انا كانت عندي ورحت وكنسلتها بعد ماطحت بالديون بسببها
نصييييييييييييييييييييييييييييحه اتركيها والله اني ندمت
بتصيرين متهاونه كثير وبتسحبين لحد ماتستنفذين المبلغ ولا جاء الراتب الثاني شوي الا رايح نصه لفيزا وترجعين نص الشهر تسلفين من فيزا وهكذا لحد مايضيع وقتك وانتي بااسلاف
تراها طُعم من بنك الراجحي وعلى فكره انا ماطلعتها هم اتصلوا علي وقالو انتي من المرشحين لمكافئة البنك لك لانك عميله قديمه عندنا وانا لي 3 سنين بس ورح نعطيك بطاقة فيزا وانا مثل الخبله فرحت فيها ووصلوها لي لحد باب البيت عن طريق اراميكس بطاقتين وحده انترنت بـ500ريال
والثانيه بـ 2800ريال رصيد عامه تسحبين او تحاسبين عن طريق الشبكه الموجوده بالمكان اللي رحتي له سواء مستوصف او محل او مول
تخيلي جلست سنه وانا بوضع مزري راتبي يروح كله تسديد لفيزا وصرت مرررره اصرف بشكل كبيييير لأن فيزا موسعه عيني ومطمعتني احسها مثل التنويم المغناطيسي ياخذك ماتحسين
وبعدها اتصلوا علي قالوا حابه ترفعين المبلغ عاااادي لأن راتبك زاااااااااااد شوفي كيف التركيز على الراتب وقوة التسويق واستغلال الاوادم
قلت لا فكوني منها قالوا لا لازم تراجعين الفرع
قلت الله يالدنيا لماكانت المصلحه لكم مو لازم اراجع الفرع وجاتني لحد باب البيت ولما جاء قطع فايدتكم منها قلتوا لا لازم الفرع واروح لهم وواعدوني واكتشفت انها ماالتغت ويروح اخوي لواحد الله يجزاه خير بقسم الاسهم في فرع الرجال وقال ترى مايلغونها بسهوله لانه مو من مصلحتهم المهم ساعدنا والغيناها
والله انهم جلسوا كم شهر يسحبون وكل ماقلت ليه قالوا مبالغ عليكم من زمان من فيزا مابعد استوفينا حقنا وهو كله استغلااااااال
نصييييييييييييييييييييييييييحه ابعدي والله ان تتعبين منهم :(

وعلى فكره اذا تبين تسحبينها منها كاش ترى من نفس صرافة البنك ياخذون عموله مدري رسوم سحب 14 ريال ومن صرافه ثانيه 24 ريال
وماادري عن حكمها ؟؟؟؟

أنا أشوف انها زينه للي يسافرون خارج المملكه خاصه الراجحي لأنها سهله في مشاكل واستبدال العملات والشراء وماشابه ذلك ..

بل هي طعم من البنوك كلها وليست الرجحي فقط ،

نصيحة جمية حقا ..

الابتعاد عنها مكسب عظيم .

يعني فيه نسبة لهم 3% ؟
اخاف ذي النسبة ربا !






طيب الي يشترون من النت وش يسوون ؟