور لاوقع حضوري واجلس معها ساعة ونصف ثم اذهب الى عملي الى العاشرة مساء يعني فترة الصباح مروووق مع الوادة الله يخليها . كل يوم جمعة اللي عليها الدور نروح نتغذى عند الوالد والوالدة ومعايا كل الاولاد والعكس في الجمعة المقبلة .
صدقوني ايها القراء لا احكي تفاخرا وانما هناك احاديث في داخلي اريد البوح بها ولكني لا استطيع ومع من ليس لي سواكم وارجو ان تفهموني ولا تعتبروني اني اتفاخر .. تجارب وحكايات اود ان انقلها لكم .
وشكرا على تحملكم لما قرأتم ودمتم
وانتظروني في المرة القادمة بعد قرائتي لارائكم
فإذا كنت مزعج اخبروني
وهذي ردوده على الاعضاء والحريم استلمووه هههههههههههه
أووووووول شي: انت واضح انسان كـــذاب يوم تقول انك تحب الاولى وتزوجت الثانيه عشان العيال يعني مشلله ثلاثة اطفال يكفوون ويووفون ولو بقلبك حب كان ضحيت عشانها لأن الحب معنى من معاني التضحيه وانت ماضحيت لأنها اصلا تضحيه مو كبيره ربي عطاك ثلاثة اطفال اصحاء بس أنت ماتشكر.. واظاهر كنت تبي اي سبب عشان تتزوج ..
ثــــــاني شي : وش الغرض من الموضوع ؟؟ تبي تقول انك مرتاح وان فيه مسابقه على نول رضاك وانهم مدلعينك وانك سعيد واحسن شي اجل ليش جاي تفضفض ولا الموضوع تحريض وتقول تزوجو ترا الزواج وناسه ..؟ ولا تبي تبين انك انسان عادل وأشك في ذلك يعني الرسول اللي احسن منك كان قلبه يميل الى عائشه..ولا تبي تبين انك انسان بار ولا وشوو..؟
ثــــــــالث شي: انت انسان انــــاني جدا جدا يعني تبي تنظف مخك وتسافر وتنبسط وتروح وحريمك ملزوغات بالبيت وعيالك اللي ماذكرتهم بالموضوع..؟ دامك مبسوط وسعيد وزوجاتك طيوبات وشله تسافر وتنظف مخك وترتاح ليش منت مرتاح..؟دامك تحبهم وتغليهم ليش ماتسفرهم وتشوفهم مبسوطين؟؟ انت انسان تناقض نفسك وان دل على شي دل على كذبك والهدف مجهول بالنسبه لنا ...
رابــــــــــع شي : ان كانت سالفتك حقيقيه واشك في ذلك الغلط مو عليك الغلط على زوجتك اللي رضخت لك يوم تزوجت واستمرت معك بالحسنى .. استغرب الحريم اللي يتزوج عليها زوجها وتدور رضاه مابعد الزواج شي خلاص اجل وش الفايده من رضاه عليك دام نقص قدرك ودخل انسانه ثانيه على حياتك؟؟ وايضا الغلط على زوجتك أو بالاحرى زوجاتك انك تسافر وتخليهم واهم شي نفسك وراحتك ومافكرت في راحة زوجاتك وعيالك ..
خامـــــــــس شي : الشيخ الكبير المتزوج بصغيره وش تبي تقولنا وش موقع هالشايب من الاعراب لأن ماله اي فايده وليش ذكرته بنص سطر تبي تبين انك صغير بالسن وفيه شياب كبار بالسن يتزوجون صغيرات ولا وش المقصد بالضبط...؟
القصــــــه غريبه جاي تبي تسرد حياتك وش الغرض والهدف مسوي تبي تعليم الحريم الاساليب الصحيحه ..؟
فيه كلمــــــــه اخيره :
منهي المرأه المعدومــــة الكرامه..؟
اللي يتزوج زوجها وتجيي تدلعه اكثر وتسوي تنافس وتبي تسحبه ناحيتها ترا هذي الحركات هي اللي بتخليه يحمد ربه باليوم اللي تزوج فيه ..ماتنتفض لكرامتها وتزعل وتجي ردة الفعل غرررريبه..
وع فكره انت يوم تقول انضباط حسستنا ا بيتك صار نظام عسكري سلاااااااااامات مدرسه هي اظاهر تبي توصل انك يعني رجال وممشي ثنتين ع العجين مايلخبطوهوش واشك انه العكس..
ياخخخي ياتنزل مواضيع هادفه ولا اسكت خيرا لك ولغيرك وخل عنك علوووم التألييف والمفاخره والكذب ولا تقنعنا ان فيه بيت فيه حرمتين لرجل واحد وماتصير فيه المشاكل ..
