السلام عليكم ورحمة الله وبركاته
بدخل بالموضوع طوالي طبعا انا عضوة قديمه بس احب
افضفض بهالعضويه منعا من لقافه قرايب حواء..ماحلل ولااسامح من يفتش ويقلب بملفي عشان يعرفني مين..!:(
الحين بقولكم السالفه واحكموا بانفسكم بكل امانه وضمير..
طبعا انا واختي عايشين بديره وحده واهلي بديره
وحده ..وزوجها يقرب لي ولاختي ويقرب لزوجي بعد بس
زوجي مو قريبي المهم مالكم بالطويله السالفه بدت من ملكتي
زوج اختي اللي هو قريبي يروح لزوجي بعز خطوبته ويقوله ترى
زوجتك هذي كانت تحبني ..!!!!
زوجي انصدم وتضايق بس مابين لولد عمه ((زوج اختي))
قاله لو تبيك كان وافقت عليك ..(انبسطت من رده فعله مع انه مقهور من داخله وخاف ودخل الشك قلبه))
شفتوا كيف نذل ومسوي مطوع ومايترك فرض ويخاف ربه..
هذا السالفه يوم كنا اطفال احبه حب براءه
عشان كان من سني وكنا تلعب مع بعض بس يوم كبرنا تغير
الوضع وصرت اعدهم مثل اخواني ولاعلى بالي اي شي غير
كذا اخوه الكبير خطبني ورفضته بس محترم قدر رفضي وقال رغم
كذ احبها وخلوها براحتها حتى لو ماوافقت ..
وزوج اختي هذا الصغير خطبني
ورفضته بصراحه استخرت ومارتحت ومثل ماقلت كنا
اخوان ..واصلا مانشوفهم كثير لانهم ساكنين بمنطقه بعيده
عنا تبعد اكثر من 1000 كيلو بس في الاجازات نشوفهم ومو
دايم كل 5 سنوات او اكثر المهم الحين هو صار زوج اختي
طبعا الزواج كان عشان مايزعلون الطرفين الاقارب .. .بعد
ماتزوجها صار يتحكم فيها ووصلنا كلام انهم ماودهم باختي
بس عشان ابوي لايزعل وانهم يكرهونا ويسبون امي يقولون
تتصنع الطيب وانها خبيثه رغم ان الكل يشهد لامي يقولون
مافي مثلها بصبرها وحنيتها وعطفها رقم قسى زوجها عليها..
ترضى الكل على حساب صحتها ونفسها ..
الحين خلونا بزوج اختي صار يتحكم فيها لان شخصيتها ضعيفه ياما علمتها ماتصير ضعيفه وتخاف منه بكل شي..الحين ماصارت تقدر عليه وربي يابنات كيفهم حياتهم دامها راضيه وعاجبها وضعها لكن دايم يقهرها وفلوس مايعطيها يقولها بشتري لك لكن فلوس بيدك عشان ماتلعبين فيها..!
شوفوا كيف يعاملها كانها بزر والحين صارت ام لثلاث اطفال وتغيرت شوي وتدرون ماصرناا نتزاور رغم ان مالنا بعد الله الا بعض بهالديره ونفسيتي زفت لان زوجي يداوم ليل نهار وعندي ثلاث اطفال واحد منهم تعبان ..الله يشفيه ويرفع عنه
واهلي بعيدين واهل زوجي حقين مشاكل وبعدت عنهم وقاطعتهم..ويوم احتاج اختي اطلبها تجيني اكون بوضع حرج عندي حساسيه ربو واطلبها تتعذر وتف وتدور تقولي بكلم زوجي بشوف يرضى يجيبني..!! وربي اني ابكي من قلب ولدت وماحد حولي وطلبتها ونفس الشي بكلم زوجي وتلطعني بالساعات واخر شي تقولي مارضى ..:44: وتطلع بكل مكان مايقولها زوجها لا بس عندي انا لا..واعذار مالها اول ولااخر وبدون سبب مقنع..وانا حاسه زوجها يكرهني عشان وافقت اخذ ولد عمه وفضلته عليهم حتى امه حاقده علي يعني السالفه لها سنين طوال اكثر من 15 سنه وللحين بقلوبهم علي شي ولاقالوا قسمه ونصيب واختي صارت من نصيبهم..! كانوا نفسهم فيني وانقهروا يوم رديتهم ..!!!
