تجربتي مع الكيراتين للاطفال والكبار/قديم

السلام عليكم ورحمة الله .......انا اول مره اكتب لكم موضوع في هذا القسم ولاني سويت كيراتين لبنتي حبيت اعرض التجربه عشان الكل يستفيد.......خااااصه اللي تبغى تسوي لبنتها ومتردده.........
اولا شعر بنتي من النوع الكيرلي المنفوش مررره ونفسيتها كانت تعبانه هي عمرها خمس و3 شهور بس لانها راح تدخل تمهيدي فكانت زعلانه تقول ماما شعري مو حلو زي اختي ابغاه ناعم وكانت ما تسولف ومش منطلقه كثير في الكلام وتستحي ودايم اشوفها قدام المرايه تسحب في شعرها عشان ينعم مع اني استشور شعرها بس يرجع ينفش مع الرطوبه والحر ...........
شفت اعلان في المبوبه عن مركز في الخبر مسوي عروض على الكيراتين مخفض جدا جدا جدا ......سعر خيالي في البدايه خفت قلت اكيد مو اصلي بس المركز معروف وفي موقع معروف ....كلمتهم وسألتهم عن نوعه قالولي انهم يجيبونه من نفس الشركه المصنعه له يعني الاصلي ......اسمه كيراتين ماكسي....فيه شوكلاته وفيه ذهب علة حسب نوع الشعر.......المهم
توكلت على الله ووديت بنتي وسووه لها صحيح مسكينه قعدت تبكي عشان الاستشوار بعد الماده يكون من الجذور وهذا مررررررره تعبها حتى اللي جنبها حرمه كبيره ام عيال وتبكي من الاستشوار لانها مسويه نفس بنتي...وبعد كذا سوو لها سيراميك وبعدين قالوا لي ثلاث ايام ما تتعرض لرطوبه ولا تعرق ولا يجيها مويه ......ولا يخرب الشغل ولااااااااازم ثلاث ايام اجيهم اعمل سيراميك لها وآخر يوم اسوي سيراميك بعدين اروشها بشامبوا خاص من عندهم اسمه كيراتين ماكسي........وفعلا حاولت احافظ عليه بس مع النوم يتعفس شعرها وما اقدر اتحكم فيها لانها تتقلب في النوم ..........
النتيجه بعد المعاناه ...........
روووووووووووووووووووعه حرير زي الفلبينيات ما شاء الله لا قوة الا بالله نفسية البنت تغيرت صارت واثقه من نفسها....تتكلم بطلاقه تتفرج على المرايه وتلعب بشعرها وتقولي شكرا يا ماما نعمتيلي شعري .........ما تتخيلون قد ايش فرحانه انو بنتي تغيرت تصرفاتها فعلا الشعر ومظهره له تأثير على النفسيه الحمد لله .....
بس بس بس اليوم الثاني صحت من النوم .......لقيت عفسه او كفسه بسيييييييييييطه من ورا يعني شعرها من ورا حسيته نااااااااااعم بس كانه منكسره الشعره والسبب انها لمن كانت تنام بالماده لانها طفله تتقلب كثييير
فنصيحه اللي تسويه لبنتها انها تحاول قد ما تقدر تحافظ عليه ...........وبس المهم انا راضيه الحمدلله لانه فرق كبيييير عن اول وسلامتكم .........حبيت انقل لكم تجربتي كامله والله على ما اقول شهيد ......واي سؤال انا حاضره ..........