بنتي نفس مشكله بنتك وعمره بعد 5 خمس سنوات اعتقدالحل مثل ماقلت احدالاخوات مالهاالاالحناوالمحلب و(العسل مع المايونيزوالبيض)قبل الحمام بنص ساعه والله ينعم شعورهن ويصلحهن ويسترعليهن امييييييييييين يارب.

أول شي الله يخليها لك هيا و خواتها أنا عندي بنتين و الثالثة علي الطريق :) و أحب أعتني بالشعر.

بعدين أنا مع البنات اللي قالوا خللي شعرها طويل أحسن، كل ما طول الشعر الجاف و الملولو يكون أحسن عشان وزنه بيشده لأسفل و كمان تقدري تضفريه أو تلميه بأي طريقة تناسب.

إذا كنت بتنشفي شعر بنتك بالسشوار فهدا أسوأ شي تعمليه التنشيف بيخلي اشعر يهيج زيادة و بيجفف الشعر.

إذا كان شعر بنتك جاف ما تغسليه كتير بالشامبو مرة لمرتين بالأسبوع كفاية. في طريقة حلوة لاستخدام الزيوت أنا بعملها لشعري عشان يهديه بعد ما آغسل شعري ألط كم قطرة من الزيت مع الكونديشنر و أحطه علي شعري، أمشط شعري بالحمام لغاية ما يسلك و هو عليه الكونديشنر. و بعدين بس أخرج من الحمام أسيبه ينشف عادي مع الهوا، بس يقرب ينشف أحط قطرة أو قطرتين زيت على طوله و ألفه كعكة.

إنت الآن شعر بنتك قصير إبدئي تستعملي له الشامبو المناسب و زيتيه قليل و هو مبلول ما تكتري الزيت عشان ما يبان.

و عشان ريحة الزيت إخلطي لها الزيت مع الزيوت العطرية زي المسك و الورد و غيره أي واحد إنتي تحبه. أنا لسنين طويلة استعملت لشعري زيت الزيتون و دايماً أخلط معاه زيت عطري و تقعد ريحة شعري حلوة للحمام التاني.

كمان من كم يوم جربت لبناتي إني أخلط الكونديشنر مع شوية زيت مع كثيرة و حطيته ليهم زي كأنه كونديشنر و عجبتني النتيجة. شعورهم كانت ناعمة و متماسكة من غير هيجان. بس أنا شعور بناتي تفرق عن بنتك بس أعتقد إنه ممكن تزبط معك الطريقة.

طولت عليك معلش بس أنا أحزن إنه الينات يكبروا و همه حاسن إنهم لازم يكونوا بشكل معين. كل شعر و كل بنت ليها جمالها الخاص لازم نربي بناتنا إنهم يعتنوا بأنفسهم و يحبوا شكلهم و كل واحد يحسن من نفسه أيوه بس مش بالضرورة عشان يكون شكل حد تاني. فلسفة زايدة، معلش أنا أم بنات وأحب الخير لبنات الناس زي بناتي. الله يخليهم ليك.

رفع