بسم الله الرحمن الرحيم
السلام عليكم ورحمة الله وبركاته ..
بدأت موضوعي بتحية اهل الجنه
جعلنا الله وأياكم منهم مع رسولنا الكريم صلى الله عليه وسلم وأصحابه الكرام وزوجاته الطاهرات رضوان الله عليهم اجمعين وأحبتنا
اللهم أرزقني الفرح والسعاده والصحه والعافيه وأحفظ لي اولادي وزوجي وأمي الغاليه وجميع أحبتي وجميع المسلمين..
اللهم أشفى مرضى المسلمين وأرحم موتاهم واغفر لهم .
اللهم أرزق كل محتاج وفرج هم كل مكروب وادخل السعاده في قلب كل تعيس وحزين
اللهم أني أشكرك وأحمد على العطاء والأبتلاء حمدا كثيرا مباركا ..حتى ترضى وبعد الرضى..
اللهم أني أستغفرك صباحا ومساء..فاغفر لي واجعلني وزوجي من التوابين والصالحين.
وأصلح لي ذريتي ذريتة المسلمين..
اللهم اجعل أعمالنا خالصه لوجهك الكريم.
اللهم أنصر سوريا وثبت أقدامهم وأنصرهم بنصرك القريب ..اللهم أرحم موتاهم وأربط على قلوب أحيائهم
اللهم بث الرعب في قلوب أعدائك ..وأجعلهم عبرة لغيرهم وأذلهم وأخزهم بالدنيا والأخره..يارب ياكريم..
حبيباتي ..مقدمة بدعاء جميل من الحرم ..جميل ومؤثر..
WIDTH=400 HEIGHT=350
اللهـــم أميــــن يارب العالمـــــين..
كــ العادة حبيباتي..عضوات قسم المغتربات ..أكون مجهزه نفسي لموضوع ترتيبات السفر ..
من ...وإلى ..!!
وراح أبداء ببعض الصور من تصويري من السفرات الماضيه ..لرحلتي أنا وعائلتي الكريمه للعوده لأرض الوطن الغالي
يالبيه يالأخضر ..متى ادخل مطار الملك خالد
رحلات سابقه متعدده ومتفرقه من عام 2010 الى 2011..>>طبعا مايحلى الموضوع الأ بتصوير شخصي صح؟
مطار اندياناآبلس..2011
عربية أولادي لشخصين..مع الشنط..سنة2010..
فندق شيكاغو جنب المطار..
الليله الي كنا فيها بالفندق كان فيه أحتفال تنكري والكل متنكر..
لما نزلنا ثاني يوم نستنى باص الفندق عشان نمشي للمطار
جاو شلة يفكروني متنكره مثلهم >>أبو الفشله ..
يبون يصورون معاي بالأخير انتبهو لشنط والعفش الي معنا عن جد موقف مضحك ..وأعتذرو
رجاء حبوبات بدون ردود حتى الانتهاء الموضوع طويل وللأفاده ..
رحلتي بأذن الله إلى السعوديه أرض الحرمين وبلد المسلمين..
ترتيبات معينه راح اعملها قبل السفر بأسبوعين ..وراح أحط صور بأذن الله لكل خطواتي ..
تنظيف البيت تنظيف عميق جداً
تفريغ مستودع الأكل ..الزائد تبرع فيه إلى المسجد ..
البهارات أيضاً>>>>> والي تحتاج بهارات يابنات أرسل لها عندي كميه كبيره ..
طبعا متفقين مع صاحب البيت يجي يشيك على البيت أسبوعياً ..ويهتم بالحديقه ....
تسديد كل الفواتير..وأنتهاء من كل الألتزامات ..والخ...
هذي مبدائيا ماعملتها راح اعملها بالصور لكم ..
بتكلم الأن على بعض الامور لأفادة الأخوات في المطارات وفي الطياره..سواء مع بيبي مولود أو مع أطفال ..
..
قياس ومعرفة وزن الشنطه ..أهم شي تعملوووونه قبل التوجه للمطار ..عشان ماتضطرون تدفعون زياده
..
الحجز:
حبيباتي ممكن تكلمون الخطوط الي بتحجزون معاهم وتخبرونهم ان معكم بيبي صغير يحتاج مكان السرير في الطياره
وراح يوفرون لكم المكان والسرير..
ممكان أختيار مكان معين ..مثلاً جنب الشباك ..أو جنب دورات المياه تكرمون عشان الاطفال ..
أذا خطوط اجنبيه يوفرون لكم وجبات معينه للمسلمين ..
بدون مايقدمون لكم بورك وغيره..الاهم عند الحجز أخبارهم باالأمر ..
تعالو نجهز اغراض البيبي الصغير تحت عمر ال1 سنه ..
في هالعمر يحتاج لبس دافيء لبرودة الطيارات ..
أذا كان متعلق بالمصاصه جيبي له تعليقتها أحسن لك من أي طواريء تصير لك برميها او بفقدها
أكياس للبامبرز ..صغيرة الحجم متوفره في كل مكان ..وسعرها رخيص فيها حبات كثيره ..
لعبته المفضله يتسلى فيها
شنطه وترمس للطفل..
وللاهميه:
الترمس بالتفتيش راح يتم رمي الماء الدافيء وهذي أجراءتهم ..ممكن بعد التفتيش تطلبين من المقاهي الموجود والمطاعم يوفرون لك ماء دافيء ..
وبالطياره نفس الشي أطلبيهم ماء للبيبي..
بعض الشنط مايجي معها ستيشن ..أشتريها أريح لطفلك وأنظف ..
وفيه أنواع كثيره مثل هذي تحتفظ بالبامبرز والمناديل والمعقم
نصائح لطفل الصغير الرضيع:
عند الأقلاع والهبوط اعطيه رضعه يشربها سواء حليب او ماء عشان أذنه ..
لو بكى كثير وتعب لاقدر الله..تحملي لانه مو متعود على الأرتفاع والضغط ..طبطبي على ظهره وأمسحي بيدك عليه فوق تحت على الظهر
كذا تريحه الطريقه ويخرج الهواء في جسمه من الحليب الزائد..
..
لاتعطينها حليب كل شوووي وتملين بطنه بالأخير يتعب ويستفرغ ..
نظمي وقت الرضعه كل ساعتين الى 3 ساعات ..
الطفل بالعمر الصغير بيكون نائم اغلب الرحله ..وأن شاءلله يرتاح ولا يتعب..