الــرازق ف السماء والحـــاسد ف الارض !!!

على فكره قبل بداية الموضوع انا خريجة بكالريوس وعاطله حالي من حالكم عشان ما تجي وحده مسويه فاهمه وتقول انتي منهم ووالخ ( الموال اللي حفظناه بهالقسم )

بس اللي يفرقني عن اهل الدعاوي والتحسب والحسد اني مؤمنه ان كل شي مقدر ومكتوب وهذي ارزاق مقسمها ربي لعباده

شفت كمية الردود بموضوع الاخت بنت اطيب انسان ( ان شاء الله انك تكونين مثل الوالد ) :smile:


كل وحده تدخل وتتحسب سلامات وش هالشر كله !!!

وش هالحسد والحقد اللي بقلوبكم ؟؟

المشكله تدعون عليهم ماتدرون ان الدعوه على قد المظالم ودعواتكم بترجع عليكم

كل رد قريته فيه دعوه ارحم صاحبته لانها مريضه بالحسد ودعوتها بترجع لها اللهم لا شماته


وماراح يرزقكم الله وانتو تحسدون غيركم نظفو وطهرو قلوبكم واحسنو الظن بخالقكم هو وحده مقسم الارزاق


ترى بعضهم لهم سنوووات وسنووووات ماجتهم الوظيفه بارده مبرده


وانا شخصيا اعرف ثنتين توظفو من بنات الدبلوم والله العظيم لا واسطه ولا رشوه زي ما تتدعون وتكذبون الكذبه وتصدقونها جتهم من دعائهم لربهم ومن حسن نتيهم بربهم اولا واخيرا :mex:

والمشكله اعتراضكم موب على طريقة توظيفهم لا على ليه يتوظفون وهم دبلوم طيب رزق من ربي اقتنعو بهالشي واقنعو انفسكم وصفو نواياكم وعلى نياتكم ترزقون : )


الله يطهر قلوبنا ويرزقنا الوظائف اللي نتمناها جميعاً


(اي رد ماله لزوم ولا اللي بتعيد ردها الممتلىء بالحقد لا ترد احسن وتحتفظ فيه لنفسها )