كيفكم يا بنااات ان شالله تكونو بخير يارب
زي ما وعدتكم اني راح انزل طريقة الدجاج المقلي وهادي المره من تحت ايديااتي وبالصوور ان شالله تعجبكم يارب
نبدء بسم الله
المقادير
صحنين دجاج (انا استخدمت صحن سيقان وصحن فيه صدور ) يغسل ويدعك بالملح والخل
5 فصوص ثووم مقطعه قطع كبيره
3 كاسات مويا
ملعقة صغيره من (فلفل اسود –فلفل ابيض – كزبره مطحونه – لون الزعفران او كركم (في ناس ماتحب الكركم تستخدم لون الزعفران انا استخدمت لون الزعفران وخالتي استخدمت الكرم ))
شوية حمر (تمر هندي )
قطعة خولنجان ( حسب الرغبه لان ريحتو قويه ممكن ما يعجب بعض ناس )
5 فصوص ثووم مقطعه قطع كبيره
3 كاسات مويا
زيت للقلي
الطريقه
نحط الدجاج في قدر ونحط معاه كل المقادير
نرفعها على النار الين ما تغلي المرقه نحط الملح ولا تخليه مضبووط زيدي شويا عشان يبان طعمه في الدجاج شويا عشان يبان طعمه في الدجاج
نوطي النار ونتركه الين ما يستوي بس لا تخليه يستوي الين يتفتت اول ماتحسي انه استوا من جوا على طول طفي النار
سيبيه يبرد شويا وحطي الزيت على النار الين ما يسخن مره (واذا عندك قلاية بالكهربا احسن عشان لا يطرطش الزيت )
بعدها صفي الدجاج وعلى طول حطيه في الزيت ماراح ياخد منك وقت بس تحمر شيليها على طول (الي حتقلي على النارتسوي زي تشرد اخر المطبخ اول ماتحط الدجاج عشان لا يطرطش عليها )
اول ما يحمر شيليه وحطي على ورق نشاف اخر شي قدميه مع البطاطس وبالهنا والعافيه
البنات الي سالووو عن السبرينغ روووول هي استدخمت رقاق االبرينغ رول من السنبله بس الي يجيكي ساده مو بالبيض
وتقلي بعافيه او مازولا يمكن عشان كدا ما يتشرب الزيت
اما الي سالو عن العجينه فطريقتها
المقادير
كوب حليب بودرة
2 كوب ماء دافيء
2 ملعقة خميرة فورية
نصف كوب زيت
فنجان سكر
ملعقة بيكنج باودر
4 كوب دقيق كويتي
ذرة ملح
الطريقة
1 نحط المويا في اناء ونحط عليه الحليب والخميره ونحركه .
2 -نضيف الزيت والملح والسكر والبيكنج باودر ونحرك.
3 -نضيف كوبين الدقيق فوق الخليط السابق ونخلط.
4 -نضيف باقي الدقيق بالتدريج ونعجن باليد الين ماتصير طريه .
5 -ملاحظة:
من ناحية البيتزا نقللالسكر. هذي العجينة تصلح لأي فطيرة وأي بيتزا
ملاحظه هامه نسيت اقولها قبل (عشان تقعد معاكي المعجنات طريه لاطول وقت اول ماتخرجيها من الفرن غطيها عشان تصير لينه بسبب الرطوووبه )
والي طلبوو طريقة الكيكه الطبقات بصراحه هذي يبغالها قعده لانها صعبه شويا ولازم اشوفها بنفسي وهيا تسويها فيها 30 بيضه ياناس وكلها صفااار
اتمنى اني اكووون لبيت طلباتكم واسفه عالتقصير