انا ولدي يسوي فيني جذي بعض الليالي يقعد يصارخ وما ادري شنو سالفته

اهو عمره شهرين ونص وانا اصلا مو مقمطته فالته

المهم صرت بالليل اذا جاته الحاله الهستيريه اعطي رضعه ماي غريب وادهن جسمه بزيت زيتون واقمطه عدل واقرا عليه قرأن وينام بس شي اكيد كل ساعتين راح يقعد عشان ياخذ الرضعه

وانتي المفروض تحسين فيه قبل لا يبدا الصراخ والله انا راسي عند راسه بس يبدا يطلع اصوات ويطق بشفايفه احس فيه واقوم اسوي الرضعه قبل لا اخلي يبجي ويصارخ ليش ان اذا تبطل ما راح يتصكر وتخيلو اهو ينام معاي انا وزوجي وما شاء الله على زوجي نايم بسابع نومه

الله يكون في عونج حبيبتي..

شوفي الغالية .. اذا الطبيب طمنج ان صحة الولد بخير واحواله كلها تمام .. فالبكاء في ظني هو دلع في دلع.

ولدي الله يحفظه ما تعبني وهو صغير لاني كنت احافظ على روتين معين قبل النوم .. يعني موعد معين للحليب وعقب السبوح وتبديل الثياب والقماط وعقب ينام في وقت محدد كل يوم .. عن نفسي كنت انومه كل يوم الساعة تسع .. وهالوقت كانت اخر رضعة ياخذها لين الصبح .. يعني اذا قام في الليل ما اعطيه حليب ابدا ابدا .. كنت اعطيه ينسون .. وهذه كانت نصيحة صديقتي قالت لي اذا الولد تعود على الحليب في الليل بيتم يقوم وما بيواصل رقاده.

بس عشان اكون صادقة .. لما كبر ولدي شوي وصار تقريبا ثمان او تسع شهور .. كان وايد يتعبني في رقاده .. تعرفين ليش؟؟؟

لأني كنت انط واركض عنده اول ما يقول (واء) .. لدرجة اني كنت ارقد على الأرض جنب سريره عشان حضرته ما كان يباني ابعد عنه وهو نايم .. لدرجة انه كان يحس فيني يوم اقوم حتى وهو نايم ويصيح عشان ارجع اقعد عنده .. ولما كان يزيد التعب علي كنت افك نفسي واخذه عندي في السرير عشان افتك واقدر ارقد ..... وهذي كانت اكبر غلطة سويتها في حقي وحق ولدي.

والحل؟؟؟؟؟؟...

الطناش .. الطناش .. الطناش.

خليته يصيح لين تعب بروحه وسكت ونام بعد ما فقد الأمل إني اقوم له مثل العادة .. طبعا النتيجة ما صارت من أول يوم .. أول ليلة تم يصيح ساعتين ونص .. وثاني ليلة ساعة الا ربع .. وثالث ليلة ثلث ساعة بس .. ورابع ليلة نام بروحه بدون مشاكل.

جربي .. بس لازم قلبج يكون قوي وما تضعفين يوم يصيح.

ولا تفكرين انج بتكونين قاسية عليه .. بالعكس هذا في مصلحته اولا واخيرا لأن نومه بيتعدل وبينام ساعات اكثر.

والله يوفقج

حبيبتى كان الله بعونك لازم تتحملى
ابنى مجننى اليوم بيخلص اربع شهور وانا ماانااااام مثلك والمشكله انو حتى فى النهار ماينام اكثر من نص ساعه
عموما كتبتلك هالكلام لاجل احسسك انو كلنا بالهوا سواء
واحمدى ربك ياقلبى انتى عندك شغاله تقدر تريحك شوي انا طول الليل سهر واصحى لبنتى وشغل بيتى من الساعه سبع ونص لان بنتى تصحينى بدرى
وربك المستعان

عن تجربتي ، طفلي ضل هيك حتى الأربع شهور، لو شو ما تعملي راح يضل يصحالك كل شوي .. و الحمد لله ، ابني هلأ صار عمره 8 أشهر و مع التسنين رجع متل السابق ، كل ساعتين أو ثلاث لازم يصحى !!!!!!!
الله يكون بعوننا جميييييييييييييييييييييييييييييييييييييييييييييييييييييعا

اول شي انصج تاخذين فيتامين بي كوملكس (بي المركب)عشان يخف عنج التوتر وتصيرين رايقه
وبعدين انصحج ترتبين رضعات البيبي يعني قبل النوم شربيه رضعتين حليب كل ساعه وبعدها عطيه سنوت (كمون)او عطيه بابونج صدقيني ماراح يقوم الا الساعه 5 الفجر انا سويت كذا مع ولدي وارتحت واذا قام اعطية كمون
سوي لك مرضاعه فيها كمون وحطيها في الجهاز اللي يسخن المراضيع واذا قام عطيه تحملي تعطينه حليب فالليل بعد كذا بيخترب نومه الحليب لين الساعه 12 وبعدها كمون والساعه 5 الفجر عطيه رضعه الله يهديه ويحميه ان شاء الله