وش فيني؟

بنات أنا بداية حالتي الغير طبيعية جاتني و بفترة ما كنت أدرس بالكلية و بقولكم أول ما بدت معاي الحالة كنت بالبيت و كان قبل الأمتحانات الشهرية بفترة قصيرة

بداية حالتي نمت بغرفة غير غرفتي مع مجموعة العايلة ذيك الليلة نمنا مع بعض المهم يوم قمت من بكرة بظهري حبوب كبيرة شكلها يخوف من عند كتوفي لآخر ظهري و كأن هالحبوب داخلها موية

رحت للمستشفى و قالت الدكتورة هذا عنقز بس ماني متأكدة و حولتني على دكتور و قال مادري هذا وشو ؟؟؟؟؟؟ و حولني على دكتور ثاني و تجمعوا الدكاترة علي و قاموا يتكلمون بالانجلش مادري وش يقولون و حولوني على دكتور ثاني و الدكتور إلي جابوني له هالدكاتره قال لا هذا مو عنقز بس مش عارف ايش المهم هالدكتور ماعطاني علاج عنقز قالي اشتري صابونة نيتروجينا و ماذكر وش قالي بعد لأن هالشي قبل يمكن 5 سنوات تقريبا

و قعدت هالحبوب فترة و راحت مادري من الصابونة أو لا (أنا قلت لكم سالفة الحبوب لأنها بداية تغيري ) بعد ما بدت تروح الحبوب صرت أحس إني بطيير من البيت و أقول لأمي لا تروحين أقعدي معاي صرت عبء على أمي أقولها أحس إني بطير من البيت أحس شي بيطيرني و صرت ما أحب أستحم بس طايحة على السرير لدرجة أمي تسحبني بالغصب عشان أستحم و أبكي مابي أستحم (غصب عني و الله شي يمسك فخوذي ما أقدر أتحرك و أحس إني بطير بعض المرات) كنت أدخل الحمام و حط علي موية بسرعة و أطلع بس عشان أمي تقتنع إني أستحميت

و بعد ماصرت آكل لدرجة نزل وزني بشكل غريب من الخمسينيات لين آخر شي وصل 35 و وجهي نحف بشكل يخرع و بفترة الأمتحانات ماقدرت أذاكر لدرجة عدت سنة رسبت بالسنة ذيك و أستمرت هالحالة معاي و آخر شي بالحالة هذي صرت أكره االحياة و أفكر بالانتحار بس الخوف من الله كان يمنعني و بذيك الفترة تركت الصلاة لأول مرة بحياتي صعب علي أصلي أبي أصلي بس ما أقدر

و صرت دايم أبكي و اهملت شكلي و قبل كنت احب اكشخ ونجحت بعد اعادتي لسنة بالدف و السنة اللي بعدها بعد عدتها و نجحت بعد الاعادة بالدف يعني كل سنة اخلصها بسنتين وآخر شي تخرجت بتقدير مقبول و قبل كان تقديري اقل شي جيد جداا

الحين خفت الحالة و صرت اغصب نفسي على الصلاة و الاستغفار و الاكل وزاد وزني شوي بعد ست سنوات من حالات البكاء و الاحساس اني بطير و التفكير بالانتحار و الهموم و دايم عايشة بحزن بس للحين احس بحزن و لو اشوف اي شي يفرح اي شي ممكن يفرح انسانة مايفرحني بس (الحين صرت افرح شوي بس )

و الحين تجيني حالة اذا قمت بشتغل بالبيت و حسيت بنشاط يجيني شي يمسك فخوذي عوار ما عرف اشرحه و اذا مسك فخوذي هالشي يضيق صدري و اترك كل شي و انطوي على نفسي و على السرير هالحالة تجيني من بداية حالتي قبل سنوات للحين ما خفت


بنات الي لها خبرة تقولي هذا مرض نفسي ولا عين ولا وشو ؟؟؟؟؟؟؟؟؟ ومن صار لها مثلي ؟؟؟؟؟ابي مساعدتكم الله يحرم وجوهكم عن النار

ملاحظة : انا رحت مع اختي للشيخ يقرى عليها رحت مرتين و قرى و قالي ما فيك شي و أسمع قران و مرات اقرى مايصير فيني شي