نصيحه للي يلبسو عدسات اسمعوها مني والله تندمون زي ماندمت

مرحبا بنات
هذي نصيحه مني للي يلبسو عدسات
مره قالي زوجي يلا نروح لأهلي
قلت يلا ورحت لبست وتجهزت ولبست عدساتي
ومشينا لهم يوم كنت عندهم ماكان فيني شي ابدا
ويوم رحنا للبيت رحت بدلت ملابسي وشلت العدسات ورحت لزوجي بالصاله
بعدين اقوله يوووووووه وش ذا
قال وشو قلت شوف البيت مليان غبار
قالي غبار مافي غبار قلت يؤ وهذا وشو
ناظر فوق عند الانوار
قالي روحي نامي فيك نوم
المهم قمت وفتحت الشبابيك والمكيفات
على امل يطلع ذا الغبار
بس طلع البلى فيني
يوم رحت وغسلت عيوني ونفس الوضع ماتغير شي
ورحت ابكي عند زوجي قلت انا ماعد اشووف وقعد يقرأ علي وغسل عيوني وقال خلاص لاتفتحي خليك شوي
يوم فتحت نفس الشي
بعدين قلت يلا وديني المستشفى قال مافي مستشفى الحين بجيب لك قطره من الصيدليه ويوم حطيت منها عادي ماتغير شي
المهم نمت ويوم قمت الصباح والامر كل ماله يسؤ اكثر واكثر
قلت ماراح اقوله الحين اخاف يتأخر على الدوام يوم طلع من عندي فتحت الباب وطلعت رقمه من الجوال وشلت رمز القفل عشان لو صحيت الظهر وانا ماشوف ادق عليه على طول ويوم صحيت الظهر وافتح عيوني وخلاص صرت عمياء ماشوف ولاشي
ودقيت على وحده من خواتي كبيره
وقعدت ابكي وقالت لي انو زوجها مره صارر زي كذا وراح للطبيب بعدين تشافى
المهم دقيت على زوجي قلت بسرررررعه اترك كل شي وتعال
وجاش ورحنا لمغربي قالو مافي طوارئ الحين ورحت للحبيب وغطو على عيوني
وصار كل يوم يعطوني مراجعه لمده اسبوعين اسبوعين يابنات وانا ماشوف هذ غير الجرح الي بعيني تقول الدكتوره احمدي ربك مادخلتي العمليات يقفلونه لك
ورحت لأهلي وبنتي وحشتني مرررررره والله يابنات اضمها واقعد ابكي صار لي فتره ماشفتها واهلي بعد وحشوني كثييييير
صرت لما ابي اروح لدوره المياه ..الله يعزكم
اختي تدخلني وتنتظرني برا
عشان توديني المجلس وعلى ذا الحال
تخيلو بنات اسبوعين وانتي ماتشوفي الي حولك ومغمضه وعيونك عليها غطاء
صراحه ماقدرت اتحمل
وعاد الحمدالله تعالجت والعدسات اخذت حقي منها وزود بعد
قصيتها بالمقص قطع صغار ورميتها
من جد بغت عيوني تروح بسبت ذا العدسات
والحين حرمت مالبسهم مره ثانيه