موضوع حساس جدا قد يتقبله البعض و قد لا يتقبلة البعض الاخر
لكن أظن إنه من المواضيع المهمه التي يجب أن تطرح
فجميعنا نستخدم الانترنت للمتعه و الفائده و قد استمتعنا بقراءتنا لموضوعات كثيره و ضحكنا على مواضيع كثيره فلنعطي لنفسنا القليل من الوقت للفائده
فلكي فقط يا أختي هذا الموضوع
مع تمنياتي للجميع بالاستفادة
هلا بكل العرايس,,,,
وهنا اقصد عروس الامس وعروس اليوم وعروس الغد
فيه مشاكل حساسه تواجه العروس واسئله ماتلقالها حل او تستحي تسئلهاوبنفس الوقت تحرجها قدام عريسها
اول شيء لازم تنتبهله العروس هو الاهتمام بالنظافة الشخصية ,,, لانها محط انظار الزوج ,,,,,,, فلا يجب ان تقع عينه منكي على قبيح ولا يشم منكي الا اجمل الريح
بدايتا سوف نتطرق الى شعر المنطقه الحساسه والطريقه الاسلم لنزعة وهذي طرق عدة لازاله الشعر مع مميزات كل واحده منهم وسلبياتها
طرق لازاله الشعر
1.الكريم
مميزاته .. مريح من غير الم 8_10 دقايق لازاله المنطقه كلها
سيئاته.. الاسوداد الشديد .. الشعر يطلع بعد اسبوع تقريبا .. الشعره تكون خشنه وسميكه
2.موس
مميزاته..السرعه ومن غير الم
سئاته..الشعر يطلع بعد 3 ايام .. الشعر اسود وخشن وسميك.. اسوداد المنطقه .. احتمال كبير تطلع حبوب وحكه شديده
3.اله الشعر"موس حلاقه"
المميزات.. شعر ناعم ..3-4 اسابيع يطلع الشعر
سيائته.. الم شديد
4.الحلاوه
مميزات..شعر ناعم وخفيف .. المكان نظيف ولايسبب اسوداد .. يجلس 3-4 اسابيع من غير شعر
سلبياته.. الام الشديد والوقت
لتخفيف الالم
ممكن تستخدمين معجون الاسنان لمدة 5 دقايق وبعدين تمسحينه بالمنديل
تستخدمين بنج موضعي من الصيدليه .. بس ماينصح بالتكثير منه يعني بس بالاول الين ماتتعودين
الاسبرين او البنادول تذوبينه بكاس مويه وتمسحين فيه المنطقه وتخلينه ينشف
خطوات ازاله الشعر بالحلاوه
1. غسل المنطقه كويس بالمويه والصابون لقتل البكتريا الي راح تسبب التهاب بعد شيل الشعر لان المسامات بتكون مفتوحه
2.غسل اليدين قبل الشيل بالصابون برضوا لقتل الجراثيم
3.ابد لاترجعين الحلاوه المستخدمه للعلبه
4.عند الشيل تستخدمين قطع صغيره من الحلاوه "زي قطع اللبان" وتخطيها باتجاه نمو الشعر وتشيلي عكس اتجاه الشعر
5. اذا خلصتي تكونين مجهزه ليمون تحطيه على النطقه للبياض وتاخرين نمو الشعر وهذا مجرب
6.احذري تغسلين النطقه بالمويه مباشره لانه يسبب اسوداد .. علشان كذا اقولك استخدمي الليمون
الصابون
لازم على العروس وحتى الفتاه ان تبتعد تماما عن الصابون لهالمطقه
لانه السبب الاول للريحه والاتهابات لانه يقتل البكتيريا المفيده
للتنظيف استخدمي عوضا عنه الغسول النسائي الطبي"Feminine Wash"
احرصي على ان يكون مكتوب عليه خالي من الكحول وخالي من الصابون
جربي ماركه Vagisil
شركه طبيه معروفه
الرائحه الكريهه
كثير عرايس يشتكون من وجود رائحه كريه من المطقه الحساسة وهذا نتيجه لاحد الاسباب التاليه او كل الاسباب سوا
1.الاتهابات
ممكن العروسه تعاني من التهاب قبل الزواج وهي لاتعلم وبعد المعاشره الزوجيه ظهرت هذي الرائحه الكريه الي تضايق العريس قبل لاتضايقك ولاننسى ان الرائحه اول شيء ياثر على الجهاز العصبي للرجل سواء ريحه حلوه ولا شينه وتاكدي ان الريحه الشينه تعلق براسه اكثر من الحلوه وصعب تروح من باله وبيشمها فيك مهما بعد كذا تنظفتي وحطيتي عطور
وهنا يجي دور الكشف قبل الزواج عن اي التهابات والعلاج جدا سهل لايتعدى مضاد حيوي عن طريق الفم لعده ايام
