خطبة العروس محتاجه مشورتكم

الف الف مبروك الله يتمم عليكم بخير
حبيبتي اذا انتم تعرفوا البنت وعاجبتكم لازم اول حاجة تروح أم العريس واي أحد معها والعريس للنظره الشرعيه وياخذ معه هديه اذا أعجبته يعطيها وبعدين تتفقوا على كل شئ

الله يتمم عليكم ويوفقه وييسر امره بعد المكالمة تروحون انتم يالحريم تشوفون البنت ولا تاخذون هدية ولا شي بعدين تطلعون عادي ماتقولون شي بعدين تقولون للولد مواصفاتها اذا اعجبتكم ومعاملتهم هي والام حلوة بعدين اذا وافق مبدئيا تتصلون على الام وتحددون يوم للرؤية الشرعية الولد يشوف البنت بحضور طبعا احد محارمها بعدين يسئلون عن ولدكم ويمكن يسئلون عنه قبل لايشوف بنتهم واذا وافقوا يروح الولد مع ابوه ويخطبون رسمي ويتفقون على المهر وكل شي بعدين الملكة وبعدها يروح لحاله ومعه هدية للعروس ويبارك لها ويجلسوا لحالهم لأنها صارت زوجته وبعدين موعد الشبكة تشترون الشبكة واذا تبغون تعطونها هداياكم بعد وتروحون لهم ويلبسها وترى كل مجتمع له تقاليده وعاداته وبعدين العرس ولا تنسين تعزميني هههههه الله يسعده ويجعلها من الزوجات الصالحات وهو من الازواج الصالحين ويؤلف بين قلوبهم

نسيت اقول لك التحليل بعد الرؤية الشرعية لأنهم شافوا بعض وارتاحوا خلاص يبدأوا بأجراءات الزواج واول شي التحليل مايصلح يحللون وهم ماشافوا بعض

تكلم أم الولد أهل البنت وتآخذ منهم موعد وأكيد بيسألون عن ولدها
بعدين هي تروح مع ولدها هي تشوف البنت وهو يتعرفون عليه بس ما يشوفها
يسوون التحليل إذا صار كويس يروح يشوفها وإذا لا بلاش (الوجه من الوجه أبيض)
إذا أعجبته يحددون موعد الملكه ويملكون وبعدها يروحون الأهل وولدهم معهم الشبكه ويلبسها
والله يتمم لكم على خير ويجمع بينهم في خير

ياقلبي يختلف من منطقه لمنطقه