انصحوني كيف اتعامل مع خطيبي

السلام عليكم
محتاجة نصائحكم ودعواتكم
خواتي انا مخطوبة يعني مملكة وزواجي لسة بعد سنة
وانا وخطيبي الحمدلله متفاهمين وامورنا تمام ونشوف بعض دائما وهو مايقصر علي بشي
لكن مشكلتي معاه اني دايما احس اني مو عاجبته !!
مع اني يابنات وبشهادة الجميع ماناقصني شي شهادة عالية وشكل الحمدلله
وخطبوني كثير قبله وسبحان الله لما خطبني الكل استغرب اني وافقت حتى انا نفسي بالبداية ترددت بس الحين حبيته وتعلقت فيه
لكن تعليقاته كثييير تجرحني وتعبت صرت من يروح ابكي واحس بالنقص
يعني مثلا لو شاف حبة بوجهي قالي ايش هالحبة بتترك اثر على وجهك
او ليش يدك مسمرة وليش شعرك اليوم باهت !!

جنني يابنات وشككني بنفسي
وان تكشخت له قالي لا انا احب السنمبل والبساطة
وان كنت سنمبل قالي ليش مو مكثرة ماكياج!!!!!!
عجزت افهمه ابي اعرف هو كل الرجال كذا ولا بس خطيبي ..

مع اني عاتبته قبل كذا وقلتله ان كنت ماني عاجبتك ماحد غاصبك وصارت بينا مشكلة
وحلفلي انه مايشوف احلى مني وانه ابدا ماينتقد بالعكس مايقصد انه يجرحني
وتوقعت بعدها انه خلاص فهم اني ازعل ومايقول كلام زي كذا!!!
لكن عادي لالحين ينتقد :44:

قولولي رح اضل طول عمري كذا معاه !!!