Enna :

صباح الخير يا دون : معلش عندي فين في السوبر ماركت مش فاهمه وضحيلي عندي هنا في الامارات يعني؟ طيب اسمها ايه شوفي امبارح عملت ايه 3- 3 كبايات سميد على كبايه كبيرة زبادي ما اهو الي عندنا حوالي يجوا كبايه ونصف من بتوع مصر وحطيت 3 معالق كبيرة زبده +2 بكنج بودر+1 ونصف سكر وعجنتهم وحطيت في الارضيه طحينه وعملت الشربات 2 سكر +1 مايه +معلقه لمون طلع عسليه تتخبط في الحيط وخخفته بالمايه المهم لما البسبوسه استوت حطيت من فوق وغطيتها وبرده ناشف اعمل ايه دون اعمل ايه شكلي مليش الا في( ) والله بلاش

صباح الخير يا دون : معلش عندي فين في السوبر ماركت مش فاهمه وضحيلي عندي هنا في الامارات يعني؟ طيب...

lovely angel :

مش معقووووول يا جماعه بجد تسلم ايديكوا كلكوا تسلم ايدك يا دون على الملف ده ...فعلآ الواحد كان محتاج ملف زى ده يكون مصرى مية فى المية ومجرب كمان تسلم ايدك يا هبهوبه على الوصفات الجميله دى وان شاء الله أجرب البسبوسه وانت كمان يا اينا تسلم ايدك على الفول والفخده اللى أكيد ان شاء الله هاجربهالأن عندى واحده فى الفريزر بقالها مده ومكسله أعمله ..بس انتى شجعتينى يا دكتورة ولاروز كمان ..ايه المواهب دى ..ايه يا جماعه كله هيبان ويطلع مواهبه المدفونه هنا وللا ايه انا برضه عايزة أشارك بكم حاجه صغننه على قدى كيكة شوكولاته رهيييبه بجد كل اللى دافها عجبته جدآ وكمان سهله أوى للمبتدئات وسريعه المهم.. المقادير:-3بيضات 1و ربع كوب سكر كوب الا ربع زبده أو ممكن اصبع زبده الصغير خالص( 113جرام) نصف كوب كاكاو ويفضل غامق 1ونصف كوب دقيق 2علبة زبادى كبير-أو ممكن نقول كوب زبادى 2 كيس فانيليا 1 كيس بكنج باودر الطريقه:- بالمضرب الكهربا اضربى البيض مع السكر والزبده كويس ثم أضيفى (الدقيق المخلوط مع البكنج باودر والكاكاو)تدريجيآ مع الضرب المستمر وفى الآخر ضعى الزبادى واضربى بردوا لغاية ما يتخلط الخليط كويس ادهنى صينيه بالسمن او الزبد وبطنيها بالدقيق ثم ضعى الخليط وساويه بالملعقه لأنه تقيل ضعيها فى فرت 180 درجه فى الوسط لمدة نص ساعه تقريبآ,ثم تأكدى انها استوت بوضع خله فيها اذا خرجت نظيفه تبقى استوت,اخرجيها من الفرن وسيبيها تهدا خالص وتبرد ثم اقلبيها من الصينيه الصوص:- نصف اصبع زبده+نصف قالب شوكولاته خام كبير(يعنى حوالى 300 جرام شوكولاته)+لبن أو حليب حوالى 7-8 ملاعق كبار ويوضعوا فى حمام ماء على النار لغاية ما يسيح وتقلبى الى ان يمتزجوا مع بعض وممكن ضيفى لبن شويه شويه لو عايزا الصوص يخف وبعد كده يصب الصوص عليها ويرش عليها البندق المجروش وممكن تؤكل دافئه بجد لازم تجربوها لأنها تحفه ومضمون نجاخها ان شاء الله ملحوظه :لا تفتحى أبدا على الكيك قبل مرور نص ساعه على الاقل كى لا تهبط وكمان لما تفتحى الفرن افتحيه براح وبشويش وبالهنا والشفا أم زياد

مش معقووووول يا جماعه بجد تسلم ايديكوا كلكوا تسلم ايدك يا دون على الملف ده ...فعلآ الواحد كان...