الشيخ قالي فيك نفس قديمه ...تعالـــــــــــوا

السلام عليكم ورحمة الله وبركاته
مدري اذا هالقسم مناسب لطرح مشكلتي او لا .....:)
اتمنى انكم تساعدوني بمشكلتي
قبل اسبوع رحت لشيخ انا وزوجي علشان يرقيني وهذي اول مره بحياتي اروح لشيخ لان عندي اجهاض متكرر عندي ولد واحد و3 مرات اجهضت بعمر شهرين سبحان الله من يكمل شهرين يتوقف نمووه واجهض وتحاليلي سليمه
المهم رحت للشيخ وقرا علينا انا وزوجي الحمدلله ماحسيت بشي بالعكس كنت طبيعيه بس حسيت ان اطراف اصابعي باااارده بالمره وسالني وش تحسين فيه قلت له اطراف اصابعي بااارده قالي فيك نفس قديمه
قالي فيك قالون قلت ايووه قالي فيك غازات بالبطن قلت ايووه قالي فيك التهاب بالمعده وحرقان قلت ايوووه وطبعا هذا كله من زمااان فيني قالي ايه هذي اعراضها
والحمدلله ماتحتاجين قرايه مرة ثانيه لان النفس بتروح بس قالي استعملي العلاج كويس وعطاني مويه وعسل نوعين واحد للصباح واحد بالليل استخدمه وعطاني عود وقالي اطحنيه وحطيه بزيت زيتون وتدهني فيه كل ليله وعطاني عزايم وقالي استمري اشربي منها طول اليوم ورشي على نفسك وقالي اذا حملتي تعالي اعطيك عسل خاص بالحمل
ايه صح نسيت وقالي اول ماتوصلين البيت تسبحي بالمويه المقري فيها وراح تحسين بشوية تعب اعرفي ان النفس اللي فيك راحت
وقالي لاتصدقين كلام الحريم يقولون تابعه ولا قرينه هذا كله كذب :401:

الزبده من هالكلام كله
انا متابعه العلاج وتسبحت بالمويه بس ماحسيت بشي :44:
بالعكس اكثر شي جذبني انو كثرت مشاكلي مع زوجي على اتفه شي مالسبب؟؟؟؟:09:
واليوم جتني الدوره عادي استخدم العلاج واشرب المويه والعزايم ولا اوقف ؟؟؟
هل احتاج رقيه مره ثانيه ولا لا ؟؟
هل الاعراض اللي حسيت فيها هي نفس ؟؟
والشيخ اللي رحت له اسمه وليد الخميس ابو زيااد احد يعرفه ولا لا ؟؟لاني رحت له ناس ثقه دلوني عليه ...


ومشكووورين وجزاكم الله الف خير
ودعواتي لكل وحده ترد علي