وقسم اجلس ابكي اطلب مين اذا اختي وزوجها اقرب الناس لي يردوني وزوجي مداوم ..اهلي مو حولي ولاحد فاضي يسال عشان يحنون علي من بعيد لبعيد بس كلام ..وزوجي يجي وينام او عند التلفيزون ..واختي الكبيره تتصل فيني عشان تشكي من زوجها واهله واذا بغيت اشكي تضايقت وصار ودها تقفل السماعه او تتعذر ان زوجها موجود ماتقدر تتكلم او تصارخ علي او تسمعني اذا شكيت لها من تصرف اختي تروح تعلمها والعكس تفتن بيني وبين اختي اللي هنا معااي وصرنا نجامل بعض من الكلام اللي وصلنا وهي ماتدري وانا مادري وهي
عشانها ساكنه بنفس ديره اهلي تحارش بيننا المفروض تكون محضر خير لانها اختنا الكبيره لكن للاسف..
هي واللي اصغر مني هذي اللي معاي بنفس الديره وربي بس يحتاجوني يحصلوني جنبهم وماقصر من قلبي اعطيهم واخلص لهم بالشي.. وربي نفسيتي تعبانه واختي الثالثه مو حولي طول وقتها للنت واخر همها تسمعني لكن لو بغت شي على طول عندي ..صرت امل منهم واحسهم انانيات وومصالحهم اهم..نفسي احتاج وحده احصلها جنبي وترد لي لو شي من جمايلي لهم..يعني حنا خوات اذا الوحده ماحنت على اختها متى بتحن واحنا بنعيش في الدنيا مرره وحده وش نبي ببعض اذا كل وحده تدور مصلحتها من اختها ..!!!
المهم سالفتي الحين اختي هذي اللي اصغر مني وزوجها الموضوع ومافيه من اول ماتزوجت وهي تصرفني وهي زوجها اذا طلبت اختي تجي تسليني تعرفون طول حياتي بالبيت ماطلع لاصديقات ولااهل ولاجيران ولاخوات وزوجي يداوم ماصرت اعرف الاربعاء من السبت ..يعني اطلبها تسليني او ترفه عني وتونس وحشتي وووحدتي حتى عيالي كله يسالوني خالتي بتجي طول مايصحون من النوم صاروا يملون ماعندهم احد ولايطلعون مايعرفون الا خالتهم وعلى كذا ماتدري عنهم..
السالفه المهم بكل الموضوع هي هالحركه السخيفه لها الحين 8 سنوات تسويها فيني وكم مرره كلمتها على هالموضوع وان هالشي يجرحني وترجع تعيدها وهي كل ماطلبتها تجيني او سالتها بتجين تقول بكلم زوجي وتلطعني ساعات ويوم عند السماعه وتتصل تقول لا مابجي لاخلتني اطلع ولاخلتني ارتاح على اعصابي واليوم نفس الشي سوتها فيني كلمتني وخلتني اتحمس وفرحاانه ورتبت بيتي وهاوشت عيالي يساعدوني واخر شي تتصل تقول ماني جايه زوجي قالي كذا وكذا رغم اني جاهزه ومستعده بجيك بصرااحه بكيت حسيت اني انغبنت ويلعبون بمشاعري وهي تعرف ظروفي وتعرف ان هالحركه ماتقبلها ..وحسيت زوجه يعاقبني لان دائم يسونها فيني والمشكله تقول لاخلاص ماراح اسويها واعرف الحركه تقهر وزوجي وزوجي
سبحان الله زوجها اهله كل شي لو يطلع لخواته اخر الليل مايقوولهم شي واختي ماتقصر على اهله ..! وتتمشى معاهم ولامره قالت بكلم اختي تجي معانا تغير جو مسكينه ملت من البيت كانها معاهم ضدي..!
لكن انا لو اقولها تعالي جتني نوبه ربو واحتاجك وربي تقولي زوجي وزوجي ونفس الشي مارضى تخيلوا مره جتني ولاده باخر عيالي واحتجتها وانا اطلق وعيالي ماعندهم احد قالت بكلمك من الساعه 2 الظهر ولاردت الا4 العصر يوم سالتها بتجين خلص مافيني اتحمل قالت انتظري بجي واخر شي الساعه 6 المغرب جتني طلقه قويه حسيت بولد وتركتها عرفت انها ماراح تجي بس كانت اكثر الوقت تسكتني عشان مازعل بوقت ولاده وطلق ورحت للمستشفى تخيلوا لو جلست نص ساعه او ربع ساعه زيااده كان ولدت بالبيت .!!!
