السلام عليكم ورحمته وبركاته
اللهم لا يبلغ مدحك قول قائل
ولا يجــــــــزي بآلائك أحــــد
لك الحمد لا نحصي ثناء عليك
أنت كما أثنيــــــت على نفسك
وجهــــــــــــــك أكرم الوجوه
واسمــــــــــك أعظم الاسماء
وعطيتــــــــك أحسن العطايا
أنت الــــــرب وسواك العبد
أنت الخالق وسواك مخلوق
أنت الرازق وسواك مرزوق
أنت الغنـــــــــي سواك فقير
أنت القـــادر وسواك عاجز .
لا معبود بحق سواك
ولاااااااا إله الا أنت
وعبيدك سوانا كثير ..
أسألك أن تصلي على محمد وعلى آل محمد وأن تبارك على محمد وعلى آل محمد كما صليت وباركت على ابراهيم وعلى ال ابراهيم انك حميد مجيد
انا طبعا طول الثامن كانت تجيني طلووق خفيفه وضغط اسفل البطن وكنت اظن ان ولادتي قريبه يعني باول التاسع
لكن اخذت التاسع كله مابقي لايوم وولدت الحمدلله
بديت قصتي كانت يوم السبت في تاريخ14كنت امكيج اختي مافيني الا العافيه
الا وحس بالم وعصبت على اختي وقاعدت انافخ واتهاوش معاها مادري وش جاني
ويوم رحت للحمام المغرب كنت بتوضى لصلات المغرب وانا كان عندي امساك ويوم جيت بطلع لا اشوف دم صافي ينزل انا خفت قلت جت الولاده ونفس الشي فرحانه
ورحت لمستشفى الولاده ببريده وسولي تنويم يقولون فاتح 2سانتي
وطول الليل وانا امشي بالاسياب ويوم جا الاحد قالت الدكتوره برضو اثنين ومافيه طلووق
وانا يوم كنت امشي شمت عطر مع ممرضه فرنسي قلت يمكن شم علي>>>>مع اني مو مقتنعه بالشمم
رحت ونقعت حلتيته وحطيتها بالفوطه مدة 12 ساعه
ويوم الاثنين برضو مافتح وطلبت خروج جاني اكتأب من المستشفى
ويوم الثلاثا مر عادي ويوم جت الساعه 11قررت اشرب خروع وانا كان عندي طلوق خفيفه
وانا سالت طبيبتي وقالت اشربي نص العلبه مباشره بدون خلط
شربته وتحملت الطعم ابي اولد ويوم جت الساعه 1الا وانا اركض عالحمام وانتم بكرامه
ونظف بطني ورحت اخذت شاور دافي لمده ربع ساعه
وماحسيت باي تغير نفس الطلوق بارده
ويوم جت الساعه 5 الا احس بالم ببطني منتظم كل 15دقيقه واقدر اتحمله قلت بروح الصباح لدكتورتي بمستوصف خاص اكشف قالتلي عمتي لا شكلها ولاده تبخري بحلتيته رحت وتبخرت الساعه7لمدة ربع ساعه
واخذت شنطتي واخذت قطعه حلتيته
ورحت لمستشفي الولاده وكشفو على وقالو 4سانتي لا وبديت ارجف
قلت يارب هونها علي
ونقعت بالطواري من الساعه 7ونص الين عشر وطلعوني كشك ولاده
وحطو على الاجهزه والمغذي والطلق منتظم
وكل ماجت طلقه شمت الحلتيته جت الممرضه هنديه قالت هذي حلتيتهافجعتني قلت وش عرفها بعلومنا قالت هذي كويسه تفتح رحم بس تتعب بيبي قلتلها طيب البيبي حقي كويس قالت ايه قلت اذا صار شي علميني عشان ما اشمها
ومن الساعه 11بدا الالم يزيد
وكل ساعه ونص تجي الدكتوره تكشف علي وقالت يؤ انت لسى حطمتني
وجتني الساعه 2 ونص ونزلت مويه البيبي بيدها وبعدها بدا الالم يشد ويقوا وانا وربي ادعي ومتصبره مابي ابكي ولا اصيح
واتذكر اولدي وعيوني تدمع
والساعه 3ونص بالضبط كشفو قالو 8سانتي قلت الحمدلله قالولا لازم 10
قلت يارب صبرني الا واحس بشي يبي يطلع واهي جت الممرضه وعطتني ابره ومادري حقت شنو لا والطلق صار متواصل وهو حااااااااااااااااااار
