قصة @ks_1

عضوة نشيطة

شو رايكم في اللي حصل معاي،، وظنكم كيف أتصرف؟؟

السلام عليكم بنات ،،

أبا أقول لكم على شي حصل معاي وأبا رايكم ونصايحكم ،،

أنا عرسي عقب اسبوعين،، وعرس بنت عم ريلي قبلي بأسبوع يعني الاسبوع الياي،، وقبل عرسي بيوم بيكون في حفلة في قاعة اللي هي حفلة الحنا،،
أمس سرت ويا أمي تبا تاخذ لها جلابية من محل دوم نتعامل معاه،، وأنا مفصلة فستان الحنة عندهم ،،
الزبدة إني حصلت نفس بدلتي وبنفس اللون بالضبط،، وقال لي راعي المحل لأنه يعرفنا ويعرف أهل ريلي وعمومه،، سألني تعرفين هذا الفستان لمنو؟؟ أنا توقعت انه للعروس اللي قبلي اللي هي بنت عم زوجي فابتسمت وقلت له لها؟؟
قال لي هذا لأختها :(
تخيلوا الفستان اللي بلبسه لحفلة حنتي ،، أخت العروس اللي قبلي بأسبوع وهي بنت عم زوجي بتلبس نفسه في حفلة أختها :( والمعازيم تراهم كلهم نفسهم يعني اللي بيحضرون عرس بنت عمه بيحضرون عرسي ،، وبيشوفون ان فستاني نفس فستان أخت العروس :(
لو كان عرسي وحفلة الحنة قبل ما كنت بتضايق ،، ولو كانت العروس هي اللي بتلبسه بعد ما كنت بتضايق والله ،، بس هي جي بتحرق كل شي أنها مب العروس وأنا العروس :(
يمكن في بنات يتحروني تافه لكن لو اتحطون نفسكم بدالي والله بتحسون بالقهر اللي احسه ،، والمشكلة ان مول ما عندي وقت افصل غيره ،، هذا غير الخساير يعني أنا مفصلتنه بسعر غالي :(

شو تنصحوني بنات والله محتاجة للنصيحة :( لأاني واااايد متضايقة صدق :(

يلزم عليك تسجيل الدخول أولًا لكتابة تعليق.

تسجيل دخول

BENT NASS • 17 سنة

والله من جد الله يعينك
بس انا عندي حل
استلفي من وحده يكون ذوقها حلو او استاجري

ولبسك بيعيه
من وجهة نظري
الله يوفقك

قصة • 17 سنة

BENT NASS :

والله من جد الله يعينك بس انا عندي حل استلفي من وحده يكون ذوقها حلو او استاجري ولبسك بيعيه من وجهة نظري الله يوفقك

والله من جد الله يعينك بس انا عندي حل استلفي من وحده يكون ذوقها حلو او استاجري ولبسك...

انا ما احب استلف من حد
فكرت أأجر بس وين المحل اللي عندهم طلبي وبسعر زين :(
والله قهر انا مخسرة هالكثر عشان البسه واتحرا عمري مسوية شي يديد :( وآخرتها يحرقون علي كل شي :(

مشكورة على مرورج :(

ثلوج جبال الألب • 17 سنة

الله يكون في عونك
حاولي تروحين وتلفين الاسواق لف الين تحصلين

اسرارالجمال • 17 سنة

ثلوج جبال الألب :

الله يكون في عونك حاولي تروحين وتلفين الاسواق لف الين تحصلين

الله يكون في عونك حاولي تروحين وتلفين الاسواق لف الين تحصلين

شوفي ياقلبي روحي سوق سلام مول اذا تعرفيه راحت لهم قبل اسبوعين وفي الدور الارضي محل ماركه يبيه جابيات خيااال ومسوي تخفيض فيه جلبيه مرره حلوه سعره كان ب500 صارت ب200بس الجلبيه هذي رخيصه لاني ابيها لعمتي هديه وهي ماتحب الشك واااجد انتي روحي واختاري ان شاء الله تلقين اللي يعجبك واتوقع ان المحل يتكلف بتعديل بس انا مو متاكده ان شاءالله يعجبك مريهم وشوفي

MeMoiMe • 17 سنة

هييه والله موقف صعب؟
بس ليش ما ترمسين البنت الي بتلبسه يمكن تتفهم - وبعدين هي امرها اهون عنج انتي!!
يعني انتي عروس وصعبة تلاقين لج شي - بس هي اخت العروس تقدر تحصل وبسهولة اي شي ثاني تلبسه !!

رمسيها ما بتخسرين شي .... وانشاءالله تتفهم الوضع هي