سؤال عن مدينة ينبع

ينبع مدينه في قمة الروعه وكل شيء متوفر فيها من حيث المنتزهات والاسواق و البحر والحدائق والمولات والمطاعم صدقيني راح تنبسطي وتكرري الزيارة

سكنت بمحافظه قريبه لها 6 سنوات و كثير كنت أطلع ينبع
ما تنفع سياحه طويله مره صغير و أماكن الترفيه محدوده
و تلفيها بيومين يعني إذا ناويه عليه بالإجازة الجايه نصيحه
فكري قبل و أسألي أكثر

اختي زعيمة عالم حواء جزاك الله خير يالغلا بس ياليتك حددتي لي بالاسماء والاماكن اكون شاكره لك يالغلا

اختي نوف زيارتنا لينبع كم يوم مابنطول فيها لهاالسبب ماحبيت هاليومين تضيع هناك وانا ادور وابحث فين اروح احب اروحها مباشرة وانا على بينه حتى اكسب وقتي
مشكوره يالغلا

رفع

إذا كذا بعطيك اللي عندي و أعرفه عنها
الفندق أحجزو قبل من بوكنج لأن الأجازه قربت
و فنادقهم قليله بالأجازات يصير عندهم أزمة سكن بالفنادق
و تحصلي سياح كثير يفترشو شواطئ البحر لأن السكن توب
ممكن ما تحصلو سكن لذلك أحجزو قبل أضمن لكم
المطاعم فيها مطاعم بس مطاعم معتاده و متكررة بكل مدينه
مثل البيك و الطازج و كودو و هرفي و كنتاكي و هارديز و ماكدونالدز
و بيتزاء هت و دومينوز بيتزاء و فيها مطعم الأسطورة بالهيئه الملكيه متوسط
و فيها البوفيهات بالفنادق الكبيره و نفس الشيء بوفيهات متوسطة الجوده
يعني مطاعم فخمه و شيك و أكلات عالميه محترفه مافيها
الحدائق فيها حدائق بس الأفضل بالهيئه الملكيه
اللي بينع البحر عاديه
المولات فيها مولين كبار واحد الدانه بالهيئه الملكيه و الثاني بينع البحر
و مافيها ماركات عالميه بس ماركات متوسطه و قليله مره
و فيها مولات ثانيه بس صغيره مره مره
مدينة ألعاب و ملاهي مافيها فقط للأطفال بالمولات
مافي متاحف أو مهرجانات أو أماكن كثيره للترفيه
ممكن تطلعي رحلة صيد بالبحر لو حابه
و فيه غواصات للترفيه لو حابه تتفرجي على قاع البحر
و بس هذا اللي أعرفه عن ينبع لمدة 6 سنوات و للمعلوميه لي سنه
ما رحت لها يعني ما أعرف إذا جد حاجات جديده فيها