اليوم عاد قلت اعطيكم راحه شوي من التوزيعات ونرجع مره ثانيه لحركات
الدخون المميزه
بدينا بالسويت دخون وانتهينا بصينية الدخون صح؟
طيب الحين عاد يبت لكم شي يديد ويدخل في نفس سلسلة التميز
تدرون شو هو؟
كيكة الدخون
او دخون cake
قبل لا تشوفون الصوره
كالعاده بعطيكم المعلومات كامله عن الموضوع
هاذي عباره عن دخون لكن بشكل كيكه طبعا فيه منه اشكال كثيره ولو
تبين الاسم بعد ينكتب عليها ممكن واي شيء تبينه يعني مثل الكيك العادي
حجمها مب كبير
تقريبا اصغر من كف اليد وهذا الحجم طبعا علشان لا يجف الدخون وياج
قبل لا تسخدميه كله
سعر هالكيكه 250 درهم
وليش هذا السعر عاد؟
غالي صح؟
انا اعلمكم ليش
لانه هذا النوع ما تجي الكيكه روحها
لكن هذا عباره عن طقم شو فيه؟
انا اقولكم :
1- كيكة الدخون وهاذي موجوده على صحن وفوقه غطى مثل ماراح تشوفون
في الصوره علشان لا تجف
2- ملعقه صغيره خاصه بتقطيع الكيك اقصد الدخون
3- صينيه حلوه وصغيره
4- فنجان شاي من الكورشيه روووعه وفيه دخون على شكل حلاوة
فواله
يعني الطلبيه كامله والكامل الله
كأنج تقدمين ضيافه للضيوف
وتصلح هاذي كهدية مميزه للمناسبات الخاصه
واذا تبينها كهديه بس خبريني علشان اغلفها لج تغليفه حلوووه ومعاها بطاقه
هاذي الصوره للكيكه بس وما صورت باقي الشغلات اللي معاها حاليا
وفيه نفس هالكيكه على شكل السويسرول
عاد الحين اخليكم مع الصوووره المتواضعه هاذي بس عسب تبين لكم جزء من
الفكررره
ولا تبخلوا علي برأيكم...
وطبعا ملحوظتي الدائمه: لا أحل كل من تنقل افكاري او تقتبس منها او تنفذها
دون الرجوع الي والاستئذان لا احلها الى يوم القيامه
وبليز لاحد يزعل مني تراكم غاليين علي
وان شاءالله دايم بنزل لكم اليديد بس خلكم متابعين لمواضيعي..
وياهلاااااااااااااااااااااااا
الله يحفظج من العين و يرزقج من حلاله