انا عندي مشكلة

استخدمي زيت الخروع مفيد لتكثيف الشعر. والحناء تخشن الشعر شوي .

تصدقين حطيت زيت الخروع وأول ما دلكت فروتى شعرب تسا قط مثل الخيوط خخخخخخخخخخخخخخخخخ شر البليه ما يضحك

1- زيت باراشوت يخلي الشعر الجديد يطلع لك خلال شهر.. من تجربة أختي اللي شفتها بعيوني..

2- والشي اللي مرة مهم للشعر الخفيف قناع أسبوعي رائع.. والله أعرف وحدة جتها فترة صارت شبه صلعاء وخلال ثلاثة أشهر من استخدام هالخلطة ما شاء الله عاد شعرها طبيعي.. يعني مو كثيف جداً لكن نبت مثل أول وما عاد يتساقط..
وهي: بيضة + ملعقتين كبيرة روب + نقطتين ماء ورد + ملعقة صغيرة عسل
تخلطينهم وتضعيهم على رأسك وتلبسين الغطاء البلاستيك وتجلسين ثلاث ساعات.. خلال هذه الفترة جيبي السشوار ودخلي فتحة الهواء داخل الغطاء وخلي الهواء الساخن يدخل زين داخل الشعر.. وافركيه بيدك يعني تدليك.. عشان المكونات تدخل مع الحرارة والتدليك لمسام الفروة.. وكرري التدليك بقدر ما تستطيعين..
كرري وضع هذا القناع مرة أو مرتين أسبوعياً لمدة شهر وشوفي النتايج ما شاء الله.. لكن تحملي الريحة!

3- أيضاً.. عندك الحناء مع المحلب.. فيه وحدة تقول.. والله العالم.. مدري عنها.. أنها شافت صديقتها نبت الشعر على مكان من جبهتها كان ينزل منه الحناء مع المحلب.. ما أعتقد أني أقدر أصدق.. لكني سمعت الكثيرين يمدحون المحلب مع الحناء ويقولون أنه يكثّر الشعر مرة..

على العموم ضعي لك خطة.. يوم الخميس تضعين زيت الخروع أو باراشوت.. بعدين تضعين عليه حناء مع محلب.. أو العكس (الحناء بعدين تغسلينه ولما ينشف ضعي الزيت..)
ويوم السبت والثلاثاء تستخدمين قناع البيض والروب والعسل..

إن شاء الله ما يمضي عليك شهر إلا وتشوفين النتايج.. :27: لكن أضمن لك النتيجة 99% وليس 100%..! لأنه سبحان الله الناس يختلفون في تقبل الخلطات حسب الشعر والجسم.. بس هذا أحسن شي عرفته لتكثير الشعر وإن شاء الله يفيدك..
أهم شي الاستمرار على هذه الخطة..
وبعدين حاولي تكثرين من أكل الثوم في طعامك (خاصة إذا ما كنتي متزوجة) سمعت أنه مرة يقوي الشعر ويقلل من تساقطه ويساعد على إنباته إن شاء الله.. وراعي الغذاء السليم المنوع..
مع دعواتي لك..
:24: :24:

شكرا حبيبتي رسيل بس شو يعني =محلب=:24: :26: :24:

المحلب.. ؟!..
شيء مثل الحلبة.. يشبهها مرة.. إما تاخذينه بودرة..أو تطحنينه في البيت.. خليه ناعم واخلطيه مع الحناء عادي..
وتلقينه عند أي عطار.. (حواي)..
أكيد أي حرمة كبيرة تعرفه لو تسألينها.. وأعتقد حتى عندكم يسمونه محلب لأني أشوف الأخوات الإماراتيات يسمونه باسمه هذا..
وإذا ما لقيتيه أنا من عيوني أرسلك أياه.. :26: