موضوع مهم لكل وحدة عندها بنات او بعدها ..... كيف نمنع الشعر الزايد والتشققات.. وغيرها

التشققات او الخطوط البيضاء:
العلة اللي علتنا كلنا......... عسى الله يعافينا منها
ذكرت الاخت غزل البنات (يزاها الله خير) انه تعويد البنت منذ الصغر وبالاخص عند بداية البلوغ يومياً على دهن جسمها بزيت الاطفال من جونسون (( وبسبب المقاطعة بنحول على شركة نونو)) .... او بزيت الزيتون يمنع حصول التشققات.
والسبب... ان الجسم عند البلوغ يبدأ يتمدد (( ومثله الحمل وزيادة الوزن المفاجئة)) ..... وبسبب التمدد تحصل التشققات..... لكن مع الزيت يكون الجسم مرن ...... فلا يتشقق باذن الله

شعر الجسم غير المرغوب فيه:

والله انا ما عندي تجربة بالهخصوص...... ولا أمي ولا يدتي
بس فيه اشياء سمعت عنها:
دم الوطواط: سمعت انه اذا دهنتي جسم المولودة بدم الوطواط ما يطلع لها شعر ابد======> صحيح قرف بس لو صدج اسويها ولا يهمني
حليب الام: سمعت ان الام تعصر من حليبها وتدهن به جسم الطفلة ما يطلع شعر=====> كان تعليق وحدة من الاخوات على هالشيء انه لو صدج كان ماحد طلعلها شنب
البرد: يقولون انه اذا مسحت جسم الطفلة بالبرد ما عاد يطلع شعر=====> انزين ما يصلح الثلج؟؟!!

هاي الاشياء اللي سمعت فيها ......
ياليت يا بنات اللي عندها علم او خبر بعد تفيدنا خصوصا مثل هالامر المهم
آخر شي..... هاذي من بنوتات أفكاري
طبعاً كلنا سمعنا عن ماي الترمس.... والاخت درة البحر العذب ما قصرت في موضوعها عنه.... وهذا الرابط له
عذرا لكن ابغى اساعدكم في ازالة الشعر بشكل نهائي

المهم
ماي الترمس: شو رايكم لو ان الام كل يوم يوم تسبح بنتها آخر شيء تصب عليها منقوع الترمس.... هذا من وعمرها سنة او سنتين...
عاد تعرفون طبعا الشعر يكون بعده ضعيف وخفيف في الطفلة...... ممكن بهالطريقة انه بسرعة وبسهولة الترمس يقضي عليه
لانه معروف انه منقوع الترمس يضعف الشعرة مع الاستخدام المستمر لفترة طويلة
شو رأيكم؟؟؟

انا الحين تعبت ...
بس بعد عندي معلومات لشعر الاطفال وقريت طريقة حلوة لتبييض الاطفال
ونبا معلومات كيف نتجنب تلون الجسم في الركب والكوعين وبين الارجل والرقبة....
ابا اشوف مشاركاتكم وخبراتكم .......لا تقصرون
ميلودي..ام ايمان..سبائك العسجد...... اتريا ردودكم

حبيبتكم
مشكووووووره على هالموضوع الطييب والتنبيه..

pink_rose
الله يسلمج......... بس وين معلوماتج عنا
اي شي سمعتيه ممكن يفيد