تمضي السنين وانا اردد انا انسسسانه يابشر :) مجرد فضفضه//قديم

الأسرة والمجتمع

السلام عليكم ورحمة الله
قبل كل شي انا صديقه لصاحبة الحساب بس حبيت افضفض ورجاء اللي بتقول كلام جارح احب اقولها اللي فيني مكفيني :)

ببدا من وانا صغيررره بعمر ال 5 سنوات تطلقت امي وتزوجت من رجل غير ابوي كنت وحيدة ابوي
تزوجت امي وتزوج ابوي وقعدت عند جدتي ماسالو عني ولا شفتهم بس كنت اسمع اصواتهم يكلموني بالجوال يوعدوني انهم يجوني ولاكن كانت مجرد اكذاب
مع مر السنين دخلت المتوسطه كنت منكسره كنت اشوف كل البنات فرحانين وانا منكسره! انامالي عزوه بهالحياه ولا سند كنت اكتب خواطر واشعار حزينه صغيره ع هالاشياء بس كنت ابدع فيها ! وفي يوم من الايام اكره هاليوم كل مااتذكره احس اني بموت !
رجعت من المدرسه ناديت جدتي وماردت ! قلت يمكن بالحمام رحت وانسدحت فتحت دفتري وبديت اكتب واكتب واكتب خذتني الساعات !
وقلت مو معقوله جدتي كل هالوقت بالحمام رحت غرفتها قلت يمكن نايمه فعلا كانت نايمه انسدحت جنبها وبحظنها خذتني نومه فتحت عيني ولازالت جدتي نايمه رحت المطبخ سويت فطور لي ولها قومتها ماردت علي مره ومرتين وثلاث والف ماترد علي بكيت بحسرتي انا مو هبله انا عارفه انها ماتت بكيييت اول مره ابكي بهالصوت المرتفع بكيت وكاني طفله رضيعه للاسف ماعندي جوال ولا حافظه رقم تليفون ولا شي !
ماكان بيدي الا اطلع بالشارع وانادي الجيران طلعت وكلمت جارتنا وكلمت ولدها وشالو جدتي وتمت مراسم العزاء
وين اروح ؟ وين اعيش؟ في رابع ايام العزاء جات امي ييااااااااااااه سنين عنها اشفق لشوفتها كانت معها بنتين توام و ولد ناظرتهم يااااه هذول اخواني ؟ جيت بااحظن امي بس دار فيني الزمن تذكرت لما رميتني بهالبيت ولا فكرت في وش اكل وكيف انام ؟
كنت ابكي بحرقه على حظي على نفسي عشت بحرمان سنين وبعيشه كمان
خذتني امي ببرود قلبها قاسي ماذرفت دمعه على امها !!!
رحت بيتها كانت امي مطلقه للمره الثانيه رحت غرفتي بديت افتح دفتري واكتب ماقدرت اتاقلم بالبيت اخواني مايعرفوني ولا اعرفهم تمنيت جدتي ترجع هي الوحيده اللي حظنها دافي وباقي الناس كلهم وحوش :(
لميت نفسي ومن التعب نمت مرت الايام وامي قاسيه علي ماتعتبرني انسانه ! او يمكن تحس اني غلطه بحياتها غلطه انها جابتني
تركت المدرسه وخلتني شغاله بالبيت
الغريب يشفق علي وامي ماشفقت علي
جاتني الدوره وانتم بكرامه وربي الذي لا اله الا هو مابقى احد بالحاره او بالعايله ماعرف !
بسبب امي فلاااااااانه كبرت جاتها الدوره دورو لها عريس
وربي ما اظلمها ولا بكلمه
مرت الايام ودخلت 16 في يوم من الايام التعيسه جو اولاد عمي وبنات عمي للبيت وكنت انا اتروش في الحمام الله يعزكم و واحد من العيال قال ابي دفتر ابي ورقه دخلت بنت عمي غرفتي خذت دفتري اللي دايم اكتب فيه يومياتي وخواطري وودته لولد عمي عمره 26 سنه وهو يدور ورقه فاضيه بالدفتر قرا كل شي خذا الدفتر معه البيت وقرا كل شي
دخلت انا غرفتي شلت المخده اور تحتها دفتري مالقيته !
قمت ابكي اخاف ان امي شافته وقريت كلامي عنها وبتضربني !
مانمت من القلق من الخوف
وجاتني امي من بعد بكرا وقالت لي يا فلانه خلاص احنا بنزوجك ولد عمك ! خطبك وخلاص مابنرده ردينا كثير قبله ويلا وصار كل شي بسرعه واول ما تزوجنا علمني بكل شي يعني تزوجني شفقه لا غير
عشت معاه عيشه عاديه جدا مثل اي زوج و زوجه بعد 3 سنين ما انجبت ورحنا لدكتور قال مافيها شي بس يمكن النفسيه لها دور صار يعايرني انتي نفسسيه انا ليه تزوجتك انا من شفتك وانا كئيب وانتي حياتك كلها حزن وهم وغم والله ياخذك وقام يضربني
تزوج علي وحده وسكنها بفيلا جنبي وانا شقه :)
قام يبي يقهرني يجي ويقول فلانه احلى واحسن وحده ومن هالكلام
انا انسسسسسسسسسسسسانه !!!!
كل مااحط راسي ع المخده ابكي لييييييييييه !