__________________
وهذا ردوده على الاعضاء
اقتباس:
المشاركة الأصلية كتبت بواسطة (من جديد )
سؤال
مايزعلون انك ماتسافر معاهم
؟؟
وعيالك وين موقعهم من الاعراب هل لهم علاقة ببعضهم
وللامور الخاصة هل تعدل وهل تحسهم مكتفيات
اولا شكرا على مرورك في متصفحي
(انت تقصدي ما ياسافرو معايا) العكس .. لو لاحظتي اللي كتبته .. الاجازات الصيفية بالدور كل واحدة معايا
وشرط كل واحدة اخليها كأنها في شهر عسل واسألي عني لانكاوي في ماليزيا جزيرة العرسان
والله نجري ورا بعض على الشاطئ واسالي عن شاطئ لانكاوي كيف جماله . انا من الرجال اللي احب صحبة المدام في السفر او لوحدي في وقت الدراسة اضطر اسافر للقاهرة لوجود شقة لي .
اما بالنسبة لاولادي جاني من الله تقسيمهم جدا ممتاز في صالحي 3 الاولاد من الاولى كبار و 3 الاولاد من الثانية اطفال وسبحانه مهما كان يجعل في قلب الكبار حنان على الصغار فما بالك انهم اخوان وحاليا بحكم انهم اطفال ما اجمعهم غير يوم الجمعة عند الوالدة وتخيلي اللهفة على بعض وصدقيني انا ماشي في رتم معين وبعقلية حكيمة معاهم ان شاءالله .
اقتباس:
المشاركة الأصلية كتبت بواسطة ام عربيده
بالله عليك وبالأمانه من أغلا عندك الاوله ولا الثانيه ؟؟؟؟؟
ولا تقولي كلهم مثل بعض !!!!!!!
لان الرسول عليه الصلاة والسلام تزوج عدة نساء ولكن عائشه أكثر حبا0
والدليل الايه الكريمه ((ولن تستطيعوا ان تعدلوا بين النساء ولو حرصتم فلا تميلوا كل الميل ))
وسوألي المراد منه هل الرجل يستطيع العدل بين زوجاته ليس بالمصرف بل بالحب والغلا ؟؟؟؟
الاوووووولى
حبي وراحتي واماني الذي لا يمكن ان استغني عنه
بالنسبة لسؤالك اتمنى الاجابة عليه ولكن لا استطيع تقديرا لزوجاتي لو انهم في يوم اكتشفو ما اكتب الان لاني اتمنى ان يبقى موضوعي هذا سر عليهم واجابتي هذه لا يعرفها الا الرجل المتزوج من اثنتين ولكن للاسف لا استطيع
شكرا وتحيتي لكي
اقتباس:
المشاركة الأصلية كتبت بواسطة رنة الخلخال
متاابعه لكـ وكنت اتقرب يومياتكـ
الله يسعدك معهم طالما انكـ عآدل معهم
ايوا حآبه اسئل كيف علاقة الاولآد مع بعض ؟؟
الزوجتآن هل شافو بعض ؟؟ وكيف شعورهم ؟؟
وسووري على اسئلتي 00
اهلين
بالنسبة للاولاد كتبت عنهم قبل شوي واعرفك اولا انه اولاد ولله الحمد ثانيا اعشقهم لدرجة ما تتصوريها ومتابع ليهم في مدارسهم ولله الحمد من اجل ما يشعرو اني لما اتزوجت بعدت عنهم تصدقي لما اكون عندهم كلنا نتجمع مع بعض ويا ويل لو اتفرقو عني اوف اتجنن احب اشوفهم قدام عيني ولما يزعلوني اصارخ عليهم ومن وقت ما اشوف الانكسار في عيونهم اقولو خلاص لا تعيدها وبعد شوي اصالحهم بفلوس ( هههههها )
اما المدامتين ما عمرهم شافو بعض ولا في اي مناسبة ولو عرفت انهم معزومين في مناسبة واحدة الاثنين ما يروحو .
اما شعورهم الاثنين يكرهو بعض وشئ واحد متفقين عليه ويعلم الله هو حبهم لي لدرجة تتقفل علي غرف النوم لو زعلت وجيت اخرج .. ولا يوم الاربعاء او الخميس لو معزوم تقوم الدنيا عندهم
اقتباس:
المشاركة الأصلية كتبت بواسطة انسان هادئ
جزاك الله خيرا, موضوع شيّق ... متابع ... أجل المتزوج أربعة اش يسوي؟ جدي الله يرحمه ماشاء الله تبارك الله كان متزوج أربع وعندي عم أصغر مني (-: ....
والله ما انصحك تساويها الا لسبب قاهر ترى الزواج من اخرى ماهي فرحة
اقتباس:
المشاركة الأصلية كتبت بواسطة غلا ..
ودي اعرف علاقتهم ببعض كيف ؟؟...
no علاقة
لكن بيني وبينك اللي جالس افكر دايم لو مرضت مين اللي يجي ويجلس جنبي دي او دي
فاقترحت على نفسي الوالدة الله يخليها
وش رااااايكم احس بناااااااار بصدري يابنااات عنده 2 ولا وحجه يبيها تواسيه ولا
تجلس معه اي سعاده يحس فيها