وقد يكون الاتهاب صار بعد الزواج ولهذا انصح كل عروس لما تجهز شنطتها لشهر العسل تحط معاها ملح خشن بعلبه حلوه .. وتستخدمه كغسول او تتنقع فيه لمده عشر دقايق باذن الله يقضى على التهاب او على الاقل الريحه لحد ماترجعين بالسلامه وتراجعين الدكتوره
وطريقة الملح :
تاخذين ملح بقبضه يدك وتذوبينه ب3 كاسات مويه دافيه وتجلسي فيه بالبانيو بحيث يغطي ماتحت السره .. ممكن بعض الاوتيلات مايتواجد فيها بانيو مجرد شاور استخدميه كغسول
واعلمي ان الاتهابات جدا خطيره وقد تسبب التصاقات وبالتالي عقم الله يبعده عن كل المسلمين
ثاني سبب زي ماذكرنا استخدام الصابون
اشربي كثير مويه بهالفتره واذا شعرتي بعد المعاشره بانك بحاجه للحمام لاتتصبرين على طول روحي الحمام ولا تستحين
ولازم تنتبهين ان المنطقه تكون ناشفه كويس .. استخدمي المناديل الورقيه لهذا الغرض واذا تعانين من افرازات استخدمي الفوط الصحيه اليوميه بشرط تغيرها 3 مرات على الاقل باليوم
ملابسك الداخليه لازم تكون مصنوعه من القطن وغير ضيقه علشان تتهوى المنطقه
وانتبهي من ملابس الضيقه والنايلون او اي شي غير القطن لانه يسبب رطوبه وبالتالي مكان مثالي لتكاثر بالكتيريا والجراثيم
-=-=-=-=-=-=-=-=-=-=-=-=-=-=-=-=-
لتعطير المنطقه الحساسه
كل 3 ايام اومره بالاسبوع جربي هالطريقه
جيبي ورد جوري مجفف "لازم تتاكدي انه نظيف بعد ماتشترينه غسليه وغطية بشبك وخليه ينشف مره ثانيه"
تلقيه عن العطار
خذي مقدار قبضه يدك وخليه يغلي مع كاسين مويه
واذا صار دافي حطيه بطشت يكون كبير شويه "بحيث تجلسين فيه يغطي ماتحت السره والرجلين تكون برا"
واضيفي له بياله مويه ورد ملعقه عسل طبيعي وملعقتين ملح خشن
واجلسي فيه لمده ربع ساعه او حتى يصير بارد
وشوفي الريحه .. وعلى فكره الورد الجوري يحمي من الاتهابات
اول ايام الزواج او مرتين بالشهر مثلا .. حطي قطره دهن عود بيدك وادهني فيها المنطقه بس من بره يعطي ريحه حلوه
لاتنسين المسك وهذا حثنا عليه الرسول عليه الصلاه والسلام
بس تاكدي انة اصلي تلقينه عن القرشي وهو زي الحجر.. انتبهي انتهبي تستخدمين المسك الي عند العطار ترا مو هذا المسك المقصود
الاتهابات البسيطه
وعند احساسك بان هناك التهاب استخدمي احد الطرق التاليه
منقوع البابونج المغلي .. قبضه يد بابونج يغلى مع 3 كاسات مويه وتجلسين فيه بعد مايكون دافىء لحد مايبرد
وايضاء مغلي حبه البركه .. فنجان حبه البركه مع 3 كاسات مويه نفس طريقه البابونج
شرب الشاي الاخضر وعصير التوت الاحمر واكل الزبادي يحمي من الاتهابات
واستخدمي غسول الملح مع بودره المره والمويه الدافيه مرتين بالاسبوع .. يحمي من الاتهابات
مزيلات رائحه العرق
فيه ثلاث انواع
صناعي الي بالسوبرماركات وبكل مكان
مميزاته .. اكثره يستمر مفعوله لــ24 ساعه وريحته حلوه
سيئاته .. اسوداد
ممكن تستخدميه بشهر العسل مثلا بس بتحتاجين فتره بعده لعلاج الاسوداد
بس انتبهي لما تشرين مزيل العرق اقريء اذا كان مكتوب عليه Anti-Perspirant .اي مضاد للتعرق
لاتشترينه لانه يسبب السرطان لانه يمنع خروج العرق من الجسم
اقرء كويس وتاكدي انه مو مضاد للتعرق للمعلوميه بعض الاحيان تلقينه مكتوب بالعربي
النوع الثاني بولهي
يبيض المنطقه بس يزيد التعرق بصوره كبيره جدا
وريحته غير مقبوله ابد
ومافي احد يدري من ايش مكوناته وكثير اطباء حذرو منه
ا لطبيعي الشبه
يحافظ على لون يعني لايسود ولايبيض
عيبه الوحيد انه مايطول .. يعني 12 ساعه تقريبا وينتهي مفعوله
لسواد المنطقه ..