زوجته جابت له ولد ومن بعد هالولد وهو مايسير علي الا بالاسبوع مره حرمني من كل شي
حتى صديقتي لما تمر علي بعدها يضربني :)
حرمني من حلاوة هالدنيا وحبسني وانا صغيره توي 20 !
مو هالعمر المفروض البنت تبدا حياتها؟
بس انا غير انا بهالعمر تنتهي حياتي وطول عمري من اهانه لاهانه

الى متىىىى !
لا ام تسال ولا اب يسال
ولا احد يرحم !
ولا زوج يشفق !


وتمضي السنين وانا اردد انا انسسانه يا بشر :)



اقسم بالله الذي لا اله الا هو ان كل كلمه قلتها صادقه فيها

دعواتكم لي
واحمدو ربكم على كل حال
الحمدلله
77
14K

هذا الموضوع مغلق.

دلوعة زوجي ...,
دلوعة زوجي ...,
رفع
راحله وزادي قليل
حبيبتي بكتيني والله
الله يفرج همك ااااخ ع هالزمن ما حدا مرتاح 
ما بنقول الا الحمدلله على كل حال اللهم لك الحمد كما ينبغي لجلال وجهك وعظيم سلطان
عانيت بسكآت
عانيت بسكآت
ياقلبي الله يصبرك وينصرك عليه نصرآآآآ عاجلاآآآآ غير اجلاآآ

لاتخفاافي الله بياخذ جزاك منه عليك بالددعااء في جوف الليل والاستغفار
شمممس!!!
شمممس!!!
ياااااااه كثير اللي مثلك
ياما عانوا حسبي الله ع كل ظالم
الان حياتك كيفها؟
تفآءلت بالنك حقك انتظرت نهايه سعيده الله يفرج همك
دلوعة زوجي ...,
دلوعة زوجي ...,
ياااااااه كثير اللي مثلك ياما عانوا حسبي الله ع كل ظالم الان حياتك كيفها؟ تفآءلت بالنك حقك انتظرت نهايه سعيده الله يفرج همك
ياااااااه كثير اللي مثلك ياما عانوا حسبي الله ع كل ظالم الان حياتك كيفها؟ تفآءلت بالنك حقك...
صادقه كثير الي مثلي ضحية لانفصال الام والاب
ضحيه مجهوله !
حياتي كما هي امي ماتسال عني وكاني كنت هم وانزاح
و ابوي ماندري عنه حي او ميت
و زوجي اشوفه بالاسبوع مره وياريتني مااشوقه يسمعني كلام جارح !
وان رديت كليت من هالكفوف



امين