كليوباترا الشام :

هلا اختي وحلوة منك هالصراحة...بس فكرتي انتي لما اهملتي زوجك انه ممكن بيوم من الايام لاسمح الله يصير له شي ما تلاقيه موجود لتحسسيه بالحب؟ او من غير شر عليكي انت كمان لو صار لك شي انت ورحتي من ايده وهو ما شاف منك يلي بميزك عن غيرك؟؟ ليه ما تثبتي له ولنفسك ولابنك بس يكبر انك ما حيلاقوا متلك ؟؟ ويتمنوا اي لحظة معك وبوجودك؟؟ شغل البيت كلنا عمنتعب من شغل البيت بس بتعرفي شو بساوي بفيقوا اولادي 6 الصبح يوميا وبقعد معهم وببقى عمناكل ونشرب سوا والعب معهم واقعد عالنت ونطلع الحديقة وزور اهلي وعالساعة 8 المسا بخليهم يناموا اجباري واولادي عمرهم سنتين و3سنوات يعني كتير صعبين ...ومجرد ناموا من غير شر بقوم بشرب قهوة لحالي وبتفرج عالتلفزيون مسلسل غير جو فيه...وبقوم بساوي البيت بايدي ...شغلك بتختصري فيه نص الوقت اذا الصغار نايمين...فبخلص اغراضي وبتروش وبقعد بشوف برنامج او بحضر فلم اجنبي او برجع عالنت كمان ليرجع زوجي...واحيانا لو معي وقت اكبر بطبخ من الليل كمان ... الخلاصة من حكيي انه تنظيم الوقت بخليكي تديري كل امورك بسهولة وتلحقي حالك ومشان الموكيت البيج لو صعب عليكي تغيري اللون هلا اعملي طريقة عملتها مع اولادي ولما منكون لحالنا مشان الموكيت هي مزعجة بس بتزبط...غطيت الموكيت والسجاد بغرفة الجلوس بجلاتين ابيض...شفاف تجليد عادي بس سميك وشفاااف بكون...فمهما عملوا بيبقى سجادك نظيف وبتمسحيه عادي ولما بيجيكي ضيوف ارفعي التجليد كله بشوفوا سجادك كانه جديد...وحطيه لما تكونوا لحالكم بالبيت حتى يصيروا اولادك بيقدروا يمسكوا الاكل لحالهم وبيعرفوا ياكلوا بدون ما يوسخوا بترفعيه وقتها كله دائما بكونوا اتعودوا على اغراضك نظيفة وما بحاولوا يوسخوها لك وبتصيري وبخصوص التياب اختاري قطع حتى لو رخيصة بس المهم تعرفي تختاري الالوان يلي تلبق لك وتظهر جمالك...المهم تغيير ..واشتري لفافات الشعر انا بستخدمهم دائما وكتير رخيصين - شاريتهم من الشام- شعري كتير ناعم متل شعرك فبحط نقطة جل عالخصلة وبلفهم خصل من الظهر وبفكهم عالغذا بلاقيه كل شعري ماسك بسبب دهنة الجل على طرف الخصلة من تحت وهي لابتاخذ وقت ولا مجهود عشر دقايق بتخلصي لفهم لانه الخصل حلوة تكون عشوائية... تذكري اهم شي انه جمالك لو راح ما بيرجع ...فلا تنتظريه لتخسريه بتجاعيد وتشققات واهمال للصحة انشالله كون افدتك وادعيلي لو استفدتي حاولت اعطيكي قد ما بعرف وطمنينا عنك

هلا اختي وحلوة منك هالصراحة...بس فكرتي انتي لما اهملتي زوجك انه ممكن بيوم من الايام لاسمح الله...