~~ عِقـــد فُـــل
ربي يشفيك ~
مشتاقه لشوفة أبوها
ياقلبي علاجه الطق يطقه لك بكعب الرجل
اختي جاها وزوجها طق لها بكعب رجله وراح ورتاحت اوروحي للممرخه يمكن تعرف تطقه
الله يشفيك ياقلبي
قزازه مجروحه
قزازه مجروحه
جزاكم الله كل خير ان شاء الله اسوي نصايحكم
سوسو النعومة
سوسو النعومة
روحى ممرخه عندك ام على في بنى مالك عجوز اكيد تعرف وتسوي كاسات نصيحه كلميها ورحى
فتافت
فتافت
حبيبتي زوجي راعي ابهر كان بالشهور يعاني منه المهم ولقيت خلطة لمنتدى رجالي وشكر فيها وجربتها مع زوجي والحمد لله ارتاح منه كثير وصار من فين لفين يجيله وعلى طول بالمرهم الي سويته ويرتاح وهذا نسخ لكامل موضوعه

علاج الابهر ،،وآلآم الكتف،،،،لانريد منكم الا الدعاء بالولد الصالح


بسم الله الرحمن الرحيم

السلام عليكم والرحمة

قبل سنة جاني الم في منطقة الكتف الايسر الم شديد "الكل يعرفه"هوالابهر تدرون حتى مسكنات الابر الفلتارين وغيرها من حبوب ماجابته،،،رحت للمستشفى وكنت اعاني منه والم شديد وانا انتظر دوري،،،سمعت شخص يناديني ويقول لي ويش فيك يا ابني،،،نظرت واذا بها امرأة مسنة على كرسي متحرك،،قلت لها الم في كتفي ابهر ذبحني،،،قالت لي ابني يشتكي دايما منه باقولك على وصفه تسويها وان شاء الله تعين خير اعطتني الوصفة،،،ولما رجعت للبيت سويتها،،،ومن ثاني يوم زال كثير الالم والحمدلله وبعدها يومين والحمدلله كاني نشطت من عقال "ادعوا لي ولها بظهر الغيب":

الوصفة:
زنجبيل
ملح
كمون
زيت زيتون
فكس

تجيب مقلاة
تحط زيت الزيتون فيها"مقدار كاستين شاي"
لين يسخن
تضيف ملعقتين او 3 من:
ملح طعام
زنجبيل مطحون"لايكون اخضر"
كمون مطحون
واحد واحد يعني اول الملح وتحركه وبعده الكمون وبعده الزنجبيل

تطفى النار
تضيف الفكس "علبتين"
تحرك الفكس لين يدوب مع البهارات
تضيف الخلطة في برطمان زجاج وتحكم الاغلاق
تخليه لين يبرد،،،وبعدها تدهن منه وتتغطى وان شاء الله تشوف العافية
استمر عليه لين تتعافى وما بقي احتفظ به،،،يمكن تعتازه او غيرك

دمتم في عافية وخير
اللهم إني اسالك العفو والعافية في الدين والدنيا والاخرة
اللهم آمين