الغاليات هذي 'طريقه
لاصرت رايحة لسهرة او مناسبة كبيرة عشان ريحة العطرتلزززق وماتروح لوتسبحين
الطريقه منقوله من منتدى بس جربتها ومن جد النتيجه فتاكه
يلزمك عطر+طقمه كامل+بودرة مسك+تولة دهن عود أو دهن ورد
انا اول مرة سويتها يوم عرسي والنتيجة كانت فتاكة الريحة ضلت لثاني يوم لا وماسكة بزوجي بعد وبفراش السرير كم يوم
اول خطوة بتركيز جيبي صابونة العطر اللي جات معه (اذا ماعندك جيبي صابونة معطرة بالورد او المسك
وان لقيتي بالعود) لكن لاتطنشين الخطوة هذي ضرورية)
اقطعيها بسكين شرايح صغيرة .. فستان الزواج خذ مني 6_7 شرايح اما السهرة 3 شرايح تكفي وممكن 2
اذا كانت الصابونة حقت العطر
جيبي فستانك النظيف وافرديه على الأرض وحطي شريحة على الصدر :27:
وشريحة على اسفل الوسط وشريحة تحت...ثم اطوي الفستان على جنب بهدوووووء عشان
مايتعفس ويتجعد يعني اطبقي الجهة اليمين على اليسار
طبعا هالشغلة يلزمها شرطين اولا تكون الخطوة قبلها بليلة او على الأقل 10ساعات وثانيا يكون الفستان نظيف،
قبل المناسبة وقبل الميك اب وقبل السشوار طبعا بتتسبحين يالله الحين خذي الشرايح اللي بالفستان وارجعي اطبقيه
مثل ماكان عشان يحتفظ بالريحة وحطيها بصحن صغير فيه شوي ماي بحيث انه يغطيه
سبحي شعرك زين مازين افركي جسمك بالليفة زين مازين آخر خطوة تاخذين شرايح
الصابون اللي كانت مغمسة بالماي تجانست معه وصارت مثل المهلبية اوكيه الحين خذيها واغسلي فيها شعرك
ورقبتك وكفوفك ( أباطك لأ ) ورجولك اذا كان عندك حساسية انتبهي وانتي تغسلين شعرك انه ماينزل لوجهك
لاطلعتي تكون الخدامة او أي احد عندك بالبيت مجهز لك المبخرة حطي فيها كسرة
عود وخلي المبخرة تحتك وجيبي اللوشن تبع العطر وادهني جسمك كله الى اسفل رجولك
وبخري شعرك الى ان تحسين البشرة تشربت اللوشن، الحين جيبي بودرة المسك وامسحي كل جسمك بهاكل هذا
والمبخرة جنبك
يالله صلحي مكياجك وشعرك وادهني رقبتك واماكن النبض يالعود وقبل تلبسين الفستان عطري جسمك بعطرك
البسي الفستان ولاتعطرينه..خلي العطر عليه رتوش بعد ساعتين او اكثر شوي ولاتكثرين عشان ماتغطي على
ريحة العود والبخور
ملاحظة: فيه عطور معينة هي اللي تتجانس مع العود وتعطي ريحة تخبلللللل
لا تخافون الطريقة مرة سهلة بس الشرح اللي طويل :27:
منقوووول :)
Zho0or alylk @zho0or_alylk
عضوة فعالة
يلزم عليك تسجيل الدخول أولًا لكتابة تعليق.
المندوبة جمانة
•
مشكورة الف شكر
لالين
•
مشكورة أختي Zho0or alylk على هاي الفكرة الحلوة...بس ترى توقيعك مخالف عدليه بسرعة قبل ما يكتبولك مخالفة D:
الصفحة الأخيرة