زوجي مايطلعني .../قديم

الأسرة والمجتمع

السلام عليكم ورحمة الله وبركاته ...


بنات ابيكم تساعدوني وصدقوني راح ادعي لكم بالخير والصلاح

انا بنت عمري 18 سنه متزوجه من سنه تقريبا والحمد لله عندي ولد وانا احب زوجي وزوجي يحبني بس عندي مشكله بنات انا زوجي ابدا مايحب يطلع من البيت ولايحب يطلعني مكان الابعد مابكي واترجاه اول زواجي ماكنت اهتم بالطلعه على اساس اني لسئ عروس ابي اشبع فيه وكنت بصراحه طفشانه من الاسواق والطلعات حقت الجهاز ماقبل الزواج والكل يعرفها ومر فيها
بس بعدين لاحظت ان زوجي مايحب يخرج من البيت يعني الدوام ويرجع ينام للعشاء ويقوم ويجلس على التلفزيون ويرجع ينام بس هاذي او يروح البقاله او المغسله يعني اشياء بسيطه

تناقشنا في الموضوع وقال اشلون تبيني اطلعك ايام الاسبوع انا ماصدق ارجع من الدوام مهدود حيلي وتبين تخرجين بعد قلتلهه طيب يوم الخميس قال اوكي مافي اي مشاكل :39:وصرت اطلع الخميس لازم انا الي اذكره بطلعه واحيانا يابنات نطلع ويجلس سااااكت وزعلان من ايش مادري :44:والله ماني مقصره معاه بشي والله العالم بس خاطري يتغير حتى السوق ينزلني وهوه زعلان يبينا نطلع تتخيلون بنات مره نزلني السوق ووقف عند محل السواني وقال يالله انزل اشتري قلتله من هنا ؟قال ايه يالله بسرعه ونزلت ووقفت عنند بلوزه ب600ريال وقال يالله بسرعه اعجبتك قلتله ايه بس شوف سعرها قال خلاااااص يالله جيبيها خلينا نحاسب عليها مع ان وضعنا المادي الحمدلله ميسور بس مو معناتها اشتري بلوزه اقل من عاااااديه بهلمبلغ بس من كثر ماكان متضايق اني نزلته السوق ...مايحب يطلعني يابنات حتى عند صديقاتي مايوديني ولاعند عماتي ولاخالاتي ولاأحد الا بعد ماأبكي ....والله اني احبه وهو انسان كريم وماعمره بخل علي بشي حتى صديقاتي لما يجو عندي البيت يروح يشتري اغراااض كثييييره يقول مابيك تتفشلين قدامهم ويحبني بس مايطلعني مكان ...وهوه يحب يطلع خصوصي مع اخوانه يروح ويجي بس مايحب يطلعني ......

ساعدوني وانصحوني انا تهاوشت معه امس وقلتله انا خلاص افكر اتطلق منك وراح تخسرني بهلاسلوب حقك انا ماستاهل تعاملني كذا وللحين مانتكلم مع بعض انا مافكر اتطلق بس ابه يخاف ويحس على دمه ويخرجني زي خلق الله ...حتى في نفاستي قلتله مابيك تجبلي هديه ولا شي ابك توديني الراشد واروح اكل في المطعم الي كنا ناكل فيه انا واهلي بس ....بنات انا ابوي مطوع بس والله ماعمره حرمنا من الطلعه كان يودينا كل مكان :44:انا مابي اخسر زوجي وولدي بس ابيكم تنصحوني
وشكـــرا
47
47K

هذا الموضوع مغلق.

دلوعة وغنوجة زوجها
يسعدني اول وحدة ارد عليك ياحياتي فديتك وربي ماتنلامين انا من رايي ان زوجك اتوقع عندة مشكلة انة مايحب يطلع اطلعي مع اهلك ان كان زوجك مايبي يطلع انا اغلب طلعاتي مع اهلي انا متزوجة زوجي مايحب يطلع مجمعات وحركات قولي له انك تطلعين مع اهلك وشوفي وش يقول
رفيقه الطير المهاج
انا زيك صارلي ثلاث سنين وحاولت بس مافي فايده بالخير اقتنعت وصرت اطلع مع اهلي مليت وكيفه هو مو لازم لاطفش قالي يلا نطلع يعني يوم بالسنه وسعي صدرك بس ترا الطلعه مو كل شي يكفي انه يحبك والله يخليكم لبعض
اماني حلوه
اماني حلوه
اطلعي مع اهلك ياقمر ولاتنكدي علا عمرك
ميما 13_6
ميما 13_6
حبيبتي انتي اول عمرك وباقي الحياه قدامك يعني هزك هالموقف

توك وتو خيرك لا تغثينه وصدقيني مع الايااااام بتنحل الاموررر ولا تكثرين الزن تمسكني لين تتمكني
مداد الطيف
مداد الطيف
اغلب الرجال مايحبون الطلعات والروحات قولي له بروح ويا اهلي او سافري معه في الإجازة خارج المملكة وهذي تكفي اوالتحقي بدورات