كبة الجريش
المقادير :
2 كوب رز
2 كوب جريش
3 بطاطس 2 متوسطات الحجم و 1 صغيرة
الطريقة:
نغسل الجريش + ونغسل الرز + نقشر البطاطا ونقطعها مكعبات اكبر من حجم الكرز بشوي المهم ونحطهم في جدر ونخلطهم وبعدين نحطهم على النار و نصب عليهم ماي مغلي ونحط عليهم ملعقتين صغار كركم ونخليهم يستون نص سوا تقريبا ربع ساعه بعدين تشخلين عنه الماي وتحطينه في صينيه كبيرة
تحطين عليه الملح والفلفل السود والفلفل الحمر وتخلطينهم مع بعض وتخلينه لين يبرد
الحشوة:
صحن لحم مفروم غنم
صحن لحم مفروم بقر
بصلتين كبار مقطعة صغار
بصله كبير مفرومه ناعم
نص كوب صنوبر
نص كوب جوز
الطريقه:
تحمرين البصل بروح وتخلينه على جنب
تحمرين الصنوبر بروحه وتخلينه على جنب
تحمرين الجوز بروحه وتخلينه على جنب
تحطين شوية زيت في الطابي وتنزلين عليه اللحم بنوعيه طبعا قبل يكون مغسول زين مازين ومعاهم البصله المفرومه ناعم
تقلبين تقريبا لين يستوي وبعدين تحطين الفلفل الحمر والأسود لومي اسود مطحون دارسين وكثري منه لانه يعطي طعم الحشوة مذاق حلو اخر شي ضيفي السماق لماتشوفين اللحم ستوى وبعدين ضيفي له الأشياء الي حمرتيها وخلطي
خلي الحشوة تبرد
اخذي الجريش اللي مع العيش والبطاط فرميه في الفرامه على القياس المتوسط
بعدين احشي
وخليهم في صينيه ودخليهم مثل ماهم بالصينيه الفريزر بعد ما يثلج دخليهم في الأكياس
وهذي الصور
كبة البرغل باللحمه:
طبعا نفس الحشوة زادت عندي وحطيتها في الثلاجه وحشيت فيها الكبة اللي بالبرغل واللحمه بس الفرق اللي برغ
المقادير :
2 كيلو لحم
كيسين برغل اسمر ناعم ((( 800 ))) غرام الكيسين يعني الكيس الواحد 400 غرام
2 بصل كبير مقطع صغار
الطريقة:
اول شي نفرم اللحم بس يكون بالحجم الكبير وبعدين نضيف له كيس برغل واحد يكون مغسول ومنقوع لمدة ساعه ونضيف له البصل ونفرمه مره ثانيه بالفرامه بس هالمره بالحجم الوسط
بعدين نضيف له الكيس الثاني بس يكون مغسول ونخلطهم مع بعض ونحط البهارات فلفل اسود فلفل احمر وملح ونخلط وبعدين نحشي ونسوي نفس ماسوينا بكبة الجريش
طبعا هذي صورة كبة البرغل باللحمه طبعا صورتها وهي بالصينيه بالفريزر لاني قليت كم حبه وكلناها قبل لا اصورها
ملاحظة مهمة جدا
لما تكبكبينها اهم شي تكون مله فيها ماي بارد وثلج وقفشة نشا تبللين يدج وتحشين وتسكرينها
علشان لماتقلينها ماتنفتح وياج
الطريقة الثانية
يعني نفرم البرغل وبعدين نفرمه مع البصل وآخر شي نحشيه باللحم؟؟؟؟؟