زوجي مايحترمني وش السوات

مساء الخير وصباح الخير كلا بوقته
مشكلتي مع زوجي مدري شلون صايره يعني زوجي ماشالله عليه مايقصر علي بشي ابد يحبني ويموت فيني
ويسوي كل شي علشان يرضيني طبعا عمري 24 وعمر زوجي 31 وعندي ولدين وزواج دام له خمس سنوات
بس مشكلته مايحترمني قدام الناس مو بقصده يعني تطلع عفويه منه >> انا كذا حللت
مثلا اول ماتزوجني كان يسوي حركات مافيها احترام لي قدام الهله والحين تعدل كثير الحمدلله لما شافني ازعل عليه
وفي السوق نفس الشي
يعني مثلا كنت امشي بالعربيه وتحرك ولدي وكان بيطيح انا منتبه له هو وش يسوي يرفع صوته ويهاوش
طيب انا تحز بخاطري هالحركه نرجع البيت يعتذر ومدري شنو
بس الى متى قهرني بتصرفاته
اخرتها اليوم انا كنت معزومه بالليل وطلعنا العصر وتغدينا برى ولما رجعنا كان بيودينا عند الناس وانا مو لابسه قلت له انا مو لابسه رجعني البيت قام يهاوش ويرفع صوته قدام الخدامه
قلت كم مره نخرج نتغدى برى وحنا معزومين بالليل ترجعني البيت البس قام مد يده وضرب فمي مو بقوه على خفيف ويوقل انا ماكذب وانا انقهرت منه قلت والله معاد اروح قال احسن ابركها ساعه ومدري شيقول
ولما نزلني البيت رجع يتصل على جوالي يقول عشر دقايق وانتي جاهزه قلت والله ماروح قال اسمعي الكلام قلت والله ماروح علشان تعرف تمد يدك قال احسن الشرهة علي الي احسرتيني وقفل بوجهي

الحين شسوات مع هالادمي انا ماطلب منه شي غير الاحترام والتقدير
وبكره فيه عزيمه وقلت له حتى بكره مو رايحه مدري شرايكم اروح ولا قعد شورو علي
طبعا للامانه زوجي مافيه مثله لابكرمه ولا اخلاقه لي ماظلمه وكل شي ابيه يجيبه لي
فكرت اكلم ابوي بس اتذكر كلمة ابوي والله ماسامح من يحاول يهين لي بنت او ومايحترمها اخاف ياخذني عنده ولاعادة يرجعني