ما اتوقع مفكر انك تغارين من بنات خواته<< مع ان الرجال عندهم نظريه غريبه عجيبه ان كل الحريم يغارون من بعض
بس واضح من كلامك انه متعقد لانه مستواه التعليمي اقل منك وجايه كمان تقولين له تبين تكملين زياده!!
اذا عيا مره ثانيه قولي له لا تخاف ماني شايفه نفسي عليك اذا صرت جامعيه وانت متوسط!!
اصلا لو بشوف نفسي عليك كان شفت نفسي من زمان دامني كملت ثانوي ودخلت جامعه بس ربي ما كتب لي اكمل!!
وايش رايك نكمل دراستنا كلنا انت مسائي وانا انتساب؟

<<عمي كذا كان ما معاه الا ثانوي وزوجته جامعيه وما شاء الله عليها شجعته وخلته يكمل جامعه بانتساب والسنه اللي راحت تخرج من الجامعه

فعلا على اساس مؤهله راح يكون اقل منك مايبيك تكونين اعلى
لكن فيه شيء غير الدراسة ,,,,, اذا هو رافض الدراسة

ادخلي دورات حاسب ,,, انقليزي .... فن ,,, تجميل

الآن صارات الشهادة الجامعية والثانوية واحد
قديم كانت تحكي الكليه

وابدعي اذا عندك مواهب اشغال فنية وراح ترتقين ولاراح يهيينك بكلامه
لاشاب ودوه للكتااااب

موفقه ...

الله يهديك على طوووول تفكرين بالطلاق >> اقووول شيليها من راسك ولاعاد تجيبين طاريها

ومن ناحية الدراسه انتي قلتي انه معاه المتوسط ويخاف لو كملتي دراستك بتشوفين نفسك عليه

فا احسن لك انتي شجعيه على الدراسه وكملي انتي واياه وادعي ربك ليل ونهار

حتى لو عقله حجر كثر الدق يفك الحجر ويتفتت ويصير ترااااب والله يوفقك ويسهل امورك

الله أكبر على شيطانك تبغين تطلقين عشان دراسه !!!
أسأل الله إنه يهديك
حريم وش فيكم كل ماطقت في روسكم قلتم أبي أتطلق
دامك منتي قد الزواج ولا نتايجه ليه تتعبين عمرك وعمر ولد الناس معك
ترى الزواج مس لعبة ولاتجربه خاضعة لهوانا عجبنا كملنا ماعجبنا تطلقنا
لاحول ولاقوة إلا بالله
المهم .....
أنتِ حاولي معه بالحسنى والكلمة الطيبة
وهو كمان حاولي فيه يكمل دراسته
وبكذا ماراح يكون فيه مجال لغيرته منك هذا إذا كان أصلاً غيران منك
وشوفي أسبابه وش إللي يخليه يمنعك
الله يصلح حالك وحالنا ويبعد عنكم المشاكل

سبحان الله وبحمده سبحان الله العظيم