ابوي الي ما يحب الحلو أدمن على تشيز كيك اوريو الي سويتها..وبطريقة سهلة ورخيصة

قبل امس سويت عزومة لاهلي الله يحفظهم فقلت اجرب شيء جديد فاخترت تشيز كيك اوريو

والله بنفس اليوم سويتها مرتين وماشبعوا منها

مع ان ابوي ابدا ما يحب الكريمة يحب بس الحلويات الي فيها قطر مثل كنافة وفطاير


الحين ببدأ اكتب لكم الوصفة والصور بالمرفقات

تحيبي 20 حبة اوريو وتكسريهم حتى يصيروا مثل القهوة انا استخدمت خلاط البصل بسرعة تفتفوا
تاخدي منهم حصة عشان تضيفيهم بالخليط الكريمة وحصة للزينة على الوجه
اما الباقي تحطيهم بالبايركس وحبذا يكون دائري عشان وقت التقسيم وتضيفي 3 ملاعق زبدة او اكثر حسب الحاجة وتمزجيهم سوا وتضغطي على البسكويت حتى تتاكدي انك كونتي طبقة ثابته

االحين نيجي على خليط الكريمة هي
علبتين قشطة والافضل يكونوا بالثلاجة قبل وضعهم بالخلاط
تضيفي ماي بارد بمقدار علبة القشطة
10 حبات جبنة مثلثات استخدمت مراعي وترى ماله ضروره نوع معين او غالي كله نفس الطعم
4 باكيتات دريم ويب
واخلطيهم وضيفي البسكوت المفتت من الاوريو الي خليتي على جنب
وحركي بالملعقة مع الكريمة وصبي الخليط فوق طبقة البسكوت بالبايركس

اخر شيء ضيفي الاوريو المفتت على الوجه والافضل تكثري حتى يطلع شكله حلو

وخلاص حطي البايركس بالفريزر لساعتين وبعدين شيليه وحطيه بالثلاجة لوقت التقديم
قطعي القالب ل8 قطع واضيفي لكل قطعة صوص الهيرشي بطريقة حلوة


وصحة وهنا
واي سؤال انا حاضرة