السلام عليكم ورحمه الله وبركاته.
كيفكم يا صبايا.
اليوم حضرت محاضره لامرأه مشهوره في علم الاقتصاد والمال.
طبعا من زمان ما كتبت شي. وحبيت أشاركم في موضوع عن المال وكيفيه تنظيم أمورك الماليه.. راح أكتب أهم النقاط ألي ذكرتها.
أكيد في منكم العامله ألي عندها وظيفه، وفي ربه الأسره ألي ما تشتغل.
والا كل وحده ألا يكون عندها مصدر دخل. وهاد المهم. أنه يكون عندك مصدر دخل. سواء كان قليل أو كتير. المهم أنه عندك مصدر دخل.
أول نقطه حابه أحكيها هوه أنك ما لازم تصرفي وفق قدرتك. لا. لازم تعيشي أقل من قدرتك الماديه. يعني أنتي معك حق أحدث تلفون، ومعك حق أحدث أي باد. بس مو ضروري تضيعي كل مالك على هالاشياء. حتى لو بتقدري تمتلكيها. لأن لازم دائما يكون معك مبلغ احتياطي لأشياء تانيه. أشياء أهم وضروريه.
أنا ما بقول ما تشتري احتياجاتك، لا إشتري كل شي أنتي بحاجه أله. لكن وقفي عند الأشياء ألي أنتي مو بحاجه ألها.
اعطيكي مثال . تخيلي أنك نزل راتبك أو مثلا أخذتي مصروفك من أبوكي أو زوجك. واختك أخذت مصروفها.
أنتي رحتي شريتي لبس ماركه. من.... الى. وجهاز تابلت. وراح مصروفك أول ١٠ أيام من الشهر.
أختك راحت السوق وشرت بلوزه حلوه، واشياء تانيه. بسيطه وغير مكلفه.
صحيح أنتي لما تكوني في جمعه صبايا والكل يشوفك راح تنبسطي ويكون عندك شعور بالرضا أنك مش أقل من غيرك. لكن هالشعور مؤقت. بالعكس راح يعطيكي شعور سلبي لاحقا. هوه أنك مفلسه. وما معك المال الكافي لأشياء طارئه وضروريه في حياتك. أهم من هيك. لباقي الشهر ولا حتى لشهور لاحقه. بينما أختك ما زالت تمتلك المال ألي هيه ممكن تحتاجه.
ثانيا، دايما لازم تنظمي أنفاق مالك.
في ألمرتبه الأولى نفسك. ثانيا أطفالك أو أهلك إذا مو متزوجه. بعدين زوجك. أو بيتك. ودائما خصصي جزء من المال للصدقه.
المهم لازم الصدقه و تهتمي بنفسك أولا. حتى ما يجي يوم تندمي أنك اهملتي نفسك، عز نفسك تجدها. لازم تسعدي نفسك، حتى لو عندك أطفال ومسؤليات وزوج. أنتي أهم، لانه كلهم ممكن يجي يوم ويخذلوكي. ممكن تكوني آخر اهتماماتهم. فما راح تشعري بالندم لانك ما ظلمتي نفسك وقدمتي لنفسك حقها.
وأيضا لانك جمعتي من مالك، أكيد بتلاقي فلوسك ألي جمعتيها.
لانك مش حابه يجي يوم تنجبري فيه أنك تستلفي من حد.
ثالث نقطه هيه للي عندهم أطفال. أطفالك لما بتعطيهم مصروف. أيش الهدف منه؟
خصوصا إذا كان مش بحاجته. طيب ما أنتي مقدمه ألهم الحب والمسكن وكل شي. المصروف لازم يكون في مقابله شي. يعني لازم تخصصي ورقه تكتبي عليها الأعمال المفيده ألي بسويها أولادك حتى يستحقو مصروفهم. مثلا رتبو غرفتهم، أو ساعدوكي في الجلي وترتيب البيت. لازم تعلميهم أنهم يشتغلو حتى يحصلو على الشيء. لازم يقدمو مقابل مصروفهم. وهالاسلوب راح ينعكس على حياتهم مستقبلأ. حتى ما يكونو اتكاليين.
وفيه مثل زوجي دايما بحكيلي أياه. أعطي شخص سمكه حتى يأكلها، كل يوم راح يجي لعندك، لكن علميه يصطاد من البحر. بعيش باكتفاء طول عمره.
ورابع شي خلي دائما جزء من مالك احتياط للمستقبل البعيد جدا. لعثرات الزمن. ما حد بعرف شو بصير معه. أنا مو قصدي التشاؤم. لكن، ما حد بدوم، لا أهل ولا زوج. ما في شيء مضمون. ولا حتى بتضمني النفوس. الله لا يحوجنا لحد، ويغنينا بفضله عن جميع خلقه.
أعذروني على الأخطاء ان وجدت، ويمكن في أشياء أنا غفلت عنها. أو أراء أخرى. ويسعدني أنكم تكتبوها. أتمنى تكونو استفدتو.
yosra00 @yosra00
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
بصراحه انا استخدمته وعاجبني واعرف مصاريفي فين راحت اول باول