السلام عليكم ورحمة الله وبركاته
اولا قال الله تعالي : (( لاتقنطوا من رحمة الله )) اي لا تيأسوا
وقال تعالى : (( ادعوني استجب لكم )) لا تيأسوا
انا راح احكيكم حكايتي وان شاء الله فيها الفايده
اولا ابشركم انا حاامل الحمد لله الان
والله ويعلم الله اني خلاص يإست بس في صوت في داخلي يقولي يمكن الشهر الجاي والحمد لله صار
انا اتزوجت قبل سنه وسبع شهور بالظبط والله يابنات كل اللي اتزوجوا معايا من اقاربي واقارب زوجي اللي اتزوجوا في نفس السنه ماشاء الله حملوا وولدوا واللي دحين حامل تاني وانا لسه انتظر وربي خلااااص لو تشوفوا اليأس والاحباط اللي كنت فيه
كل ما اروح عند اهل زوجي يقعدوا كل كلمة والثانيه الله يرزقكم الله يرزقكم رغم انهم يدعولنا بس مرة احسهم كأنهم يجرحوني ولمن كانت الوحده تحمل ولا يتكلموا في موضوع الاولاد ولا الحمل شوفي نظراتهم عليكي تحسيهم كأنهم يستنوا يشوفوا تعابير وجهك كنت اكره اروح لهم كثير من حركات يمكن تكون عاديه منهم بس انا كنت مرة اراقب حركاتهم وتصرفاتهم وربي عانيت بشكل مو طبيعي المهم قبل 5 شهور رحت لدكتورة واستلمتني بالكلوميد لمدة شهر وسوتلي صورة تلفزيون بالاشعه عن طريق المهبل وكانت البويضه حجمها 18 ملم وكانت مرة مناسبه وجاهزة للتبويض وقالتلي روحي ونامي اليوم مع زوجك وان شاء الله خير وتعالي بعد يومين ونشوف
بعد يومين رحت ماكانت في البويضه وقالتلي استني لاخر الشهر ولو اتأخرت الدورة سوي تحليل وأتاخرت الدورة وسويت تحليل وثاني يوم جاتني لان التحليل كان سلبي
الشهر اللي بعده استلمتني بالكلوميد مع البروجلايتوين ورحتلها وبرضوا مافي شي ما صار شي
المهم قالتلي راح ابدأمعاكي بالصبغه وكلام كدا المهم انا مرة خفت وقلت ما راح العب في نفسي خلاص ابغى اريح شويه
وقريت في النت عن الاعشاب والاشياء الطبيعيه وقلت يلا اجرب
جربت التبخر بالشاي الاخضر وما صار شي وهنا جربت المراميه لانه اخت زوجي قالتلي عليها انها تنشط المبايض جربتها لمدة اول اسبوع من الدورة ماصار شي الشهر اللي بعدها لاحظت انه الدورة ما اتأخرت كالعاده لانه انا عندي الدورة تتأخر كل شهر لازم تتأخر اسبوع تعشمني وبعدين ما يصير شي
المهم في شهر محرم رحت سويت عمرة ودعيت من كل قلبي وشربت زمزم ومسحت على بطني منها ودعيت يارب ربي لا تذرني فردا وانت خير الوارثين وطول الشهر صلاه ودعاء وعباده واخذت المراميه مع البردغوش اسويه كل يوم مرتين او ثلاثه على حسب المزاج بس ماكنت اكثر لانه مو كويس كثير لمدة عشرين يوم تقريبا اخذتها ومن نص الشهر زوجي جاب شي من العطار خلطة مكوناتها كالتالي : عسل اصلي + مخلوط معاه حبه سوده + جنسنج بس كميته كانت مرة قليله + حبوب لقاح النخيل + مسحوق غذاء ملكات النحل . العطار قال لزوجي دي تنشط خذ منها ملعقه الصبح اول ماتصحى وملعقة المسا واستمرينا اليين خلصت الكميه طبعا انا كنت اخذ مع زوجي وبطلت وقتها المراميه والبردغوش لانه حسيت انه مرة قويه الاشياء كلها مع بض كدا والشهر اللي بعده غابت الدورة بعد تأخرها لمدة اسبوعين سويت تحليل البول المنزلي ما كان في شي احبطت بس قلت يلا ان شاء الله خير وما رحت المستشفى الشهر اللي بعده ماجاتني الدورة والامها موجوده استمرت لمدة اسبوعين الالام ومانزلت الدورة لمن خلاص نفسيتي تعبت بسبب تأخر الدورة وتأثرت علاقتي في كل اللي حولي رحت المستشفى وما كان عندي امل ولا واحد في الميه اني حامل كنت خايفه انها سوت مضاعفات الاعشاب اللي اخذتها وانها كانت قويه عليا ومرة جا في باي صارلي تكيس عشان كدا مانزلت الدورة ولكن طلعت حاااااااااااااااااااااامل اخيرا والله ماصدقت الدكتور ابدا انصدمت واليوم الثاني بدأت افرح واستوعب الحمد لله الحمد لله يارب اللهم لك الحمد كما ينبغي لجلال وجهك وعظيم سلطانك الحمد لله جربوا منتوا خسرانين شي ربنا يرزق الجميع :)
نونوالجميله @nonoalgmylh
عضوة جديدة
يلزم عليك تسجيل الدخول أولًا لكتابة تعليق.
قلقه زماني
•
ماشاء الله ياختي الله يتمم لك وعقبالي والمسلمين اجمعين
الصفحة الأخيرة