ماقدرت اخذ نفس واحس بشي بيطلع قلت سستر سمسم براز >اكرمكم الله>قلت لا تفتحي رجول لسى لازم 10 سانتي
وانا هنا انهبلت ماقدر اتحمل الوجع والله اني اتشهد
وهي راحت الساعه اربع الا ربع قمت اصااارخ من غير شعور وانادي وبعدت رجليني ماقدرت احس شي يبي يطلع
الا هي تركض وتفك الاجهزه
وقامو يركضون ووالبيبي يدفع وانا ادفع وانا اصراخ بالاسياب سستر بيبي يدفع انا بولد ومن كثر ماهم مستعجلين قامو يصدمون بهالجدران لين دشيت غرفة الولاده وانا احس كني دخلت الجنه وقولهم بسرعه لا وهن يسولفن ويضحكن طبعا انا اعرف شويت انقلش وهي تسولف معي وش تبين تجبين ومن هالهرروج وانا اقول ماهو وقته الا يوم وسوو توسعه وبدون مايطلبون مني انا ادفع خلقه مع دفع البيبي مره ومرتين وثلاث الا والحمدد لله جبتها الساعه 4 وثلث وبعد شوي الا قالو ادفعي وطلعت المشيمه وبدا التنظيف وتغفيص البطن وبدت بالغرز طبعا للاسف حطت بنج بس مافاد ومع ذالك تحملت واخر شي خربتها قمت اصارخ واللي ولدتني هنديه
وخلصت الساعه 5وطلعوني انا وبنتي لغرفه حاااااااااااااره مافيها تكييف ومعي حريم
وطبعا طلبت مسكن وطلب يجيبون لي اكل وقالو سوري ماما اكل يجي الساعه7ونص
تخيلو جوع وتعب والم جت وهم معطيني مضاد كيف اكله على جوع ووحده جنبي جزاها الله عني الف خير عطتني فطيرة لوزين واكلتها واكل العلاج وانا مره تعبانه عكس ولادتي الاول بعد الولاده ماحسيت بهالوجع طبعا السبب ان عندي نقص كالسيوم
والله كاني عجوز
والحمدلله والشكر على كل حال ياحوامل اهتمو بالاكل وخاصه الكالسيوم عشان مايجيكم الالم اللي جاني
اللهم لك الحمد والشكر كما ينبغي لجلالك وعظيم سلطانك
اللهم اني استغفرك واتوب اليك
ويابنات بالاول والاخير الولاده تساهيل من الله وتؤكلو على الله لان الله وحده هو المساعد والباقي اسباب لا تترجون ممرضه ودكتوره ترجو ربكم الله بيده كل شي سبحانه وتعالى
انا نوية اسميها لياااان بس اذا عندكم اسماء ثاينه ياريت تساعدوني حبايبي يوم ولادتها 17\10 يوم الاربعاء والله يهون عليكم ويرزق كل محروم
اختكم
m333
ملاحظه قصتي ذكرتها بمنتدى ثاني مو اذا شفتوها تحسبوني سارقتهااا:pوطبعا باسم ثاني مو بنفس اسمي هذا:35:
m333 @m333
عضوة فعالة
يلزم عليك تسجيل الدخول أولًا لكتابة تعليق.
m333
•
نسيت اقولكم بنات من يوم السبت وانا ماخليت شي ماشربته قرفه وكمون
حتى كف مريم شربته مرتين ولا جاب نتيجه بس زيت الخروع بس اتوقع لان معاي طلوووق
حتى كف مريم شربته مرتين ولا جاب نتيجه بس زيت الخروع بس اتوقع لان معاي طلوووق
الحمد لله على سلامتك
ااااااااااااااااااااااااااااخ ذكرتيني باللي مضى الله يهديك بس
دمعت عيني
وقمت اخذ نفس بصعوبه
تذكرت ولادتي قبل اربع شهور
بنفس المستشفى
يوووووووووووووووووووه الله يسهل على جميع الحوامل ويرزق اللي وده بالذريه الصالحه ياااااااارب
ااااااااااااااااااااااااااااخ ذكرتيني باللي مضى الله يهديك بس
دمعت عيني
وقمت اخذ نفس بصعوبه
تذكرت ولادتي قبل اربع شهور
بنفس المستشفى
يوووووووووووووووووووه الله يسهل على جميع الحوامل ويرزق اللي وده بالذريه الصالحه ياااااااارب
الصفحة الأخيرة
صراحه صرت أخاف احمل بالثاني من كثر مايقولون الثاني اصعب