بشرى سارة لذوات الشعر المجعد والخشن

السلام عليكم ورحمة الله وبركاته
طبعا انا قلت لذوات الشعر المجعد والخشن فقط يعني اللي شعرها ناعم ماراح تستفيد .
المهم ياحبيباتي
قريت من فتره هنا بالمنتدى عن نظام يوكوسيستم الياباني حق فرد أو تمليس الشعر وانه يسوى في البحرين أو لبنان فقط .
الحين ابشركم اني لقيته في مشغل بالرياض يسوونه .

اول شي خل اقول لكم عن هالنوع من الفرد :
طبعا الفرد هذا زية زي اي فرد يفرد الشعر ويستمر لما يطول الشعر واذا طال تفردين اللي يطول .
بس يبيله شغل واجد على كلام راعية المشغل وعشان كذا غالي
هو غالي بعقل ؟؟؟ !!! الا مبلغ خرافي بعد .

بس ميزته انه يملس الشعر بشكل فظيع وخاصه الشعر الخشن مررررره والدليل اني شفت وحده تشتغل بالمشغل شعرها عراااااااااااااااده ومسويه هالفرد الياباني و شعرها مافيه ولا طعجه ويوم سألتها انت مسشورته بعد الحمام؟؟ قالت والله ما جاه السشوار وهذا احسن شي بهالفرد تطلعين من الحمام وشعرك حرير بدون سشوار - هذا كلام الحرمه - .

بس اللي لاحظته وللأمانه ان اطراف شعرها ابر
:09:
سألأت راعية المشغل اللي تسوي الفرد هالفرد يخلي اطراف الشعر زي الابر؟؟ قالت لا عادي انت تقدرين تلفين اطراف الشعر وتنلف زي ماتحبين . قلت طااااااايب .

الحين اكيد فرحتوا زيي وودكم تسألون كم السعر صح؟؟؟:D




السعر حبيباتي خرافي ..... بس من بغى الدح ما قال .....
السعر يبدأ من 1800 ريال للشعر القصييييير جدا يعني فوق الاذن تقريبا
ويزيد حسب طول الشعر ولما يطول الشعر وتحبين ترجعين تسوين اللي طال نفس القيمة 1800 :08: :44:


والله غالي قلت لها ليش غالي كذا
قالت شغله واجد يبيله 8 ساعات شغل :36:

يعني دوام كامل عند المشغل

يله عاد اللي تحب تسوي شعرها تشاركنا


على فكره المشغل بالرياض اللي تحب تعرف وين تعلمني .
يله انا ابروح الحين واشوف مدى تفاعلكم مع الموضوع ولاتزعلونني منكم ترى احب اخدمكم


ايييييييييييييييييييييييي صح نسييييييييييييييييييييت اللي تحب تعرف معلومات اكثر عن هذا النوع من الفرد تقدر تروح لموقع الخاص بهالنوع واللي بحثت عنه لما لقيته والله الله بالترجمه
هذا الموقع
http://www.yukosystem.com/

لاتتروعين اذا طلع لك رموز ماتدرين وش هي تراه كلام بالياباني ماقدر الكمبيوتر يتعرف عليه
طنشي وروحي للكلام الانقليزي اللي عاليمين فوق راس البنت مكتوب انقلش فيرجن اضغطي عليه وراح يكون الموقع انقليزي 100 %
اي صح شفتوا شعر البنت اللي بالموقع كذا صار شعر العامله اللي بالمشغل مع العلم انه عراده ومتعكرش من المنابت . شوفو وش صار عشان يجيكم امل بأن شعوركم راح تتحسن بإذن الله .




تراي طولت عاد مع السلامه .

:14: