تعالوا وسمعوا مشكلتي ..........

تعالوا وسمعوا مشكلتي ..........
انا متزوجة من 14 سنة والحمدلله رزقنا ب 4 أولاد ( ولم أرزق بالبنت ) والحمدلله على كل حال
المهم هذا مو موضوعنا ......
انا كنت أعرف من قبل ارتباطي بزوجي ان عنده علاقات مع بنات بحكم إن ولد عمي وكان يحبني من بعيد وما يقدر يبوح لي بحبه لأن ابوي محافظ جداً .... خطبني من ابوي لكن ابوي ما كان راضي حاولت أمي تقنعه على اعتبار إن إلي نعرفه أحسن من إلي نتعرف عليه ..... ووافقت بعد ما صليت صلاة استخارة أكثر من مرة والحمدلله استمرت الخطبة شهرين تقريباً واكدلي إن قطع علاقاته بكل البنات اللي يعرفهم وصدقته .. تزوجنا وحسيت إن فعلاً يحبني من قلبه والدليل على جذي ان فتح لي قلبه وقالي بكل مغامراته القديمة والحين بدأ صفحة جديدة معاي .... في حياتنا اليومية كان وايد وايد يشك فيني وكنت اتقبل هذه الأشياء بصدر رحب وكل مرة يتأكد أن شكوكه غير صحيحة ويتأسف مني ومرات يبكي مثل الطفل الصغير ...... مرت الأيام وصار يثق فيني ثقة عمياء والحمدلله لكن للأسف اكتشفت ان كان له علاقات مع بنات لا تتجاوز التحدث بالهاتف وقد سمعت له شريط كان يكلم امرأة متزوجة وعندما واجهته ندم على ما فعله وقال ان لجأ لذلك لأن محتاج يسمع سوالف جديدة !!!!!!!!!!!!
سامحته بعد ما وعدني إن ما راح يلجأ لهذا الشئ مرة ثانية وانا طبعاً ما قلت لأهلي أي شي ........
وبعد فترة تعرف على صديق من أصدقاء السوء وتغير سلوك زوجي فصار يلبس لبس مراهقين ودايماً يطلع ويقعد بالمقاهي في المجمعات الراقية والموبايل بالبيت ما كان يطيح من ايده ....... فتشت بالموبايل ولقيت بلاوي ارقام باسم رجال لكن الرسايل فيها سوالف بنات مثل ( حبيبي أنا ولهانه عليك ) ( بس أشوفك أوريك الرقص إللي على أصوله ) ...... واجهته بالرسايل وغضب مني كثير لأني فتشت بالموبايل وبالنهاية تطلقنا ....... حسيت ان رجل مسير وليس مخير صبرت وقعدت في بيتي وما علمت أهلي قلت يمكن يقدر هذا الشي ويرجع لعقله وبصراحة قعدت في بيتي علشان عيالي وبعدها رجعني ووعدني ان ما يرجع لهذي الأشياء ..... ومن اسبوع انفضح مع بنت أهلها عرفوا بعلاقتهم وللأسف اتهمني إني انا إللي فضحته غضبت منه كثير ورحت عند أهلي وقلت كل شي والحين يحاول إني ارجع له وتعهد لي ان يستغني عن الموبايل بس ارجع لعيالي .....رجعت بعد ما صارت مواجهة مع أهلي ووعدهم .... انا الحين في بيتي بس هو غضبان مني وايد لأن يقول انتي كسرتيني امام اهلك ....
اشلون اتصرف الحين معاه ؟؟؟؟؟؟ انا ادري اني طولت عليكم بس من اللي فيني