اقولك افضل عسل استعملتة انا وحسيتة عسل عسل هو عسل السدر الكشميري بمية وثلاثين تلقينة في الهايبر بس ماالقاه بسهولة انا كمان معككم في الحمية لاني مريضة بس مو جرثومة بس لازم احتمي زي حمية الجرثومة بالضبط عصير الملفوف حلو للجرثومة اعصري ملفوف واشربي منة ثلاث فناجيل شاهي باليوم قبل كل وجبة فنجال

يالله يابنات نبدأ قولو توكلنا على الله همه همه يالله يامووني انا معك

فية شي اسمة (بست قرين ليفز )من عند العطار يقولون انها لجميع الامراض ومتكلم عنها احمد العجمي يقول حلوة للسكر بس هي لجميع الامراض سوو بحث عنها في قوقل بتطلع لكم انا اشتريتها واستعملتها مرة واحدة بس وما قدرت استخدمها مرة ثانية ليش ما ادري بس زوجي يستخدمها عادي حبيت اقول لكم عنها يمكن تفيدكم

^


الله يعطيك الف مليون عافيه

ان شاء الله بدور على العسل اللي قولتي عليه واجربه بإذن الله

بالنسبه للملفوف صعب انا كبدي شييييينه م استسيغه ابد

طيب بقولكم على بعض الاشياءات اللي راح نسويها


اول شي على الريق 7 حبات حبة البركه تاكلينها وحاولي تمضغينها كويس عشان تستفيدي وانا قرآت للدكتور جابر القحطاني يقول م تزيد حبة البركه عن 7 حبات وبنعدها بنفس الوقت ملعة عسل مذابه بماء زمزم

بنات بنخلي شربنا هالفتره ماء زمزم فقط قدر المستطاع وتذكروا حديث الرسول صلى الله عليه وسلم ماء زمزم لما شرب له وفي تجارب كثيره لآمراض مزمنه تشافوا بإرادة الله بعد ماء زمزم بس اهم شي اليقين والثقه التامه والتصديق بقول الرسول وبنشوف العجب طبعآ عشان يكون عندك ثقه ادعي بسجودك ان ربي يرزقك الثقه والايمان وحسن الظن باالله


بعدها بنصف ساعه او ساعه الفطور راح يكون خفيف

وراح نقتصر على الخبز البر هالفتره افطري اللي تحبي بس ابتعدي عن المقليات الاشياء الحاره والمشطشطه الفلفل والتوابل والحوامض كلها ممنوعه

والغدا يكون نفس الشي خفيف بطاطس مسلوقه أو مكرونه او رز ابيض بااللبن

بين الوجبات زبادي مع 3 فصوص ثوم الزبادي يكون قليل الدسم > حاولي كل يوم تخلصين علبة زبادي مع الثوم واللي تقدر علبتين لاتقصر :)

انتبهي تنامي بعد الاكل اقل شي ساعتين راح تتعبيييين

الاشياء المسموحه الخيار الجزر التمر البطاطس المسلوقه فقط التفاح الكمثرى > سبحان الله ريحتني

الشاي الاخضر > اقل شي كاسه يوميآ واكثر شي 3

زيت الزيتون مع السلطات او الجبنه

جبنه قريش > كتبت لي هي الدكتوره تحصلونها في السوبر ماركت خاص للحميه

الاكثار من شرب الماء

بنات هذا وفي طريق للاخت سلام

اللي هي مخلل الثوم

تجيبي ثوم وتفرمينه وتحطينه في برطمان زجاج وتغمرينه بزيت الزيتون والليمون والخل ويحفظ في الثلاجه يستخدم بعد اربعه وعشرين ساعه بس م ادري كم مدة صلاحيته كأني قرأت لها انو بس يومين

من فوائده حسب كلام الاخت
يحمي الجهاز الهضمي من البكتيريا والفيروسات والجراثيم

يقضي على جرثومة المعده وديدان الامعاء والفطريات يقوي المناعه

انا راح استخدم بمشيئة الله خل التفاح

وبرضو اللبان اللامي مفيد للجرثومه

كمان ابغى اعرف اللبن مسموح لنا هالفتره والا لا

خذوها مني .. الدكتور أباحسين يقول علاجها ملعقة عسل أصلي على الريق مع فص ثوم .