أنحرق قلبي احساني انتهيت

إلى أخواتي الغاليات أحبكم في الله لانكن فعلا أخوات بمعنى الكلمه
حبيباتي ترددت كثير في سرد قصتي بس ضاقت فيني الوسيعه قلبي محروق لابعدحد تغيرت كثير كثير لابعد الحدود
وكل اللي أرغب فيه تدعون لي في هذا اليوم المبارك ان الله يفرج همي ويمسح على قلبي وينسيني الماضي لاني صرت أعتبره ماضي بس قلبي قلبي يابنات أحسه أقوى مني ماقدرت أنسى
كنت بعيونه أحلى واغلى بنت والله العظيم يموت على التراب اللي أمشي عليه مايفارقني أبدا الا للعمل والمسجد وبس حتى أصدقاؤه إذا تقابل معهم مره بالشهر خير وبركه وفعلا كنت أنا سعيده مره واحبه يابنات بجنون ماتتخيلون اشكثر حبه والله اني نسيت اهلي واصحابي حتى دراستي رميتها ورى ظهري عشانه أحبه أحبه لابعد الحدود عمره ماقصر عليه بشي حنون عليه لابعد الحدود كان يشوفني صح في كل شي وغيري غلط عشت معه أجمل سنين عمري موقادره أسرد لكم حكايتي كامله لان ماعندي اسلوب بسرد القصص بس بقولكم المختصر قبل سنه وتحت إلحاح أبوه انو يتزوج بنت عمه بحكم تقاليدهم ان بنت العم لولد عمها بتقولون وينه عنها من أول كانت صغيره ويوم كبرت مايبونها تطلع برا والبنت قريبه مني مره وعلاقتي فيها حلوه الموهم خطبوها غصب عني كنت أبكي والومه يتحجج لي بااعذار واهيه وانه مايبيها بس عشان ابوه وان عيب البنت عندهم تطلع برا وولدعمها موجود وانا مكسوره مره كنت بس أبكي كان في البدايه ياخذبخاطري بعدها صرت مثل أي قطعة أثاث إذا شافني راضيه ضحك معي وإذا شافني زعلانه مااهتم لي البنت كانت رافضه والله العظيم كانت تبكي قدام لدرجة أحن عليها ويتقطع قلبي عليها لان لوماوافقت ياويلها من أبوها طبعا تزوجها وش اللي صارماادري بعد كل الا الحلف اللي يحلفه قدام قسم بايات الله يبوس رجولي انه يحبني أنا وهي مجرد زوجه ساكنه معه وبس راحوا شهرالعسل كم يوم ورجعوا في البدايه كان معي وياخذ بخاطري يقولي والله العظيم مهما سوت ماتهزفيني شي بس انتي حبيبتي وحياتي كلها إذا شفتك انسى العالم واحس اني في دنيا ثانيه كنت أغار غيره تقطع قلبي وللحين يكون معي وإذا جت بيتها على طول يروح لها عذره انتي عندك عيالك وهي تخاف ماعندها أحد صعبه أخليها بلحالها وانا اانحرق انحرق والله محديحس بمقدار الالم اللي فيني وهي عقب ذاك البكا صارت تموت عليه للمعلوميه حنا نسلم على بعض وهي ماأشوفها تأذيني أبدا بس من الاخباراللي توصلني عنها انها تقول انها تحبه وهوبعديموت عليها
اناخلاص أحس اني ماعدت أحبه بس إذا شفته يابنات تجيني غيره عليه واحس بالنار تقطع بقلبي ابكي لدرجه ماتتخيلونها وهوماعاديتقبل مني شي خاصه إذا زعلت يسمعني كلام يقطع قلبي هوسافرالحين واخذالمحروسه معه عشان يقهرني ويحرق قلبي الموهم انا لقيت إتصالين بجوالي له ولها كنت نايمه أرسلت له رساله قلت له والله ماادري انك متصل نايمه قال كنت بمرك قلت مادري انك بتمر ولاكنت فرشت لك الدارورود قال أصلا أنا مابي اشوفك بس هي أصرت تبي تسلم عليك أنا هنا خلاص معد قدرت خنقتني العبره أه يابنات تعبت وربي تعبت والله ان الكلام اللي قلته ربع اللي صار بس تعبانه ودي افضفض أدعوالي ان الله يمسح على قلبي وينسيني غيرتي عليه بعد ماعلقني فيه رماني ادعوالي ان الله ياخذ حقي منه تعبت والله تعبت