كل يوم لما تتروشي استخدمي الليمون امحي فيه المنطقه"الابط والمنطقه الحساسه"او اي مكان اسود في الجسم وخليه 5 دقايق وبعدين غسليه صح النتيجه ماتبين على طول ويبيلها صبر بس مجربه ومضمونه ان شالله
وبالنسبه لريحه الجسم بشكل عام
لما تتروشي استحدمي شور جل بريحه حلوه وحاولي يكون طقم مع العطر والبادي سبري والبودر والبودي لوشن
بصراحه البودره مهمه جدا لتثبيت الريحه .. اخلطي البودي سبريه بشوي من البودره واستخدميه على جسمك او بودي لوشن
وبعد ماتتروشين قبل لاتقفلين الدش ادهني جسمك بزيت اي نوع من الزين مخلوط معاه بياله مويه ورد
هذا بعطي جسمك نعومه وريحه حلوه وبيثبت العطر والبودر
واعرفي ان العطر لايمكن ابدا يغطي الريحه الشينه ممكن اول عشر دقايق بس بعدين بيزيد الريحه الشينه اكثر
ولاتنسي تاثير الرائحه الحلوه على الرجل ولو انه ماتاثر مانهنا رسولنا عليه الصلاه والسلام من التعطر خارج المنزل واخبرنا بانها في حكم الزانيه
العنايه الشخصيه ايام الدوره الشهريه
واخيرا اهتمي بنفسك في فتره الدوره الشهريه لاتشيلي ثقيل وابدا ماتمشي حافيه "لان هذا يسبب افرازات وهواء يصعب جدا علاجه"
ابتعدي عن المسكنات قدر المستطاع
اشربي كمون لتخفيف الالم .. بان تغلي مويه حاره بمقدار كوب وتضيفي له ملعقه كمون وتتركينه 10 دقايق او حتى يبرد وبالهناء "الشيء ان زاد عن حده انقلب ضده"
يعني لايزيد عن كوبين متوسطين الحجم او صغيرين
فيه نساء تاخذ اخر يوم للدوره تحاميل طبيه سويت عليها بحث ولقيتها مضاد حيوي فخفت استخدمها احذري تستخدمين شيء ماسئلتي عنه طبيبتك الخاصه في هالمطقه الحساسه والي نفع غيرك ممكن يضرك
منع الحمل
اخر نصيحه
ان كنتي ترغبين بتاجيل الحمل فلا تعتمدي على حبوب منع الحمل وانتي بكر لما لها من اضرار قد تصل للعقم
ولاتخجلي من طبيبتك النسائيه فبادري بسؤلها عما يحيرك او يالمك فهي اعلم بحالتك الصحيه ومايناسبك من ادويه وعلاجات
تمنياتي لكم بحياه سعيده خاليه من الامراض
منقول
يلزم عليك تسجيل الدخول أولًا لكتابة تعليق.
أسيرة الرومانسية
•
أعذروني على الاطالة بس حقيقي عجبني :27:
ونه ألم
•
موووووووووووضووووووووووووووووووووع رووووووووووووووووووعه الله يعطيج الف الف عااااااااافيه :26:
:26: :26: :26: :26:
:26: :26: :26: :26:
الماسة السوداء\\
تسلمين على المرور وعلى البوسة ههههههه
البطة الضائعة\\\
تسلمين قلبي وأنتي الأروع
تسلمين على المرور وعلى البوسة ههههههه
البطة الضائعة\\\
تسلمين قلبي وأنتي الأروع
الصفحة الأخيرة