هلا بكم ياغاليات اليوم جبت لكم الحلى اللي بتوقيعي المشخبط خخخخخخخخ:icon28:
اسميته حلى الصديقات لان له قصه عملته للصديقتي مررره واعجبها جدا
وطلبت صديقتي طريقته اعطيتها الطريقه وصلحته لوحده من صديقاتي كانت جايتها
زياره واعجب صديقتي الثانيه وطلبت الطريقه ودار بينا كلنا فاسميناه حلى الصديقات :42:
انا ماخذته من دفتر قديم عندي وهو سهل سريع لذيذ و مرتب لايبي فرن ولا حووووسه
نجي للمقادير :
كاس حليب محموس _ علبة قشطه _ بيالة زيت _ باكيت بسكوت شاي اولكر مطحون
_ فنجان ونصف سكر
اعجنيهم مع بعض وضعيها بصينية بس بدون ما تدهنيها بالزيت ساويها فيها مثل الصوره
واذا حسيتي ان العجينه تتفتت بيدك بللي يدك بالماء واضغطي عليها عشان تتماسك
معك واذا جيتي تضعي الخلطه اللي فوق ماتتحرك وتخرب
بعد كذا خليها على جنب وجهزي الاتي
مقادير الخلطه اللي فوق وهي:
علبة قشطه _ ظرف كريم كراميل _ فنجان ماء _ قليلا من السكر فنجان تقريبا _
ضعيهم على النار وحركي لين تخرج الفقاعات واطفي النار عليها
بعد كذا صبيها فوق الصينيه ودخليها الثلاجه خمس دقائق لتجمد الخلطه وزينيها باي طريقه تحبي
انا وضعت هيرشي سائل ممكن تبشري شوكلاته وتضعي عليها ممكن ماتضعي شيء
وارجعي ضعيها بالثلاجه لحين التقديم
تراها ماتاخذ وقت ربع 10 دقايق وخلاص في الثلاجه جدا لذيييييذه والكل بيسألك عنه وحلواا وسريع
واليكم الصور
هنا بعد التقطيع شوفوا كيف شكلها مرتب وحلو
جربووووه ياغاليات راح تدمنون عليه كل ماصلحته لاحد طلب طريقته لاهلي لجاراتي للصديقاتي
وسهل وش تبون بعد احسن من كذا :)
تسلم الايادي