خبصت ملابس زوجي بالكلوركس .. أسعفوني ....

الســلام عليكم ورحمه الله وبركاته ...


خواتي العزيزات بنات حواء ....

أنا في مشكله عــــــــــــــويصه ..:icon33:
من يومين كان زوجي يبا يلبس ملابسه واكتشف انه فيها بقعه تحت ...
وحظرته لو فيها خط بقلم رصاص وما يبان مستحيـــــــــل يلبسها ..
فقلت له خلاص لا تزعل فالك طيب مع اني غسلتهم قبل وما راحوا بس برجع بغسلهم وبخوزهم بأي طريقه ..

والحبيبه مسويه عمرها نشميه وراعيه خبره وباااع طويل في التنظيف ....:44:

جربت منظف الملابس فانيش اللي عمره ما فادني .. وما راحت .. جربت مزيل البقع أومينو بعد ما راحت .. فركتها عدل بالصابون لين اشوي وبتتقطع ايدي وبعد ما راحت .. فقلت ما في غيــــــــر الكلوركس ..عندي الكلوركس اللي نفس القلم .. وطبعا رديء بمعنى الكلمه لانه ما يخصه بالكلوركس وعمره ما نظف لي أي بقعه .. تقولون مااااي ..غشــــــــــــــــاشين والله ..:mad:

فقلت خلاص بجربت الكلوركس العادي وان شاء الله بتروووح البقع ... وهم كندورتين للعلم ..

المهم .... رحت وصبيت الكلوركس مباااااااااشره على البقعه في كل كندوره وخليتهم اشوي ورجعت افرك ... خفت البقعه بس ما راحت نهااائي.. ورجعت غسلتها وحطيت صابون وكلوركس مره ثانيه وبعد ما راحت ... فقلت بخلي الملابس منقووعه فتره بالكلوركس وأكيــــــــــد بتروح ...:)


المهم مليت الغساله ماي وصبيت فيها كلوركس مقدار كوب أو أكثر ... وحطيت صابون الملابس أومو ..
وبعدين نقعت الملابس ساعتين فيهم .. وشغلت الغساله بعدها وغسلتهم عاادي ..

وبعد الغســـــــــــــيل شفت الصـــــــــــاعقه الكبرى ....

الملابس صارت مرقعه ومبقعه .. لونها صاير كلهااااا بقع أبيض وبيج ؟؟؟

وحاولت وغسلتها مره ثانيه يمكن ترجع لعقلها وترد للونها الطبيعي ... لكن ما في فايده ..
والمشكله انه الكندورتين جداااااد ملبوسات مره وحده بس .. وأبو الشباب سألني اليوم شو صار في البقع اللي في الكندورتين خلاص غسلتيهم .. قلت له غسلتهم بس ما راحوا وبرجع أغسلهم مره ثانيه ..

فكرت أرمي الكنادير في الزباله وأرتااااح من بلاهم ..بعدين قلت حراااام جداد ...
عقب قلت بوديهم مصبغه تعدل ألوانهم اشوي .. وتذكرت اني مره اتصلت وكنت أبا أودي ملابسي لاني مخربه ألوانها بالكلوركس بعد وقالولي دام بالكلوركس ما في مجال نسويها ؟؟؟ ما ادري الكنادير البيضا عادي بيسوونها أو لا ؟؟

بليـــــــــز أنقـــــــــــــذوني شو اسوي .. والا ارجع أغسلهم بكلوركس بعد يمكن ينصبغون عدل هالمره ...:p