طلع زوجها قالها ياخي انتوا الحريم تبالغون وتكبرون الامور قولي لها تروح المستشفى وخلاص..وهي يوم سقطت مرتين جيتها وحضنتها ونمت عندها وخليت زوجي عشانها و اخر شي راحت تنام عنده وخلتني ولازعلت قلت من حقها يعني انا احن عليهم وهم قاسيات وكل ماكلمها بالمواضيع هذي ردها اعذار شدعوه والله وكيف ومايصير..!! تبرر لنفسها كثير ..مليت منها واليوم احتجتها بالمرررره ونفس الشي هذا ردها رغم قبل شهر قالت اعرف ان الحركه تقهر وبصراحه تزعل وقامت تبرر وتسب بزوجها وخلاص انا مكلمته ومتزاعلين عشاني قلت ايه صح متزاعله معاه عشاني وبكره بتروح استرااحه مع اهله عشان بنتهم جات مع زوجها من ديره ثانيه شوفوا كيف يعامل اهله رغم انه يكره اخته بس عشان لراح لهم يبات عندهم سكن يعني..واحنا قرايبه ويقول اختك دايم هنا مو طايره طيب في فرق انا بامس الحاجه لها ومسوي يعرف الحق ويصلي ويصوم ويصل رحمه الظاهر انا من الشارع ..!! والمشكله ماتشوفها الا مره او مرتين كل شهر واحيان تمر 3 شهور ماشوفها وهذا احنا قريبين من بعض.!
كرهته وحقدت عليه ودعيت عليه من القهر لان مو اول مره يسويها فيني ...واختي تساعده برده فعلها تحلف اني ماكلمه واني ازعل لكن يزوجها يعرف لها يقول تسوي تحب اختها وهي بتروح الاسترااحه مع اهلي ..تخيلوا قلت لها بعد الحين بتروحين الاسترااحه معاهم رغم اللي سوااها فيني ..
كيف تقولين زعلانه وهذاك بكره بتروحين معاهم بيقوول بخاطره نصاابه بس تسوي تحب اختها وعند الطلعات تطلع واخر همها اختها قلت لها هالكلام ارتبكت وقامت تصرف تقول بروح معاهم عشان نفسي اتسلى يعني وانا ومشاعري والحركه اللي سويتها فيني يعني اخر همك مشاعري وتسوين نفسك انك معاااي وزعلانه عشاني ومهتمه تنااااااقض..!!!!!!!!!!
وربي تعبانه منهم وكرهت الطلعه من البيت صرت انطؤائيه بعد ماكنت اجتمااعيه صرت كسوله بعد ماكنت نشيطه صرت حزينه بعد ماكنت مرحه صرت مهمله بعد ماكنت مكافحه ماعاد لي خلق شي..وحتى اهملت نفسي وعيالي ..
ليه احتاج الناس ليه ليه ..:44:
الله لايجعلني بيوم احتاج الناس يارب لاتجعلني احتاج لاحد الا لك يارب ..
سامحوني طولتها لكن محتاجه افضفض واحد يسمعني اسمع للكل محد يسمعني مالي غيركم بعد الله حاسه اني مخنوقه وفيني العبره ..
سكوتي اتعبني ,,! @skoty_ataabny_1
عضوة جديدة
يلزم عليك تسجيل الدخول أولًا لكتابة تعليق.
سكوتي اتعبني ,,!
•
تكفون دعواتكم لي بان الله يفرج همي ويسخر لي عباده الطيبين ويقضي ديننا وننقل عند اهلي ويشرح لي صدري ويهون علي بغربتي ويانس وحشتي انا وعيالي..:(
ياقلبي تصير كثيرا عندنا الله يعينك والله انا زيد محد يجيني وهم اكثر من عيالة وحدة فيالمدينة بس كل واحد نفسي نفسي
الله يكون بعونك وربي يصلحلك اولادك ليش ماتحتكين بجارات احسلك بالحي الي انتي فية وادعي ربي ربي يرزقك بالجارة الطيبة الي تتزاورون لمل تكوني فاضية وزوجك ماهو فية واذعلئ خواتك كلن وضروفها الي ماتقدر اعذريها ورحيلها اهم شي استقبالها لك يبين اذتبيك اولا اواشغلي نفسك انك تسجلين بحلقات حفظ القران وين اهل زوجك لاتقاطعينهم مرة تري مو زين لايدخل الجنة قاطع رحم انصحك كوني صداقة مع جارتك والله يسرلك امورك
يابنت الحلال اهتمي بنفسك وزوجك وعيالك وانسي موضوع اختك خلااااااص اعتبري نفسك ماعندك اخت لو فيها خير كان قدرت على زوجها لكن هي مستسلمه وعاجبها الوضع كذا ان جا منها خير فأهلا وسهلا لكن انسي انك تطلبين منها شي خلاص خلاص
الصفحة الأخيرة