حبيباتي
نقلت هالموضوع من من احد المنتديات لا ابتغي سوى الاجر من رب العالمين وان تدعون لي ان يرزقني الله بالحمل من حيث لا احتسب وان اكون واياكن اخواتي من حوامل شهر رمضان
واليكم الموضوع وهو يعطينا الامل وبقوه
صدقيني احنا عندنا مشكله في علاقتنا مع الله مو مع الناس
الناس اقدر ابتعد عنهم واصادق غيرهم وينتهي موضوعهم
مشكلتنا بنفسنا من كثر ما احنا شاغلين بالنا في كل شي بهالموضوع صرنا حساسين وابسط الاشياء تأثر فينا
وتجرحنا وتعذبنا
الله ما رحمنا???!! ... لا .. ربي سبحانه تأخر برزقه علينا بس يبي من كل وحده فينا تتقربله
مو تتقربين عشان الذريه .. والا الزوج ... والا مطالب الدنيا .... تتقربين له وحده بدووووووون شرط على الله
طيعيني انا كاني جدامج الي يعرف قصتي ممكن تسئلينه وانا باذن الله ودي اتفرغ واكتبها لعل وعسى تستفيد منها لو وحده
انا كنت بدعائي وبصلاتي وبصيامي كله تفكيري بالذريه 24 ساعه حتى قراتي القران كنت اقرى عشان الله يرزقني
بس هالرمضان سبحان الله تغيرت حيل صرت ما افكر الا بالنار وعذاب النار واشلون ابي انجى من الحساب والسؤال والصراط المستقيم وعذاب القبـــــــــــــر
نسسسسسسسسسسسسسسسسسسيت الدنيا والذريه ماراح تشفعلي وتقربت لربي حتى بين اهلي
خوالي وعمامي الي من زمان ما ادري عنهم دقيت عليهم والي قدرت ازوره زرته
نسيت الحممممممممل صرت اقول ياربي اهديني لكل ماتحب وترضى
تذكرت ان راتبي مافيها الا استقطاع خيري واحد ... رحت سويت استقطاع شامل لكل انواع الصدقات الجاريه ب 10دنانير شهري صرت امشي واوزع فلوس ربي الي عطاني اياها على كل من محتاج اشوفه
ختمت القران ومازلت اقراه الحمدلله لله وحده لالالالالا شريك له
واصلي جيام الليل حتى عقب رمضان لو 3 ركعات
قبل كان دعائي 80% منه بس للشفاء والحمل والذريه وامور دنيويه
صار 20% ما اقولج ما ادعي بس اكو امووور اهم عند ربي
(( النيــــــــه الخالصــــه للـــــــــــــــه وحــــــــده لا شريــــــــــك لــه )))
ولله الحمد نفسيتي وايد رتاحت وقمت ما اخلي موجب والا يمعه الا رحتها من قبل كنت قاطعتهم
وماقام يهمني حجي احد.. همي والوحيد رضا ربي عني
تاخرت دورتي ... بس هالمره بدون الم وبدت فيني اشوي لوعه الصبح وانا صايمه الست من شوال
ولله الحمد .... ربي ما خيب رجااااااااي يوم لجأت له خايفه من عقابه وعذابه
طلععععععععععععععت حامل ... عقب عذااااااااااب 6 سنين تلقيحات وطفل انبوب ودهانات ومراخات وكل شي سويت
ربي حبيبي ماقصر حملت طبيعي ...... ياااااااااااارب فضلك علي ما انساه بحياتي وروحي ونفسي وصحتي وذريتي ومماتي
يااااااااااارب مثل ما انعمت علي ... انعم على كل من دق بابك وطلب رجاك
صلاه الليل ... صلاه الليل ... صلاه الليل .. كل يوم لو 3 ركعات
هذا الســـــــــــــــــــــــــــر
سامحيني بس عورتي قلبي وكان لازم اقولج هالكلام لو جرحتج اسفه ...
انتي ادرى بنفسج ... ماكو احد كامل .. كلنا مقصرين عند الله شوفي تقصيرج وين وعدليه
والي عدلتيه ما يمنع تزيدين عليه يعني تصلين 3 ركعات اذا فيج شده خليهم اكثر
ماكو وحده فينا مو مقصره
خليتيني اكتب قصتي بموضوعج مع اني كان ودي اكتب موضوع مفصل خاص
... ربي العالم ما أبي الا الله ينفعكم بكلامي .... لان ربي نفعني فيه من كلام وحده قالته لي
..... ومابي الا الدعاء بالغيب
سوسه 2 @sosh_2_1
عضوة فعالة
يلزم عليك تسجيل الدخول أولًا لكتابة تعليق.
منوو}ْ~
•
اي والله
انا لما ادعي ادعي انه الله يهدين ويغفر ذنوبي ويرزقني لانه ذنوبنا اهي الي مأخره حملنا
انا لما ادعي ادعي انه الله يهدين ويغفر ذنوبي ويرزقني لانه ذنوبنا اهي الي مأخره حملنا
الصفحة الأخيرة
الله يجزاك خير والله صحيح كل همنا الناس الله المستعان
ادعوووووووووووووووولي بثبات اجنتي تكفففون اخووووووووووواتي