وش ذنبي ...امانه مو حرام اللي قاعد يصير؟؟

شهوده بنت صغيرونه :

حبيبتي انتي :) أولا يا الغالية أنا بالنسبة لي الأنثى ما تستخدم الألفاظ اللي أنتي كاتبتها وأنا أقسم بالله ما أستخدمها لأني أتقزز منها أحسها كلمات لبنات مو مثلنا احنا أنا وانتي وبنات حواء اللي متربين في بيوت محترمه يا الغالية :) ثانيا لا تحرقين قلبج وتعيشين نفسج بهم ونكد وأهي مستانسة مع ريلج وعايشة قصة حب خيالية ومستمتعه بالحياة اللي المفروض انتي تستمتعين فيها ... حبيبتي بطلب منج طلب مادري بتنفذينه أو لا بس ما أبيج تفتشين ورى زوجج حتى لو شفتيه يكلم جدامج لا تفتشين ولا تحرقين قلبج دامه لي الحين محترمج وما كلم جدامج لأن في بعض الأزواج تطفيشا لحريمهم يكلمون جدامهم وماتقدر المسكينه تتكلم .. انتي بالمره الأولى شفتيه اخترع وارتبك باجر يا الغالية بيقوول اي أكلم واعلى ما في خيلج اركبيه فخلج ذكية ولا تتكلمين معاه ... انتي عرفتي انه يكلم واهو عرف انه انتي عرفتي لي اهني اوكي نوقف ... شتسوين عيشي حياتج كأنه مو موجود أهو ماراح يدري شسالفتج بس أنا أقولج عيشي وكأنج مو متزوجه يعني كوني مرررحه كلمي بالتليفون جدامه وانتي تضحكين ورااايقة قعدي عالتي في وتابعي برنامج أو مسلسل وجدامج الكوفي وأحلى روقاان وطبعا شكلج يكووون رائع لج مو له ... عزمي منو ماتبين في بيتج وان كنتي تقدرين تطلعين استأذني منه قولي أنا بروح للمكان الفلاني ممكن مع ابتسامه كأنج تتستأذنين أبوج طبعا بدلع هالشي اللي تسوينه .. اهو لا تخلينه يقرب لج او يتكلم معاج وان حاول قولي اووو نسيت برنامجي بروح اتابعه او اوو وراي بدكير مناكير بحطها لاتقولين وراي طبيخ ونفيخ لا خلج مدلعه نفسج جدامه ومن وراه بالسريع سوي شغل بيتج من غير ما يحس .. طلب الغدا او العشااا سووووري نسيييييت واذا عصب قولي بعد فترررره طبعااا يعني يومين ثلاااث على هالحااال اذا قااال شنووو ليش ماتطبخين ولا تسوين قولي خل حبيبتك تسويلك لما كنت حبيبتك كنت بشيلك من الأرض علشان راااحتك بس انت اخترت غيري وأنا اخترت نفسي مع ابتسااااااامه وروحي وخليييه لاتخلينه يشووووفج محترقه اعصااابج لأن لو شااافج جذيه راااح يزيد - وانتي عاااد لعبي بأعصااابه وراااح تستانسييين صدقيني خليهاا مثل اللعبه ومثل أفلام الابيض والأسود اللي تحاااول تطيح فيهااا حبيبهااا مثلي الدلع مثلي الحب مثلي الذرابه والاسلوب حتى تتقنينهااا واهو اخررر اخررر اخررر اهتماماتج راااح يلحق وراااج والله مجرررربه والله المهم لما يبي يصفي الأجوااء تمنعي مره وثنتين وثلاث واذا خلاص طلبي رضااااوه على فعلته وقولي هالمره سماااح لأن الله غفار لعبيده بس المره الثانية راااح تخسرني وان خسرتني ترى ماااراااح تلاقي بهالدنياا مثلي وظلي رفعي بنفسج جدااامه لحد ما يحس انه انتي شي وااااو :) أتمنى استفدتي من هالنصيحه اللي عالسريع قاعده أكتبهااا بس حبيت أفيدج وصدقيني ان طبقتيهااا أنتي الربحااانه لأني خليت أختي تطبقهااا زوجها دخل على أمي وزوجهااا ترى شااايف نفسه بس دخل على أمي يقووول تكفيييين خليهاا تكلمني لدرجة أمي استااانست وقالت لي برااافو عليج وعاد الدور الباقي عليييج يا الذكية :)

حبيبتي انتي :) أولا يا الغالية أنا بالنسبة لي الأنثى ما تستخدم الألفاظ اللي أنتي كاتبتها وأنا...